श्रीअन्नपूर्णासहस्रनामस्तोत्रम्

कैलासशिखरासीनं देवदेवं महेश्वरम् । प्रणम्य दण्डवद्भूमौ पार्वती परिपृच्छति ॥

kailāsaśikharāsīnaṃ devadevaṃ maheśvaram | praṇamya daṇḍavadbhūmau pārvatī paripṛcchati ||

श्रीपार्वत्युवाच । अन्नपूर्णा महादेवी त्रैलोक्ये जीवधारिणी । नाम्नां सहस्रं तस्यास्तु कथयस्व महाप्रभो ॥

śrīpārvatyuvāca | annapūrṇā mahādevī trailokye jīvadhāriṇī | nāmnāṃ sahasraṃ tasyāstu kathayasva mahāprabho ||

श्रीशिव उवाच । श‍ृणु देवि वरारोहे जगत्कारणि कौलिनि । आराधनीया सर्वेषां सर्वेषां परिपृच्छसि ॥

śrīśiva uvāca | śa‍ṛṇu devi varārohe jagatkāraṇi kaulini | ārādhanīyā sarveṣāṃ sarveṣāṃ paripṛcchasi ||

सहस्रैर्नामभिर्दिव्यैस्त्रैलोक्यप्राणिपूजितैः । अन्नदायास्स्तवं दिव्यं यत्सुरैरपि वाञ्छितम् ॥

sahasrairnāmabhirdivyaistrailokyaprāṇipūjitaiḥ | annadāyāsstavaṃ divyaṃ yatsurairapi vāñchitam ||

कथयामि तव स्नेहात्सावधानाऽवधारय । गोपनीयं प्रयत्नेन स्तवराजमिदं शुभम् ॥

kathayāmi tava snehātsāvadhānā'vadhāraya | gopanīyaṃ prayatnena stavarājamidaṃ śubham ||

न प्रकाश्यं त्वया भद्रे दुर्जनेभ्यो निःशेषतः । न देयं परशिष्येभ्यो भक्तिहीनाय पार्वति ॥

na prakāśyaṃ tvayā bhadre durjanebhyo niḥśeṣataḥ | na deyaṃ paraśiṣyebhyo bhaktihīnāya pārvati ||

देयं शिष्याय शान्ताय गुरुदेवरताय च । अन्नपूर्णास्तवं देयं कौलिकाय कुलेश्वरी ॥

deyaṃ śiṣyāya śāntāya gurudevaratāya ca | annapūrṇāstavaṃ deyaṃ kaulikāya kuleśvarī ||

ॐ अस्य श्रीमदन्नपूर्णासहस्रनामस्तोत्रमालामन्त्रस्य, श्रीभगवान् ऋषिः, अनुष्टुप्छन्दः, प्रकटगुप्तगुप्ततर सम्पदाय कुलोत्तीर्ण निगर्भरहस्याति रहस्यपरापरातिरहस्यातिपूर्वाचिन्त्यप्रभावा भगवती श्रीमदन्नपूर्णादेवता, हलो बीजं, स्वराश्शक्तिः, जीवो बीजं, बुद्धिश्शक्तिः, उदानो बीजं, सुषुम्ना नाडी, सरस्वती शक्तिः, धर्मार्थकाममोक्षार्थे पाठे विनियोगः ॥

oṃ asya śrīmadannapūrṇāsahasranāmastotramālāmantrasya, śrībhagavān ṛṣiḥ, anuṣṭupchandaḥ, prakaṭaguptaguptatara sampadāya kulottīrṇa nigarbharahasyāti rahasyaparāparātirahasyātipūrvācintyaprabhāvā bhagavatī śrīmadannapūrṇādevatā, halo bījaṃ, svarāśśaktiḥ, jīvo bījaṃ, buddhiśśaktiḥ, udāno bījaṃ, suṣumnā nāḍī, sarasvatī śaktiḥ, dharmārthakāmamokṣārthe pāṭhe viniyogaḥ ||

ध्यानम् । अर्कोन्मुक्तशशाङ्ककोटिवदनामापीनतुङ्गस्तनीं चन्द्रार्धाङ्कितमस्तकां मधुमदामालोलनेत्रत्रयीम् । बिभ्राणामनिशं वरं जपपटीं शूलं कपालं करैः आद्यां यौवनगर्वितां लिपितनुं वागीश्वरीमाश्रये ॥

dhyānam | arkonmuktaśaśāṅkakoṭivadanāmāpīnatuṅgastanīṃ candrārdhāṅkitamastakāṃ madhumadāmālolanetratrayīm | bibhrāṇāmaniśaṃ varaṃ japapaṭīṃ śūlaṃ kapālaṃ karaiḥ ādyāṃ yauvanagarvitāṃ lipitanuṃ vāgīśvarīmāśraye ||

अथ अन्नपूर्णासहस्रनामस्तोत्रम् ।

atha annapūrṇāsahasranāmastotram |

अन्नपूर्णा अन्नदात्री अन्नराशिकृतालया । अन्नदा अन्नरूपा च अन्नदानरतोत्सवा ॥

annapūrṇā annadātrī annarāśikṛtālayā | annadā annarūpā ca annadānaratotsavā ||

अनन्ता च अनन्ताक्षी अनन्तगुणशालिनी । अच्युता अच्युतप्राणा अच्युतानन्दकारिणी ॥

anantā ca anantākṣī anantaguṇaśālinī | acyutā acyutaprāṇā acyutānandakāriṇī ||

अव्यक्ताऽनन्तमहिमा अनन्तस्य कुलेश्वरी । अब्धिस्था अब्धिशयना अब्धिजा अब्धिनन्दिनी ॥

avyaktā'nantamahimā anantasya kuleśvarī | abdhisthā abdhiśayanā abdhijā abdhinandinī ||

अब्जस्था अब्जनिलया अब्जजा अब्जभूषणा । अब्जाभा अब्जहस्ता च अब्जपत्रशुभेक्षणा ॥

abjasthā abjanilayā abjajā abjabhūṣaṇā | abjābhā abjahastā ca abjapatraśubhekṣaṇā ||

अब्जानना अनन्तात्मा अग्रिस्था अग्निरूपिणी । अग्निजाया अग्निमुखी अग्निकुण्डकृतालया ॥

abjānanā anantātmā agristhā agnirūpiṇī | agnijāyā agnimukhī agnikuṇḍakṛtālayā ||

अकारा अग्निमाता च अजयाऽदितिनन्दिनी । आद्या आदित्यसङ्काशा आत्मज्ञा आत्मगोचरा ॥

akārā agnimātā ca ajayā'ditinandinī | ādyā ādityasaṅkāśā ātmajñā ātmagocarā ||

आत्मसूरात्मदयिता आधारा आत्मरूपिणी । आशा आकाशपद्मस्था अवकाशस्वरूपिणी ॥

ātmasūrātmadayitā ādhārā ātmarūpiṇī | āśā ākāśapadmasthā avakāśasvarūpiṇī ||

आशापूरी अगाधा च अणिमादिसुसेविता । अम्बिका अबला अम्बा अनाद्या च अयोनिजा ॥

āśāpūrī agādhā ca aṇimādisusevitā | ambikā abalā ambā anādyā ca ayonijā ||

अनीशा ईशिका ईशा ईशानी ईश्वरप्रीया । ईश्वरी ईश्वरप्राणा ईश्वरानन्ददायिनी ॥

anīśā īśikā īśā īśānī īśvaraprīyā | īśvarī īśvaraprāṇā īśvarānandadāyinī ||

इन्द्राणी इन्द्रदयिता इन्द्रसूरिन्द्रपालिनी । इन्दिरा इन्द्रभगिनी इन्द्रिया इन्दुभूषणा ॥

indrāṇī indradayitā indrasūrindrapālinī | indirā indrabhaginī indriyā indubhūṣaṇā ||

इन्दुमाता इन्दुमुखी इन्द्रियाणां वशङ्करी । उमा उमापतेः प्राणा ओड्याणपीठवासिनी ॥

indumātā indumukhī indriyāṇāṃ vaśaṅkarī | umā umāpateḥ prāṇā oḍyāṇapīṭhavāsinī ||

उत्तरज्ञा उत्तराख्या उकारा उत्तरात्मिका । ऋमाता ऋभवा ऋस्था ॠलॄकारस्वरूपिणी ॥

uttarajñā uttarākhyā ukārā uttarātmikā | ṛmātā ṛbhavā ṛsthā ṝlṝkārasvarūpiṇī ||

ऋकारा च लृकारा च लॄतकप्रीतिदायिनी । एका च एकवीरा च एकारैकाररूपिणी ॥

ṛkārā ca lṛkārā ca lṝtakaprītidāyinī | ekā ca ekavīrā ca ekāraikārarūpiṇī ||

ओकारी ओघरूपा च ओघत्रयसुपूजिता । ओघस्था ओघसम्भूता ओघधात्री च ओघसूः ॥

okārī ogharūpā ca oghatrayasupūjitā | oghasthā oghasambhūtā oghadhātrī ca oghasūḥ ||

षोडशस्वरसम्भूता षोडशस्वररूपिणी । वर्णात्मा वर्णनिलया शूलिनी वर्णमालिनी ॥

ṣoḍaśasvarasambhūtā ṣoḍaśasvararūpiṇī | varṇātmā varṇanilayā śūlinī varṇamālinī ||

कालरात्रिर्महारात्रिर्मोहरात्रिः सुलोचना । काली कपालिनी कृत्या कालिका सिंहगामिनी ॥

kālarātrirmahārātrirmoharātriḥ sulocanā | kālī kapālinī kṛtyā kālikā siṃhagāminī ||

कात्यायनी कलाधारा कालदैत्यनिकृन्तनी । कामिनी कामवन्द्या च कमनीया विनोदिनी ॥

kātyāyanī kalādhārā kāladaityanikṛntanī | kāminī kāmavandyā ca kamanīyā vinodinī ||

कामसूः कामवनिता कामधुक् कमलावती । कामदात्री कराली च कामकेलिविनोदिनी ॥

kāmasūḥ kāmavanitā kāmadhuk kamalāvatī | kāmadātrī karālī ca kāmakelivinodinī ||

कामना कामदा काम्या कमला कमलार्चिता । काश्मीरलिप्तवक्षोजा काश्मीरद्रवचर्चिता ॥

kāmanā kāmadā kāmyā kamalā kamalārcitā | kāśmīraliptavakṣojā kāśmīradravacarcitā ||

कनका कनकप्राणा कनकाचलवासिनी । कनकाभा काननस्था कामाख्या कनकप्रदा ॥

kanakā kanakaprāṇā kanakācalavāsinī | kanakābhā kānanasthā kāmākhyā kanakapradā ||

कामपीठस्थिता नित्या कामधामनिवासिनी । कम्बुकण्ठी करालाक्षी किशोरी च कलापिनी ॥

kāmapīṭhasthitā nityā kāmadhāmanivāsinī | kambukaṇṭhī karālākṣī kiśorī ca kalāpinī ||

कला काष्ठा निमेषा च कालस्था कालरूपिणी । कालज्ञा कालमाता च कालधात्री कलावती ॥

kalā kāṣṭhā nimeṣā ca kālasthā kālarūpiṇī | kālajñā kālamātā ca kāladhātrī kalāvatī ||

कालदा कालहा कुल्या कुरुकुल्ला कुलाङ्गना । कीर्तिदा कीर्तिहा कीर्तिः कीर्तिस्था कीर्तिवर्धनी ॥

kāladā kālahā kulyā kurukullā kulāṅganā | kīrtidā kīrtihā kīrtiḥ kīrtisthā kīrtivardhanī ||

कीर्तिज्ञा कीर्तितपदा कृत्तिका केशवप्रिया । केशिहा केलीकारी च केशवानन्दकारिणी ॥

kīrtijñā kīrtitapadā kṛttikā keśavapriyā | keśihā kelīkārī ca keśavānandakāriṇī ||

कुमुदाभा कुमारी च कर्मदा कमलेक्षणा । कौमुदी कुमुदानन्दा कौलिनी च कुमुद्वती ॥

kumudābhā kumārī ca karmadā kamalekṣaṇā | kaumudī kumudānandā kaulinī ca kumudvatī ||

कोदण्डधारिणी क्रोधा कूटस्था कोटराश्रया । कालकण्ठी करालाङ्गी कालाङ्गी कालभूषणा ॥

kodaṇḍadhāriṇī krodhā kūṭasthā koṭarāśrayā | kālakaṇṭhī karālāṅgī kālāṅgī kālabhūṣaṇā ||

कङ्काली कामदामा च कङ्कालकृतभूषणा । कपालकर्त्रिककरा करवीरस्वरूपिणी ॥

kaṅkālī kāmadāmā ca kaṅkālakṛtabhūṣaṇā | kapālakartrikakarā karavīrasvarūpiṇī ||

कपर्दिनी कोमलाङ्गी कृपासिन्धुः कृपामयी । कुशावती कुण्डसंस्था कौबेरी कौशिकी तथा ॥

kapardinī komalāṅgī kṛpāsindhuḥ kṛpāmayī | kuśāvatī kuṇḍasaṃsthā kauberī kauśikī tathā ||

काश्यपी कद्रुतनया कलिकल्मषनाशिनी । कञ्जस्था कञ्जवदना कञ्जकिञ्जल्कचर्चिता ॥

kāśyapī kadrutanayā kalikalmaṣanāśinī | kañjasthā kañjavadanā kañjakiñjalkacarcitā ||

कञ्जाभा कञ्जमध्यस्था कञ्जनेत्रा कचोद्भवा । कामरूपा च ह्रींकारी कश्यपान्वयवर्धिनी ॥

kañjābhā kañjamadhyasthā kañjanetrā kacodbhavā | kāmarūpā ca hrīṃkārī kaśyapānvayavardhinī ||

खर्वा च खञ्जनद्वन्द्वलोचना खर्ववाहिनी । खड्गिनी खड्गहस्ता च खेचरी खड्गरूपिणी ॥

kharvā ca khañjanadvandvalocanā kharvavāhinī | khaḍginī khaḍgahastā ca khecarī khaḍgarūpiṇī ||

खगस्था खगरूपा च खगगा खगसम्भवा । खगधात्री खगानन्दा खगयोनिस्वरूपिणी ॥

khagasthā khagarūpā ca khagagā khagasambhavā | khagadhātrī khagānandā khagayonisvarūpiṇī ||

खगेशी खेटककरा खगानन्दविवर्धिनी । खगमान्या खगाधारा खगगर्वविमोचिनी ॥

khageśī kheṭakakarā khagānandavivardhinī | khagamānyā khagādhārā khagagarvavimocinī ||

गङ्गा गोदावरी गीतिर्गायत्री गगनालया । गीर्वाणसुन्दरी गौश्च गाधा गीर्वाणपूजिता ॥

gaṅgā godāvarī gītirgāyatrī gaganālayā | gīrvāṇasundarī gauśca gādhā gīrvāṇapūjitā ||

गीर्वाणचर्चितपदा गान्धारी गोमती तथा । गर्विणी गर्वहन्त्री च गर्भस्था गर्भधारिणी ॥

gīrvāṇacarcitapadā gāndhārī gomatī tathā | garviṇī garvahantrī ca garbhasthā garbhadhāriṇī ||

गर्भदा गर्भहन्त्री च गन्धर्वकुलपूजिता । गया गौरी च गिरिजा गिरिस्था गिरिसम्भवा ॥

garbhadā garbhahantrī ca gandharvakulapūjitā | gayā gaurī ca girijā giristhā girisambhavā ||

गिरिगह्वरमध्यस्था कुञ्जरेश्वरगामिनी । किरीटिनी च गदिनी गुञ्जाहारविभूषणा ॥

girigahvaramadhyasthā kuñjareśvaragāminī | kirīṭinī ca gadinī guñjāhāravibhūṣaṇā ||

गणपा गणका गण्या गणकानन्दकारिणी । गणपूज्या च गीर्वाणी गणपाननन्दकारिणी ॥

gaṇapā gaṇakā gaṇyā gaṇakānandakāriṇī | gaṇapūjyā ca gīrvāṇī gaṇapānanandakāriṇī ||

गुरुमाता गुरुरता गुरुभक्तिपरायणा । गोत्रा गौः कृष्णभगिनी कृष्णसूः कृष्णनन्दिनी ॥

gurumātā gururatā gurubhaktiparāyaṇā | gotrā gauḥ kṛṣṇabhaginī kṛṣṇasūḥ kṛṣṇanandinī ||

गोवर्धनी गोत्रधरा गोवर्धनकृतालया । गोवर्धनधरा गोदा गौराङ्गी गौतमात्मजा ॥

govardhanī gotradharā govardhanakṛtālayā | govardhanadharā godā gaurāṅgī gautamātmajā ||

घर्घरा घोररूपा च घोरा घर्घरनादिनी । श्यामा घनरवाऽघोरा घना घोरार्तिनाशिनी ॥

ghargharā ghorarūpā ca ghorā ghargharanādinī | śyāmā ghanaravā'ghorā ghanā ghorārtināśinī ||

घनस्था च घनानन्दा दारिद्र्यघननाशिनी । चित्तज्ञा चिन्तितपदा चित्तस्था चित्तरूपिणी ॥

ghanasthā ca ghanānandā dāridryaghananāśinī | cittajñā cintitapadā cittasthā cittarūpiṇī ||

चक्रिणी चारुचम्पाभा चारुचम्पकमालिनी । चन्द्रिका चन्द्रकान्तिश्च चापिनी चन्द्रशेखरा ॥

cakriṇī cārucampābhā cārucampakamālinī | candrikā candrakāntiśca cāpinī candraśekharā ||

चण्डिका चण्डदैत्यघ्नी चन्द्रशेखरवल्लभा । चाण्डालिनी च चामुण्डा चण्डमुण्डवधोद्यता ॥

caṇḍikā caṇḍadaityaghnī candraśekharavallabhā | cāṇḍālinī ca cāmuṇḍā caṇḍamuṇḍavadhodyatā ||

चैतन्यभैरवी चण्डा चैतन्यघनगेहिनी । चित्स्वरूपा चिदाधारा चण्डवेगा चिदालया ॥

caitanyabhairavī caṇḍā caitanyaghanagehinī | citsvarūpā cidādhārā caṇḍavegā cidālayā ||

चन्द्रमण्डलमध्यस्था चन्द्रकोटिसुशीतला । चपला चन्द्रभगिनी चन्द्रकोटिनिभानना ॥

candramaṇḍalamadhyasthā candrakoṭisuśītalā | capalā candrabhaginī candrakoṭinibhānanā ||

चिन्तामणिगुणाधारा चिन्तामणिविभूषणा । भक्तचिन्तामणिलता चिन्तामणिकृतालया ॥

cintāmaṇiguṇādhārā cintāmaṇivibhūṣaṇā | bhaktacintāmaṇilatā cintāmaṇikṛtālayā ||

चारुचन्दनलिप्ताङ्गी चतुरा च चतुर्मुखी । चैतन्यदा चिदानन्दा चारुचामरवीजिता ॥

cārucandanaliptāṅgī caturā ca caturmukhī | caitanyadā cidānandā cārucāmaravījitā ||

छत्रदा छत्रधारी च छलच्छद्मविनाशिनी । छत्रहा छत्ररूपा च छत्रच्छायाकृतालया ॥

chatradā chatradhārī ca chalacchadmavināśinī | chatrahā chatrarūpā ca chatracchāyākṛtālayā ||

जगज्जीवा जगद्धात्री जगदानन्दकारिणी । यज्ञप्रिया यज्ञरता जपयज्ञपरायणा ॥

jagajjīvā jagaddhātrī jagadānandakāriṇī | yajñapriyā yajñaratā japayajñaparāyaṇā ||

जननी जानकी यज्वा यज्ञहा यज्ञनन्दिनी । यज्ञदा यज्ञफलदा यज्ञस्थानकृतालया ॥

jananī jānakī yajvā yajñahā yajñanandinī | yajñadā yajñaphaladā yajñasthānakṛtālayā ||

यज्ञभोक्त्री यज्ञरूपा यज्ञविघ्नविनाशिनी । जपाकुसुमसङ्काशा जपाकुसुमशोभिता ॥

yajñabhoktrī yajñarūpā yajñavighnavināśinī | japākusumasaṅkāśā japākusumaśobhitā ||

जालन्धरी जया जैत्री जीमूतचयभाषिणी । जयदा जयरूपा च जयस्था जयकारिणी ॥

jālandharī jayā jaitrī jīmūtacayabhāṣiṇī | jayadā jayarūpā ca jayasthā jayakāriṇī ||

जगदीशप्रिया जीवा जलस्था जलजेक्षणा । जलरूपा जह्नुकन्या यमुना जलजोदरी ॥

jagadīśapriyā jīvā jalasthā jalajekṣaṇā | jalarūpā jahnukanyā yamunā jalajodarī ||

जलजास्या जाह्नवी च जलजाभा जलोदरी । यदुवंशोद्भवा जीवा यादवानन्दकारिणी ॥

jalajāsyā jāhnavī ca jalajābhā jalodarī | yaduvaṃśodbhavā jīvā yādavānandakāriṇī ||

यशोदा यशसां राशिर्यशोदानन्दकारिणी । ज्वलिनी ज्वालिनी ज्वाला ज्वलत्पावकसन्निभा ॥

yaśodā yaśasāṃ rāśiryaśodānandakāriṇī | jvalinī jvālinī jvālā jvalatpāvakasannibhā ||

ज्वालामुखी जगन्माता यमलार्जुनभञ्जनी । जन्मदा जन्महा जन्या जन्मभूर्जनकात्मजा ॥

jvālāmukhī jaganmātā yamalārjunabhañjanī | janmadā janmahā janyā janmabhūrjanakātmajā ||

जनानन्दा जाम्बवती जम्बूद्वीपकृतालया । जाम्बूनदसमानाभा जाम्बूनदविभूषणा ॥

janānandā jāmbavatī jambūdvīpakṛtālayā | jāmbūnadasamānābhā jāmbūnadavibhūṣaṇā ||

जम्भहा जातिदा जातिर्ज्ञानदा ज्ञानगोचरा । ज्ञानरूपाऽज्ञानहा च ज्ञानविज्ञानशालिनी ॥

jambhahā jātidā jātirjñānadā jñānagocarā | jñānarūpā'jñānahā ca jñānavijñānaśālinī ||

जिनजैत्री जिनाधारा जिनमाता जिनेश्वरी । जितेन्द्रिया जनाधारा अजिनाम्बरधारिणी ॥

jinajaitrī jinādhārā jinamātā jineśvarī | jitendriyā janādhārā ajināmbaradhāriṇī ||

शम्भुकोटिदुराधर्षा विष्णुकोटिविमर्दिनी । समुद्रकोटिगम्भीरा वायुकोटिमहाबला ॥

śambhukoṭidurādharṣā viṣṇukoṭivimardinī | samudrakoṭigambhīrā vāyukoṭimahābalā ||

सूर्यकोटिप्रतीकाशा यमकोटिदुरापहा । कामधुक्कोटिफलदा शक्रकोटिसुराज्यदा ॥

sūryakoṭipratīkāśā yamakoṭidurāpahā | kāmadhukkoṭiphaladā śakrakoṭisurājyadā ||

कन्दर्पकोटिलावण्या पद्मकोटिनिभानना । पृथ्वीकोटिजनाधारा अग्निकोटिभयङ्करी ॥

kandarpakoṭilāvaṇyā padmakoṭinibhānanā | pṛthvīkoṭijanādhārā agnikoṭibhayaṅkarī ||

अणिमा महिमा प्राप्तिर्गरिमा लघिमा तथा । प्राकाम्यदा वशकरी ईशिका सिद्धिदा तथा ॥

aṇimā mahimā prāptirgarimā laghimā tathā | prākāmyadā vaśakarī īśikā siddhidā tathā ||

महिमादिगुणोपेता अणिमाद्यष्टसिद्धिदा । जवनध्नी जनाधीना जामिनी च जरापहा ॥

mahimādiguṇopetā aṇimādyaṣṭasiddhidā | javanadhnī janādhīnā jāminī ca jarāpahā ||

तारिणी तारिका तारा तोतला तुलसीप्रिया । तन्त्रिणी तन्त्ररूपा च तन्त्रज्ञा तन्त्रधारिणी ॥

tāriṇī tārikā tārā totalā tulasīpriyā | tantriṇī tantrarūpā ca tantrajñā tantradhāriṇī ||

तारहारा च तुलजा डाकिनीतन्त्रगोचरा । त्रिपुरा त्रिदशा त्रिस्था त्रिपुरासुरघातिनी ॥

tārahārā ca tulajā ḍākinītantragocarā | tripurā tridaśā tristhā tripurāsuraghātinī ||

त्रिगुणा च त्रिकोणस्था त्रिमात्रा त्रितनुस्थिता । त्रैविद्या च त्रयी त्रिघ्नी तुरीया त्रिपुरेश्वरी ॥

triguṇā ca trikoṇasthā trimātrā tritanusthitā | traividyā ca trayī trighnī turīyā tripureśvarī ||

त्रिकोदरस्था त्रिविधा त्रैलोक्या त्रिपुरात्मिका । त्रिधाम्नी त्रिदशाराध्या त्र्यक्षा त्रिपुरवासिनी ॥

trikodarasthā trividhā trailokyā tripurātmikā | tridhāmnī tridaśārādhyā tryakṣā tripuravāsinī ||

त्रिवर्णी त्रिपदी तारा त्रिमूर्तिजननी त्वरा । त्रिदिवा त्रिदिवेशाऽऽदिर्देवी त्रैलोक्यधारिणी ॥

trivarṇī tripadī tārā trimūrtijananī tvarā | tridivā tridiveśā''dirdevī trailokyadhāriṇī ||

त्रिमूर्तिश्च त्रिजननी त्रीभूस्त्रीपुरसुन्दरी । तपस्विनी तपोनिष्ठा तरुणी ताररूपिणी ॥

trimūrtiśca trijananī trībhūstrīpurasundarī | tapasvinī taponiṣṭhā taruṇī tārarūpiṇī ||

तामसी तापसी चैव तापघ्नी च तमोपहा । तरुणार्कप्रतीकाशा तप्तकाञ्चनसन्निभा ॥

tāmasī tāpasī caiva tāpaghnī ca tamopahā | taruṇārkapratīkāśā taptakāñcanasannibhā ||

उन्मादिनी तन्तुरूपा त्रैलोक्यव्यापिनीश्वरी । तार्किकी तर्किकी विद्या तापत्रयविनाशिनी ॥

unmādinī tanturūpā trailokyavyāpinīśvarī | tārkikī tarkikī vidyā tāpatrayavināśinī ||

त्रिपुष्करा त्रिकालज्ञा त्रिसन्ध्या च त्रिलोचना । त्रिवर्गा च त्रिवर्गस्था तपसस्सिद्धिदायिनी ॥

tripuṣkarā trikālajñā trisandhyā ca trilocanā | trivargā ca trivargasthā tapasassiddhidāyinī ||

अधोक्षजा अयोध्या च अपर्णा च अवन्तिका । कारिका तीर्थरूपा च तीरा तीर्थकरी तथा ॥

adhokṣajā ayodhyā ca aparṇā ca avantikā | kārikā tīrtharūpā ca tīrā tīrthakarī tathā ||

दारिद्र्यदुःखदलिनी अदीना दीनवत्सला । दीनानाथप्रिया दीर्घा दयापूर्णा दयात्मिका ॥

dāridryaduḥkhadalinī adīnā dīnavatsalā | dīnānāthapriyā dīrghā dayāpūrṇā dayātmikā ||

देवदानवसम्पूज्या देवानां प्रियकारिणी । दक्षपुत्री दक्षमाता दक्षयज्ञविनाशिनी ॥

devadānavasampūjyā devānāṃ priyakāriṇī | dakṣaputrī dakṣamātā dakṣayajñavināśinī ||

देवसूर्दक्षीणा दक्षा दुर्गा दुर्गतिनाशिनी । देवकीगर्भसम्भूता दुर्गदैत्यविनाशिनी ॥

devasūrdakṣīṇā dakṣā durgā durgatināśinī | devakīgarbhasambhūtā durgadaityavināśinī ||

अट्टाऽट्टहासिनी दोला दोलाकर्माभिनन्दिनी । देवकी देविका देवी दुरितघ्नी तटित्तथा ॥

aṭṭā'ṭṭahāsinī dolā dolākarmābhinandinī | devakī devikā devī duritaghnī taṭittathā ||

गण्डकी गल्लकी क्षिप्रा द्वारा द्वारवती तथा । आनन्दोदधिमध्यस्था कटिसूत्रैरलङ्कृता ॥

gaṇḍakī gallakī kṣiprā dvārā dvāravatī tathā | ānandodadhimadhyasthā kaṭisūtrairalaṅkṛtā ||

घोराग्निदाहदमनी दुःखदुस्स्वप्ननाशिनी । श्रीमयी श्रीमती श्रेष्ठा श्रीकरी श्रीविभाविनी ॥

ghorāgnidāhadamanī duḥkhadussvapnanāśinī | śrīmayī śrīmatī śreṣṭhā śrīkarī śrīvibhāvinī ||

श्रीदा श्रीशा श्रीनिवासा श्रीमती श्रीर्मतिर्गतिः । धनदा दामिनी दान्ता धमदो धनशालिनी ॥

śrīdā śrīśā śrīnivāsā śrīmatī śrīrmatirgatiḥ | dhanadā dāminī dāntā dhamado dhanaśālinī ||

दाडिमीपुष्पसङ्काशा धनागारा धनञ्जया । धूम्राभा धूम्रदैत्त्रघ्नी धवला धवलप्रिया ॥

dāḍimīpuṣpasaṅkāśā dhanāgārā dhanañjayā | dhūmrābhā dhūmradaittraghnī dhavalā dhavalapriyā ||

धूम्रवक्त्रा धूम्रनेत्रा धूम्रकेशी च धूसरा । धरणी धरिणी धैर्या धरा धात्री च धैर्यदा ॥

dhūmravaktrā dhūmranetrā dhūmrakeśī ca dhūsarā | dharaṇī dhariṇī dhairyā dharā dhātrī ca dhairyadā ||

दमिनी धर्मिणी धूश्च दया दोग्ध्री दुरासदा । नारायणी नारसिंही नृसिंहहृदयालया ॥

daminī dharmiṇī dhūśca dayā dogdhrī durāsadā | nārāyaṇī nārasiṃhī nṛsiṃhahṛdayālayā ||

नागिनी नागकन्या च नागसूर्नागनायिका । नानारत्नविचित्राङ्गी नानाभरणमण्डिता ॥

nāginī nāgakanyā ca nāgasūrnāganāyikā | nānāratnavicitrāṅgī nānābharaṇamaṇḍitā ||

दुर्गस्था दुर्गरूपा च दुःखदुष्कृतनाशिनी । हीङ्कारी चैव श्रीङ्कारी हुङ्कारी क्लेशनाशिनी ॥

durgasthā durgarūpā ca duḥkhaduṣkṛtanāśinī | hīṅkārī caiva śrīṅkārī huṅkārī kleśanāśinī ||

नगात्मजा नागरी च नवीना नूतनप्रिया । नीरजास्या नीरदाभा नवलावण्यसुन्दरी ॥

nagātmajā nāgarī ca navīnā nūtanapriyā | nīrajāsyā nīradābhā navalāvaṇyasundarī ||

नीतिज्ञा नीतिदा नीतिर्निमनाभिर्नगेश्वरी । निष्ठा नित्या निरातङ्का नागयज्ञोपवीतिनी ॥

nītijñā nītidā nītirnimanābhirnageśvarī | niṣṭhā nityā nirātaṅkā nāgayajñopavītinī ||

निधिदा निधिरूपाच निर्गुणा नरवाहिनी । नरमांसरता नारी नरमुण्डविभूषणा ॥

nidhidā nidhirūpāca nirguṇā naravāhinī | naramāṃsaratā nārī naramuṇḍavibhūṣaṇā ||

निराधारा निर्विकारा नुतिर्निर्वाणसुन्दरी । नरासृक्पानमत्ता च निर्वैरा नागगामिनी ॥

nirādhārā nirvikārā nutirnirvāṇasundarī | narāsṛkpānamattā ca nirvairā nāgagāminī ||

परमा प्रमिता प्राज्ञा पार्वती पर्वतात्मजा । पर्वप्रिया पर्वरता पर्वपावनपावनी ॥

paramā pramitā prājñā pārvatī parvatātmajā | parvapriyā parvaratā parvapāvanapāvanī ||

परात्परतरा पूर्वा पश्चिमा पापनाशिनी । पशूनां पतिपत्नी च पतिभक्तिपरायणा ॥

parātparatarā pūrvā paścimā pāpanāśinī | paśūnāṃ patipatnī ca patibhaktiparāyaṇā ||

परेशी पारगा पारा परञ्ज्योतिस्वरूपिणी । निष्ठुरा क्रूरहृदया परासिद्धिः परागतिः ॥

pareśī pāragā pārā parañjyotisvarūpiṇī | niṣṭhurā krūrahṛdayā parāsiddhiḥ parāgatiḥ ||

पशुघ्नी पशुरूपा च पशुहा पशुवाहिनी । पिता माता च यन्त्री च पशुपाशविनाशिनी ॥

paśughnī paśurūpā ca paśuhā paśuvāhinī | pitā mātā ca yantrī ca paśupāśavināśinī ||

पद्मिनी पद्महस्ता च पद्मकिञ्जल्कवासिनी । पद्मवक्त्रा च पद्माक्षी पद्मस्था पद्मसम्भवा ॥

padminī padmahastā ca padmakiñjalkavāsinī | padmavaktrā ca padmākṣī padmasthā padmasambhavā ||

पद्मास्या पञ्चमी पूर्णा पूर्णपीठनिवासिनी । पद्मरागप्रतीकाशा पाञ्चाली पञ्चमप्रिया ॥

padmāsyā pañcamī pūrṇā pūrṇapīṭhanivāsinī | padmarāgapratīkāśā pāñcālī pañcamapriyā ||

परब्रह्मस्वरूपा च परब्रह्मनिवासिनी । परमानन्दमुदिता परचक्रनिवासिनी ॥

parabrahmasvarūpā ca parabrahmanivāsinī | paramānandamuditā paracakranivāsinī ||

परेशी परमा पृथ्वी पीनतुङ्गपयोधरा । परापरा पराविद्या परमानन्ददायिनी ॥

pareśī paramā pṛthvī pīnatuṅgapayodharā | parāparā parāvidyā paramānandadāyinī ||

पूज्या प्रज्ञावती पुष्टिः पिनाकिपरिकीर्तिता । प्राणघ्नी प्राणरूपा च प्राणदा च प्रियंवदा ॥

pūjyā prajñāvatī puṣṭiḥ pinākiparikīrtitā | prāṇaghnī prāṇarūpā ca prāṇadā ca priyaṃvadā ||

फणिभूषा फणावेशी फकारकण्ठमालिनी । फणिराड्वृतसर्वाङ्गी फलभागनिवासिनी ॥

phaṇibhūṣā phaṇāveśī phakārakaṇṭhamālinī | phaṇirāḍvṛtasarvāṅgī phalabhāganivāsinī ||

बलभद्रस्य भगिनी बाला बालप्रदायिनी । फल्गुरुपा प्रलम्बध्नी फल्गूत्सव विनोदिनी ॥

balabhadrasya bhaginī bālā bālapradāyinī | phalgurupā pralambadhnī phalgūtsava vinodinī ||

भवानी भवपत्नी च भवभीतिहरा भवा । भवेश्वरी भवाराध्या भवेशी भवनायिका ॥

bhavānī bhavapatnī ca bhavabhītiharā bhavā | bhaveśvarī bhavārādhyā bhaveśī bhavanāyikā ||

भवमाता भवागम्या भवकण्टकनाशिनी । भवप्रिया भवानन्दा भव्या च भवमोचनी ॥

bhavamātā bhavāgamyā bhavakaṇṭakanāśinī | bhavapriyā bhavānandā bhavyā ca bhavamocanī ||

भावनीया भगवती भवभारविनाशिनी । भूतधात्री च भूतेशी भूतस्था भूतरूपिणी ॥

bhāvanīyā bhagavatī bhavabhāravināśinī | bhūtadhātrī ca bhūteśī bhūtasthā bhūtarūpiṇī ||

भूतमाता च भूतघ्नी भूतपञ्चकवासिनी । भोगोपचारकुशला भिस्साधात्री च भूचरी ॥

bhūtamātā ca bhūtaghnī bhūtapañcakavāsinī | bhogopacārakuśalā bhissādhātrī ca bhūcarī ||

भीतिघ्नी भक्तिगम्या च भक्तानामार्तिनाशिनी । भक्तानुकम्पिनी भीमा भगिनी भगनायिका ॥

bhītighnī bhaktigamyā ca bhaktānāmārtināśinī | bhaktānukampinī bhīmā bhaginī bhaganāyikā ||

भगविद्या भगक्लिन्ना भगयोनिर्भगप्रदा । भगेशी भगरूपा च भगगुह्या भगापहा ॥

bhagavidyā bhagaklinnā bhagayonirbhagapradā | bhageśī bhagarūpā ca bhagaguhyā bhagāpahā ||

भगोदरी भगानन्दा भगाद्या भगमालिनी । भोगप्रदा भोगवासा भोगमूला च भोगिनी ॥

bhagodarī bhagānandā bhagādyā bhagamālinī | bhogapradā bhogavāsā bhogamūlā ca bhoginī ||

भेरुण्डा भेदिनी भीमा भद्रकाली भिदोज्झिता । भैरवी भुवनेशानी भुवना भुवनेश्वरी ॥

bheruṇḍā bhedinī bhīmā bhadrakālī bhidojjhitā | bhairavī bhuvaneśānī bhuvanā bhuvaneśvarī ||

भीमाक्षी भारती चैव भैरवाष्टकसेविता । भास्वरा भास्वती भीतिर्भास्वदुत्तानशायिनी ॥

bhīmākṣī bhāratī caiva bhairavāṣṭakasevitā | bhāsvarā bhāsvatī bhītirbhāsvaduttānaśāyinī ||

भागीरथी भोगवती भवघ्नी भुवनात्मिका । भूतिदा भूतिरूपा च भूतस्था भूतवर्धिनी ॥

bhāgīrathī bhogavatī bhavaghnī bhuvanātmikā | bhūtidā bhūtirūpā ca bhūtasthā bhūtavardhinī ||

माहेश्वरी महामाया महातेजा महासुरी । महाजिह्वा महालोला महादंष्ट्रा महाभुजा ॥

māheśvarī mahāmāyā mahātejā mahāsurī | mahājihvā mahālolā mahādaṃṣṭrā mahābhujā ||

महामोहान्धकारघ्नी महामोक्षप्रदायिनी । महादारिद्र्यशमनी महाशत्रुविमर्दिनी ॥

mahāmohāndhakāraghnī mahāmokṣapradāyinī | mahādāridryaśamanī mahāśatruvimardinī ||

महाशक्तिर्महाज्योतिर्महासुरविमर्दिनी । महाकाया महावीर्या महापातकनाशिनी ॥

mahāśaktirmahājyotirmahāsuravimardinī | mahākāyā mahāvīryā mahāpātakanāśinī ||

महारवा मन्त्रमयी मणिपूरनिवासिनी । मानसी मानदा मान्या मनश्चक्षुरगोचरा ॥

mahāravā mantramayī maṇipūranivāsinī | mānasī mānadā mānyā manaścakṣuragocarā ||

माहेन्द्री मधुरा माया महिषासुरमर्दिनी । महाकुण्डलिनी शक्तिर्महाविभववर्धिनी ॥

māhendrī madhurā māyā mahiṣāsuramardinī | mahākuṇḍalinī śaktirmahāvibhavavardhinī ||

मानसी माधवी मेधा मतिदा मतिधारिणी । मेनकागर्भसम्भूता मेनकाभगिनी मतिः ॥

mānasī mādhavī medhā matidā matidhāriṇī | menakāgarbhasambhūtā menakābhaginī matiḥ ||

महोदरी मुक्तकेशी मुक्तिकाम्यार्थसिद्धिदा । माहेशी महिषारूढा मधुदैत्यविमर्दिनी ॥

mahodarī muktakeśī muktikāmyārthasiddhidā | māheśī mahiṣārūḍhā madhudaityavimardinī ||

महाव्रता महामूर्धा महाभयविनाशिनी । मातङ्गी मत्तमातङ्गी मातङ्गकुलमण्डिता ॥

mahāvratā mahāmūrdhā mahābhayavināśinī | mātaṅgī mattamātaṅgī mātaṅgakulamaṇḍitā ||

महाघोरा माननीया मत्तमातङ्गगामिनी । मुक्ताहारलतोपेता मदधूर्णितलोचना ॥

mahāghorā mānanīyā mattamātaṅgagāminī | muktāhāralatopetā madadhūrṇitalocanā ||

महापराधराशिघ्री महाचोरभयापहा । महाचिन्त्यस्वरूपा च मणीमन्त्रमहौषधी ॥

mahāparādharāśighrī mahācorabhayāpahā | mahācintyasvarūpā ca maṇīmantramahauṣadhī ||

मणिमण्डपमध्यस्था मणिमालाविराजिता । मन्त्रात्मिका मन्त्रगम्या मन्त्रमाता सुमन्त्रिणी ॥

maṇimaṇḍapamadhyasthā maṇimālāvirājitā | mantrātmikā mantragamyā mantramātā sumantriṇī ||

मेरुमन्दिरमध्यस्था मकराकृतिकुण्डला । मन्थरा च महासूक्ष्मा महादूती महेश्वरी ॥

merumandiramadhyasthā makarākṛtikuṇḍalā | mantharā ca mahāsūkṣmā mahādūtī maheśvarī ||

मालिनी मानवी माध्वी मदरूपा मदोत्कटा । मदिरा मधुरा चैव मोदिनी च महोद्धता ॥

mālinī mānavī mādhvī madarūpā madotkaṭā | madirā madhurā caiva modinī ca mahoddhatā ||

मङ्गलाङ्गी मधुमयी मधुपानपरायणा । मनोरमा रमामाता राजराजेश्वरी रमा ॥

maṅgalāṅgī madhumayī madhupānaparāyaṇā | manoramā ramāmātā rājarājeśvarī ramā ||

राजमान्या राजपूज्या रक्तोत्पलविभूषणा । राजीवलोचना रामा राधिका रामवल्लभा ॥

rājamānyā rājapūjyā raktotpalavibhūṣaṇā | rājīvalocanā rāmā rādhikā rāmavallabhā ||

शाकिनी डाकिनी चैव लावण्याम्बुधिवीचिका । रुद्राणी रुद्ररूपा च रौद्रा रुद्रार्तिनाशिनी ॥

śākinī ḍākinī caiva lāvaṇyāmbudhivīcikā | rudrāṇī rudrarūpā ca raudrā rudrārtināśinī ||

रक्तप्रिया रक्तवस्त्रा रक्ताक्षी रक्तलोचना । रक्तकेशी रक्तदंष्ट्रा रक्तचन्दनचर्चिता ॥

raktapriyā raktavastrā raktākṣī raktalocanā | raktakeśī raktadaṃṣṭrā raktacandanacarcitā ||

रक्ताङ्गी रक्तभूषा च रक्तबीजनिपातिनी । रागादिदोषरहिता रतिजा रतिदायिनी ॥

raktāṅgī raktabhūṣā ca raktabījanipātinī | rāgādidoṣarahitā ratijā ratidāyinī ||

विश्वेश्वरी विशालाक्षी विन्ध्यपीठनिवासिनी । विश्वभूर्वीरविद्या च वीरसूर्वीरनन्दिनी ॥

viśveśvarī viśālākṣī vindhyapīṭhanivāsinī | viśvabhūrvīravidyā ca vīrasūrvīranandinī ||

वीरेश्वरी विशालाक्षी विष्णुमाया विमोहिनी । विद्यावती विष्णुरूपा विशालनयनोज्ज्वला ॥

vīreśvarī viśālākṣī viṣṇumāyā vimohinī | vidyāvatī viṣṇurūpā viśālanayanojjvalā ||

विष्णुमाता च विश्वात्मा विष्णुजायास्वरूपिणी । वाराही वरदा वन्द्या विख्याता विलसल्कचा ॥

viṣṇumātā ca viśvātmā viṣṇujāyāsvarūpiṇī | vārāhī varadā vandyā vikhyātā vilasalkacā ||

ब्रह्मेशी ब्रह्मदा ब्राह्मी ब्रह्माणी ब्रह्मरूपिणी । द्वारका विश्ववन्द्या च विश्वपाशविमोचनी । विश्वासकारिणी विश्वा विश्वशक्तिर्विचक्षणा ॥

brahmeśī brahmadā brāhmī brahmāṇī brahmarūpiṇī | dvārakā viśvavandyā ca viśvapāśavimocanī | viśvāsakāriṇī viśvā viśvaśaktirvicakṣaṇā ||

बाणचापधरा वीरा बिन्दुस्था बिन्दुमालिनी । षट्चक्रभेदिनी षोढा षोडशारनिवासिनी ॥

bāṇacāpadharā vīrā bindusthā bindumālinī | ṣaṭcakrabhedinī ṣoḍhā ṣoḍaśāranivāsinī ||

शितिकण्ठप्रिया शान्ता शाकिनी वातरूपिणी । शाश्वती शम्भुवनिता शाम्भवी शिवरूपिणी ॥

śitikaṇṭhapriyā śāntā śākinī vātarūpiṇī | śāśvatī śambhuvanitā śāmbhavī śivarūpiṇī ||

शिवमाता च शिवदा शिवा शिवहृदासना । शुक्लाम्बरा शीतला च शीला शीलप्रदायिनी ॥

śivamātā ca śivadā śivā śivahṛdāsanā | śuklāmbarā śītalā ca śīlā śīlapradāyinī ||

शिशुप्रिया वैद्यविद्या सालग्रामशिला शुचिः । हरिप्रिया हरमूर्तिर्हरिनेत्रकृतालया ॥

śiśupriyā vaidyavidyā sālagrāmaśilā śuciḥ | haripriyā haramūrtirharinetrakṛtālayā ||

हरिवक्त्रोद्भवा हाला हरिवक्षःस्थलस्थिता । क्षेमङ्करी क्षितिः क्षेत्रा क्षुधितस्य प्रपूरणी ॥

harivaktrodbhavā hālā harivakṣaḥsthalasthitā | kṣemaṅkarī kṣitiḥ kṣetrā kṣudhitasya prapūraṇī ||

वैश्या च क्षत्रिया शूद्री क्षत्रियाणां कुलेश्वरी । हरपत्नी हराराध्या हरसूर्हररूपिणी ॥

vaiśyā ca kṣatriyā śūdrī kṣatriyāṇāṃ kuleśvarī | harapatnī harārādhyā harasūrhararūpiṇī ||

सर्वानन्दमयी सिद्धिस्सर्वरक्षास्वरूपिणी । सर्वदुष्टप्रशमनी सर्वेप्सितफलप्रदा ॥

sarvānandamayī siddhissarvarakṣāsvarūpiṇī | sarvaduṣṭapraśamanī sarvepsitaphalapradā ||

सर्वसिद्धेश्वराराध्या सर्वमङ्गलमङ्गला ।

sarvasiddheśvarārādhyā sarvamaṅgalamaṅgalā |

फलश्रुतिः । पुण्यं सहस्रनामेदं तव प्रीत्या प्रकाशितम् ॥

phalaśrutiḥ | puṇyaṃ sahasranāmedaṃ tava prītyā prakāśitam ||

गोपनीयं प्रयत्नेन पठनीयं प्रयत्नतः । नातः परतरं पुण्यं नातः परतरं तपः ॥

gopanīyaṃ prayatnena paṭhanīyaṃ prayatnataḥ | nātaḥ parataraṃ puṇyaṃ nātaḥ parataraṃ tapaḥ ||

नातः परतरं स्तोत्रं नातः परतरा गतिः । स्तोत्रं नामसहस्राख्यं मम वक्त्राद्विनिर्गतम् ॥

nātaḥ parataraṃ stotraṃ nātaḥ paratarā gatiḥ | stotraṃ nāmasahasrākhyaṃ mama vaktrādvinirgatam ||

यः पठेत्परया भक्त्या श‍ृणुयाद्वा समाहितः । मोक्षार्थी लभते मोक्षं स्वर्गार्थी स्वर्गमाप्नुयात् ॥

yaḥ paṭhetparayā bhaktyā śa‍ṛṇuyādvā samāhitaḥ | mokṣārthī labhate mokṣaṃ svargārthī svargamāpnuyāt ||

कामार्थी लभते कामं धनार्थी लभते धनम् । विद्यार्थी लभते विद्यां यशोऽर्थी लभते यशः ॥

kāmārthī labhate kāmaṃ dhanārthī labhate dhanam | vidyārthī labhate vidyāṃ yaśo'rthī labhate yaśaḥ ||

कन्यार्थी लभते कन्यां सुतार्थी लभते सुतान् । मूर्खोऽपि लभते शास्त्रं चोरोऽपि लभते गतिम् ॥

kanyārthī labhate kanyāṃ sutārthī labhate sutān | mūrkho'pi labhate śāstraṃ coro'pi labhate gatim ||

गुर्विणी जनयेत्पुत्रं कन्यां विन्दति सत्पतिम् । संक्रान्त्यां च चतुर्दश्यामष्टम्यां च विशेषतः ॥

gurviṇī janayetputraṃ kanyāṃ vindati satpatim | saṃkrāntyāṃ ca caturdaśyāmaṣṭamyāṃ ca viśeṣataḥ ||

पौर्णमास्याममावास्यां नवम्यां भौमवासरे । पठेद्वा पाठयेद्वापि पूजयेद्वापि पुस्तकम् ॥

paurṇamāsyāmamāvāsyāṃ navamyāṃ bhaumavāsare | paṭhedvā pāṭhayedvāpi pūjayedvāpi pustakam ||

स मुक्तस्सर्वपापेभ्यः कामेश्वरसमो भवेत् । लक्ष्मीवान् सुतवांश्चैव वल्लभस्सर्वयोषिताम् ॥

sa muktassarvapāpebhyaḥ kāmeśvarasamo bhavet | lakṣmīvān sutavāṃścaiva vallabhassarvayoṣitām ||

तस्य वश्यं भवेदाशु त्रैलोक्यं सचराचरम् । विद्यानां पारगो विप्रः क्षत्रियो विजयी रणे ॥

tasya vaśyaṃ bhavedāśu trailokyaṃ sacarācaram | vidyānāṃ pārago vipraḥ kṣatriyo vijayī raṇe ||

वैश्यो धनसमृद्धस्स्याच्छूद्रस्सुखमवाप्नुयात् । क्षेत्रे च बहुसस्यं स्याद्गावश्च बहुदुग्धदाः ॥

vaiśyo dhanasamṛddhassyācchūdrassukhamavāpnuyāt | kṣetre ca bahusasyaṃ syādgāvaśca bahudugdhadāḥ ||

नाशुभं नापदस्तस्य न भयं नृपशत्रुतः । जायते नाशुभा बुद्धिर्लभते कुलपूज्यताम् ॥

nāśubhaṃ nāpadastasya na bhayaṃ nṛpaśatrutaḥ | jāyate nāśubhā buddhirlabhate kulapūjyatām ||

न बाधन्ते ग्रहास्तस्य न रक्षांसि न पन्नगाः । न पिशाचा न डाकिन्यो भूतभेतालडम्भकाः ॥

na bādhante grahāstasya na rakṣāṃsi na pannagāḥ | na piśācā na ḍākinyo bhūtabhetālaḍambhakāḥ ||

बालग्रहाभिभूतानां बालानां शान्तिकारकम् । द्वन्द्वानां प्रतिभेदे च मैत्रीकरणमुत्तमम् ॥

bālagrahābhibhūtānāṃ bālānāṃ śāntikārakam | dvandvānāṃ pratibhede ca maitrīkaraṇamuttamam ||

लोहपाशैदृढैर्बद्धो बन्दी वेश्मनि दुर्गमे । तिष्ठञ्छृण्वन्पतन्मर्त्यो मुच्यते नात्र संशयः ॥

lohapāśaidṛḍhairbaddho bandī veśmani durgame | tiṣṭhañchṛṇvanpatanmartyo mucyate nātra saṃśayaḥ ||

पश्यन्ति नहि ते शोकं वियोगं चिरजीविनः । श‍ृण्वती बद्धगर्भा च सुखं चैव प्रसूयते ॥

paśyanti nahi te śokaṃ viyogaṃ cirajīvinaḥ | śa‍ṛṇvatī baddhagarbhā ca sukhaṃ caiva prasūyate ||

एकदा पठनादेव सर्वपापक्षयो भवेत् । नश्यन्ति च महारोगा दशधावर्तनेन च ॥

ekadā paṭhanādeva sarvapāpakṣayo bhavet | naśyanti ca mahārogā daśadhāvartanena ca ||

शतधावर्तने चैव वाचां सिद्धिः प्रजायते । नवरात्रे जिताहारो दृढबुद्धिर्जितेन्द्रियः ॥

śatadhāvartane caiva vācāṃ siddhiḥ prajāyate | navarātre jitāhāro dṛḍhabuddhirjitendriyaḥ ||

अम्बिकायतने विद्वान् शुचिष्मान् मूर्तिसन्निधौ । एकाकी च दशावर्तं पठन्धीरश्च निर्भयः ॥

ambikāyatane vidvān śuciṣmān mūrtisannidhau | ekākī ca daśāvartaṃ paṭhandhīraśca nirbhayaḥ ||

साक्षात्त्वगवती तस्मै प्रयच्छेदीप्सितं फलम् । सिद्धपीठे गिरौ रम्ये सिद्धक्षेत्रे सुरालये ॥

sākṣāttvagavatī tasmai prayacchedīpsitaṃ phalam | siddhapīṭhe girau ramye siddhakṣetre surālaye ||

पठनात्साधकस्याशु सिद्धिर्भवति वाञ्छिता । दशावर्तं पठेन्नित्यं भूमीशायी नरश्शुचिः ॥

paṭhanātsādhakasyāśu siddhirbhavati vāñchitā | daśāvartaṃ paṭhennityaṃ bhūmīśāyī naraśśuciḥ ||

स्वप्ने मूर्तिमयां देवीं वरदां सोऽपि पश्यति । आवर्तनसहस्रैर्ये जपन्ति पुरुषोत्तमाः ॥

svapne mūrtimayāṃ devīṃ varadāṃ so'pi paśyati | āvartanasahasrairye japanti puruṣottamāḥ ||

ते सिद्धा सिद्धिदा लोके शापानुग्रहणक्षमाः । प्रयच्छन्तश्च सर्वस्वं सेवन्ते तान्महीश्वराः ॥

te siddhā siddhidā loke śāpānugrahaṇakṣamāḥ | prayacchantaśca sarvasvaṃ sevante tānmahīśvarāḥ ||

भूर्जपत्रेऽष्टगन्धेन लिखित्वा तु शुभे दिने । धारयेद्यन्त्रितं शीर्षे पूजयित्वा कुमारिकाम् ॥

bhūrjapatre'ṣṭagandhena likhitvā tu śubhe dine | dhārayedyantritaṃ śīrṣe pūjayitvā kumārikām ||

ब्राह्मणान् वरनारीश्च धूपैः कुसुमचन्दनैः । क्षीरखण्डादिभोज्यांश्च भोजयित्वा सुभक्तितः ॥

brāhmaṇān varanārīśca dhūpaiḥ kusumacandanaiḥ | kṣīrakhaṇḍādibhojyāṃśca bhojayitvā subhaktitaḥ ||

बध्नन्ति ये महारक्षां बालानां च विशेषतः । रुद्रं दृष्ट्वा यथा देवं विष्णुं दृष्ट्वा च दानवाः ॥

badhnanti ye mahārakṣāṃ bālānāṃ ca viśeṣataḥ | rudraṃ dṛṣṭvā yathā devaṃ viṣṇuṃ dṛṣṭvā ca dānavāḥ ||

पन्नगा गरुडं दृष्ट्वा सिंहं दृष्ट्वा यथा गजाः । मण्डूका भोगिनं दृष्ट्वा मार्जारं मूषिकास्तथा ॥

pannagā garuḍaṃ dṛṣṭvā siṃhaṃ dṛṣṭvā yathā gajāḥ | maṇḍūkā bhoginaṃ dṛṣṭvā mārjāraṃ mūṣikāstathā ||

विघ्नभूताः पलायन्ते तस्य वक्त्रविलोकनात् । अग्निचोरभयं तस्य कदाचिन्नैव सम्भवेत् ॥

vighnabhūtāḥ palāyante tasya vaktravilokanāt | agnicorabhayaṃ tasya kadācinnaiva sambhavet ||

पातकान्विविधान्सोऽपि मेरुमन्दरसन्निभान् । भस्मितान्कुरुते क्षिप्रं तृणं वह्निहुतं यथा ॥

pātakānvividhānso'pi merumandarasannibhān | bhasmitānkurute kṣipraṃ tṛṇaṃ vahnihutaṃ yathā ||

नृपाश्च वश्यतां यान्ति नृपपूज्याश्च ते नराः । महार्णवे महानद्यां पोतस्थे च न भीः कचित् ॥

nṛpāśca vaśyatāṃ yānti nṛpapūjyāśca te narāḥ | mahārṇave mahānadyāṃ potasthe ca na bhīḥ kacit ||

रणे द्यूते विवादे च विजयं प्राप्नुवन्ति ते । सर्वत्र पूजितो लोकैर्बहुमानपुरस्सरैः ॥

raṇe dyūte vivāde ca vijayaṃ prāpnuvanti te | sarvatra pūjito lokairbahumānapurassaraiḥ ||

रतिरागविवृद्धाश्च विह्वलाः कामपीडिताः । यौवनाक्रान्तदेहास्तान् श्रयन्ते वामलोचनाः ॥

ratirāgavivṛddhāśca vihvalāḥ kāmapīḍitāḥ | yauvanākrāntadehāstān śrayante vāmalocanāḥ ||

सहस्रं जपते यस्तु खेचरी जायते नरः । सहस्रदशकं देवि यः पठेद्भक्तिमान्नरः ॥

sahasraṃ japate yastu khecarī jāyate naraḥ | sahasradaśakaṃ devi yaḥ paṭhedbhaktimānnaraḥ ||

सा तस्य जगतां धात्री प्रत्यक्षा भवति ध्रुवम् । लक्षं पूर्णं यदा देवि स्तोत्रराजं जपेत्सुधीः ॥

sā tasya jagatāṃ dhātrī pratyakṣā bhavati dhruvam | lakṣaṃ pūrṇaṃ yadā devi stotrarājaṃ japetsudhīḥ ||

भवपाशविनिर्मुक्तो मम तुल्यो न संशयः । सर्वतीर्थेषु यत्पुण्यं सर्वतीर्थेषु यत्फलम् ॥

bhavapāśavinirmukto mama tulyo na saṃśayaḥ | sarvatīrtheṣu yatpuṇyaṃ sarvatīrtheṣu yatphalam ||

सर्वधर्मेषु यज्ञेषु सर्वदानेषु यत्फलम् । सर्ववेदेषु प्रोक्तेषु यत्फलं परिकीर्तितम् ॥

sarvadharmeṣu yajñeṣu sarvadāneṣu yatphalam | sarvavedeṣu prokteṣu yatphalaṃ parikīrtitam ||

तत्पुण्यं कोटिगुणितं सकृज्जप्त्वा लभेन्नरः । देहान्ते परमं स्थानं यत्सुरैरपि दुर्लभम् । स यास्यति न सन्देहस्स्तवराजस्य कीर्तनात् ॥

tatpuṇyaṃ koṭiguṇitaṃ sakṛjjaptvā labhennaraḥ | dehānte paramaṃ sthānaṃ yatsurairapi durlabham | sa yāsyati na sandehasstavarājasya kīrtanāt ||