श्रीधर्मशास्तासहस्रनामस्तोत्रम्

ॐ पूर्णपुष्कलाम्बासमेत श्रीहरिहरपुत्रस्वामिने नमः । श्रीधर्मशास्तासहस्रनामस्तोत्रम् । अस्य श्रीहरिहरपुत्रसहस्रनामस्तोत्रमालामन्त्रस्य अर्धनारीश्वर ऋषिः । अनुष्टुप्छन्दः । श्रीहरिहरपुत्रो देवता । ह्रां बिजं, ह्रीं शक्तिः, ह्रूं कीलकम् । श्रीहरिहरपुत्रप्रसादसिध्यर्थे जपे विनियोगः ॥

oṃ pūrṇapuṣkalāmbāsameta śrīhariharaputrasvāmine namaḥ | śrīdharmaśāstāsahasranāmastotram | asya śrīhariharaputrasahasranāmastotramālāmantrasya ardhanārīśvara ṛṣiḥ | anuṣṭupchandaḥ | śrīhariharaputro devatā | hrāṃ bijaṃ, hrīṃ śaktiḥ, hrūṃ kīlakam | śrīhariharaputraprasādasidhyarthe jape viniyogaḥ ||

अथ करन्यासः । ह्रां अङ्गुष्ठाभ्यां नमः । ह्रीं तर्जनीभ्यां नमः । ह्रूं मध्यमाभ्यां नमः । ह्रैं अनामिकाभ्यां नमः । ह्रौं कनिष्ठिकाभ्यां नमः । ह्रः करतलकरपृष्ठाभ्यां नमः ॥

atha karanyāsaḥ | hrāṃ aṅguṣṭhābhyāṃ namaḥ | hrīṃ tarjanībhyāṃ namaḥ | hrūṃ madhyamābhyāṃ namaḥ | hraiṃ anāmikābhyāṃ namaḥ | hrauṃ kaniṣṭhikābhyāṃ namaḥ | hraḥ karatalakarapṛṣṭhābhyāṃ namaḥ ||

अथाङ्गन्यासः । ह्रां हृदयाय नमः । ह्रीं शिरसे स्वाहा । ह्रूं शिखायै वषट् । ह्रैं कवचाय हम् । ह्रौं नेत्रत्रयाय वौषट् । ह्रः अस्त्राय फट् । भूर्भुवस्सुवरों इति दिग्बन्धः ॥

athāṅganyāsaḥ | hrāṃ hṛdayāya namaḥ | hrīṃ śirase svāhā | hrūṃ śikhāyai vaṣaṭ | hraiṃ kavacāya ham | hrauṃ netratrayāya vauṣaṭ | hraḥ astrāya phaṭ | bhūrbhuvassuvaroṃ iti digbandhaḥ ||

ध्यानम् - ध्यायेदुमापतिरमापतिभाग्यपुत्रं वेत्रोज्ज्वलत्करतलं भसिताभिरामम् । विश्वैकविश्ववपुषं मृगयाविनोदं वाञ्छानुरूपफलदं वरभुतनाथम् ॥

dhyānam - dhyāyedumāpatiramāpatibhāgyaputraṃ vetrojjvalatkaratalaṃ bhasitābhirāmam | viśvaikaviśvavapuṣaṃ mṛgayāvinodaṃ vāñchānurūpaphaladaṃ varabhutanātham ||

आश्रयामकोमलविशालतनुं विचित्र- वासो वसानमरुणोत्पलदामहस्तम् । उत्तुङ्गरत्नमकुटं कुटिलाग्रकेशं शास्तारमिष्टवरदं शरणं प्रपद्ये ॥

āśrayāmakomalaviśālatanuṃ vicitra- vāso vasānamaruṇotpaladāmahastam | uttuṅgaratnamakuṭaṃ kuṭilāgrakeśaṃ śāstāramiṣṭavaradaṃ śaraṇaṃ prapadye ||

पञ्चोपचाराः । लं पृथिव्यात्मने गन्धं समर्पयामि । हं आकाशात्मने पुष्पाणि समर्पयामि । यं वाय्वात्मने धूपमाघ्रापयामि । रं अग्न्यात्मने दीपं दर्शयामि । वं अमृतात्मने अमृतं महानैवेद्यं निवेदयामि । सं सर्वात्मने सर्वोपचारपूजां समर्पयामि । मूलमन्त्रः - ओं घ्रूं नमः पराय गोप्त्रे नमः ॥

pañcopacārāḥ | laṃ pṛthivyātmane gandhaṃ samarpayāmi | haṃ ākāśātmane puṣpāṇi samarpayāmi | yaṃ vāyvātmane dhūpamāghrāpayāmi | raṃ agnyātmane dīpaṃ darśayāmi | vaṃ amṛtātmane amṛtaṃ mahānaivedyaṃ nivedayāmi | saṃ sarvātmane sarvopacārapūjāṃ samarpayāmi | mūlamantraḥ - oṃ ghrūṃ namaḥ parāya goptre namaḥ ||

ॐ नमो भगवते भूतनाथाय । ॐ शिवपुत्रो महातेजाः शिवकार्यधुरन्धरः । शिवप्रदश्शिवज्ञानी शैवधर्मसुरक्षकः ॥

oṃ namo bhagavate bhūtanāthāya | oṃ śivaputro mahātejāḥ śivakāryadhurandharaḥ | śivapradaśśivajñānī śaivadharmasurakṣakaḥ ||

शङ्खधारी सुराध्यक्षश्चन्द्रमौलिस्सुरोत्तमः । कामेशः कामतेजस्वी कामादिफलसंयुतः ॥

śaṅkhadhārī surādhyakṣaścandramaulissurottamaḥ | kāmeśaḥ kāmatejasvī kāmādiphalasaṃyutaḥ ||

कल्याणः कोमलाङ्गश्च कल्याणफलदायकः । करुणाब्धिः कर्मदक्षः करुणारससागरः ॥

kalyāṇaḥ komalāṅgaśca kalyāṇaphaladāyakaḥ | karuṇābdhiḥ karmadakṣaḥ karuṇārasasāgaraḥ ||

जगत्प्रियो जगद्रक्षो जगदानन्ददायकः । जयादि शाक्तिसंसेव्यो जनाह्लादो जिगीषुकः ॥

jagatpriyo jagadrakṣo jagadānandadāyakaḥ | jayādi śāktisaṃsevyo janāhlādo jigīṣukaḥ ||

जितेन्द्रियो जितक्रोधो जितदेवारिसञ्चयः । जैमिन्यादिर्षिसंसेव्यो जरामरणनाशकः ॥

jitendriyo jitakrodho jitadevārisañcayaḥ | jaiminyādirṣisaṃsevyo jarāmaraṇanāśakaḥ ||

जनार्दनसुतो ज्येष्ठो ज्येष्ठादिगणसेवितः । जन्महीनो जितामित्रो जनकेनाभिपूजितः ॥

janārdanasuto jyeṣṭho jyeṣṭhādigaṇasevitaḥ | janmahīno jitāmitro janakenābhipūjitaḥ ||

परमेष्ठी पशुपतिः पङ्कजासनपूजितः । पुरहन्ता पुरत्राता परमैश्वर्यदायकः ॥

parameṣṭhī paśupatiḥ paṅkajāsanapūjitaḥ | purahantā puratrātā paramaiśvaryadāyakaḥ ||

पवनादि सुरैः सेव्यः पञ्चब्रह्मपरायणः । पार्वतीतनयो ब्रह्म परानन्दः परात्परः ॥

pavanādi suraiḥ sevyaḥ pañcabrahmaparāyaṇaḥ | pārvatītanayo brahma parānandaḥ parātparaḥ ||

ब्रह्मिष्टो ज्ञाननिरतो गुणागुणनिरुपकः । गुणाध्यक्षो गुणनिधिः गोपालेनाभिपुजितः ॥

brahmiṣṭo jñānanirato guṇāguṇanirupakaḥ | guṇādhyakṣo guṇanidhiḥ gopālenābhipujitaḥ ||

गोरक्षको गोधनदो गजारुढो गजप्रियः । गजग्रिवो गजस्कन्धो गभस्तिर्गोपतिः प्रभुः ॥

gorakṣako godhanado gajāruḍho gajapriyaḥ | gajagrivo gajaskandho gabhastirgopatiḥ prabhuḥ ||

ग्रामपालो गजाध्यक्षो दिग्गजेनाभिपूजितः । गणाध्यक्षो गणपतिर्गवां पतिरहर्पतिः ॥

grāmapālo gajādhyakṣo diggajenābhipūjitaḥ | gaṇādhyakṣo gaṇapatirgavāṃ patiraharpatiḥ ||

जटाधरो जलनिभो जैमिन्यादिर्षिपूजितः । जलन्धरनिहन्ता च शोणाक्षश्शोणवासकः ॥

jaṭādharo jalanibho jaiminyādirṣipūjitaḥ | jalandharanihantā ca śoṇākṣaśśoṇavāsakaḥ ||

सुराधिपश्शोकहन्ता शोभाक्षस्सुर्यतैजसः । सुरार्चितस्सुरैर्वन्द्यः शोणाङ्गः शाल्मलीपतिः ॥

surādhipaśśokahantā śobhākṣassuryataijasaḥ | surārcitassurairvandyaḥ śoṇāṅgaḥ śālmalīpatiḥ ||

सुज्योतिश्शरवीरघ्नः शरच्चन्द्रनिभाननः । सनकादिमुनिध्येयः सर्वज्ञानप्रदो विभुः ॥

sujyotiśśaravīraghnaḥ śaraccandranibhānanaḥ | sanakādimunidhyeyaḥ sarvajñānaprado vibhuḥ ||

हलायुधो हंसनिभो हाहाहूहू मुखस्तुतः । हरिहरप्रियो हंसो हर्यक्षासनतत्परः ॥

halāyudho haṃsanibho hāhāhūhū mukhastutaḥ | hariharapriyo haṃso haryakṣāsanatatparaḥ ||

पावनः पावकनिभो भक्तपापविनाशनः । भसिताङ्गो भयत्राता भानुमान् भयनाशनः ॥

pāvanaḥ pāvakanibho bhaktapāpavināśanaḥ | bhasitāṅgo bhayatrātā bhānumān bhayanāśanaḥ ||

त्रिपुण्ड्रकस्त्रिनयनः त्रिपुण्ड्राङ्गितमस्तकः । त्रिपुरघ्नो देववरो देवारिकुलनाशकः ॥

tripuṇḍrakastrinayanaḥ tripuṇḍrāṅgitamastakaḥ | tripuraghno devavaro devārikulanāśakaḥ ||

देवसेनाधिपस्तेजस्तेजोराशिर्दशाननः । दारुणो दोषहन्ता च दोर्दण्डो दण्डनायकः ॥

devasenādhipastejastejorāśirdaśānanaḥ | dāruṇo doṣahantā ca dordaṇḍo daṇḍanāyakaḥ ||

धनुष्पाणिर्धराध्यक्षो धनिको धर्मवत्सलः । धर्मज्ञो धर्मनिरतो धनुश्शास्त्रपरायणः ॥

dhanuṣpāṇirdharādhyakṣo dhaniko dharmavatsalaḥ | dharmajño dharmanirato dhanuśśāstraparāyaṇaḥ ||

स्थूलकर्णः स्थूलतनुः स्थूलाक्षः स्थूलबाहुकः । तनूत्तमस्तनुत्राणस्तारकस्तेजसाम्पतिः ॥

sthūlakarṇaḥ sthūlatanuḥ sthūlākṣaḥ sthūlabāhukaḥ | tanūttamastanutrāṇastārakastejasāmpatiḥ ||

योगीश्वरो योगनिधिर्योगेशो योगसंस्थितः । मन्दारवाटिकामत्तो मलयाचलवासभूः ॥

yogīśvaro yoganidhiryogeśo yogasaṃsthitaḥ | mandāravāṭikāmatto malayācalavāsabhūḥ ||

मन्दारकुसुमप्रख्यो मन्दमारुतसेवितः । महाभश्च महावक्षा मनोहरमदार्चितः ॥

mandārakusumaprakhyo mandamārutasevitaḥ | mahābhaśca mahāvakṣā manoharamadārcitaḥ ||

महोन्नतो महाकायो महानेत्रो महाहनुः । मरुत्पूज्यो मानधनो मोहनो मोक्षदायकः ॥

mahonnato mahākāyo mahānetro mahāhanuḥ | marutpūjyo mānadhano mohano mokṣadāyakaḥ ||

मित्रो मेधा महौजस्वी महावर्षप्रदायकः । भाषको भाष्यशास्त्रज्ञो भानुमान् भानुतैजसः ॥

mitro medhā mahaujasvī mahāvarṣapradāyakaḥ | bhāṣako bhāṣyaśāstrajño bhānumān bhānutaijasaḥ ||

भिषग्भवानीपुत्रश्च भवतारणकारणः । नीलाम्बरो नीलनिभो नीलग्रीवो निरञ्जनः ॥

bhiṣagbhavānīputraśca bhavatāraṇakāraṇaḥ | nīlāmbaro nīlanibho nīlagrīvo nirañjanaḥ ||

नेत्रत्रयो निषादज्ञो नानारत्नोपशोभितः । रत्नप्रभो रमापुत्रो रमया परितोषितः ॥

netratrayo niṣādajño nānāratnopaśobhitaḥ | ratnaprabho ramāputro ramayā paritoṣitaḥ ||

राजसेव्यो राजधनः रणदोर्दण्डमण्डितः । रमणो रेणुकासेव्यो राजनीचरदारणः ॥

rājasevyo rājadhanaḥ raṇadordaṇḍamaṇḍitaḥ | ramaṇo reṇukāsevyo rājanīcaradāraṇaḥ ||

ईशान इभराट्सेव्य ईषणात्रयनाशनः । इडावासो हेमनिभो हैमप्राकारशोभितः ॥

īśāna ibharāṭsevya īṣaṇātrayanāśanaḥ | iḍāvāso hemanibho haimaprākāraśobhitaḥ ||

हयप्रियोहयग्रीवो हंसो हरिहरात्मजः । हाटकस्फटिकप्रख्यो हंसारूढेन सेवितः ॥

hayapriyohayagrīvo haṃso hariharātmajaḥ | hāṭakasphaṭikaprakhyo haṃsārūḍhena sevitaḥ ||

वनवासो वनाध्यक्षो वामदेवो वराननः । वैवस्वतपतिर्विष्णुः विराड्रूपो विशाम्पतिः ॥

vanavāso vanādhyakṣo vāmadevo varānanaḥ | vaivasvatapatirviṣṇuḥ virāḍrūpo viśāmpatiḥ ||

वेणुनादो वरग्रिवो वराभयकरान्वितः । वर्चस्वी विपुलग्रीवो विपुलाक्षो विनोदवान् ॥

veṇunādo varagrivo varābhayakarānvitaḥ | varcasvī vipulagrīvo vipulākṣo vinodavān ||

वैणवारण्यवासश्च वामदेवेनसेवितः । वेत्रहस्तो वेदविधिर्वंशदेवो वराङ्गकः ॥

vaiṇavāraṇyavāsaśca vāmadevenasevitaḥ | vetrahasto vedavidhirvaṃśadevo varāṅgakaḥ ||

ह्रीङ्कारो ह्रीम्मना हृष्टो हिरण्यः हेमसम्भवः । हूताशो हूतनिष्पन्नो हूँकाराकृतिसुप्रभः ॥

hrīṅkāro hrīmmanā hṛṣṭo hiraṇyaḥ hemasambhavaḥ | hūtāśo hūtaniṣpanno hū~kārākṛtisuprabhaḥ ||

हव्यवाहो हव्यकरश्चाट्टहासोऽपराहतः । अणुरूपो रूपकरश्चाजरोऽतनुरूपकः ॥

havyavāho havyakaraścāṭṭahāso'parāhataḥ | aṇurūpo rūpakaraścājaro'tanurūpakaḥ ||

हंसमन्त्रश्च हुतभुक् हेमाम्बरस्सुलक्षणः । नीपप्रियो नीलवासाः निधिपालो निरातपः ॥

haṃsamantraśca hutabhuk hemāmbarassulakṣaṇaḥ | nīpapriyo nīlavāsāḥ nidhipālo nirātapaḥ ||

क्रोडहस्तस्तपस्त्राता तपोरक्षस्तपाह्वयः । मूर्ताभिषिक्तो मानी च मन्त्ररूपोः मृडो मनुः ॥

kroḍahastastapastrātā taporakṣastapāhvayaḥ | mūrtābhiṣikto mānī ca mantrarūpoḥ mṛḍo manuḥ ||

मेधावी मेदसो मुष्णुः मकरो मकरालयः । मार्त्ताण्डो मञ्जुकेशश्च मासपालो महौषधिः ॥

medhāvī medaso muṣṇuḥ makaro makarālayaḥ | mārttāṇḍo mañjukeśaśca māsapālo mahauṣadhiḥ ||

श्रोत्रियश्शोभमानश्च सविता सर्वदेशिकः । चन्द्रहासश्श्मश्श्क्तः शशिभासश्शमाधिकः ॥

śrotriyaśśobhamānaśca savitā sarvadeśikaḥ | candrahāsaśśmaśśktaḥ śaśibhāsaśśamādhikaḥ ||

सुदन्तस्सुकपोलश्च षड्वर्णस्सम्पदोऽधिपः । गरलः कालकण्ठश्च गोनेता गोमुखप्रभुः ॥

sudantassukapolaśca ṣaḍvarṇassampado'dhipaḥ | garalaḥ kālakaṇṭhaśca gonetā gomukhaprabhuḥ ||

कौशिकः कालदेवश्च क्रोशकः क्रौञ्चभेदकः । क्रियाकरः कृपालुश्च करवीरकरेरुहः ॥

kauśikaḥ kāladevaśca krośakaḥ krauñcabhedakaḥ | kriyākaraḥ kṛpāluśca karavīrakareruhaḥ ||

कन्दर्पदर्पहारी च कामदाता कपालकः । कैलासवासो वरदो विरोचनो विभावसुः ॥

kandarpadarpahārī ca kāmadātā kapālakaḥ | kailāsavāso varado virocano vibhāvasuḥ ||

बभ्रुवाहो बलाध्यक्षः फणामणिविभुषणः । सुन्दरस्सुमुखः स्वच्छः सफासश्च सफाकरः ॥

babhruvāho balādhyakṣaḥ phaṇāmaṇivibhuṣaṇaḥ | sundarassumukhaḥ svacchaḥ saphāsaśca saphākaraḥ ||

शरानिवृत्तश्शक्राप्तः शरणागतपालकः । तीक्ष्णदंष्ट्रो दीर्घजिह्वः पिङ्गलाक्षः पिशाचहा ॥

śarānivṛttaśśakrāptaḥ śaraṇāgatapālakaḥ | tīkṣṇadaṃṣṭro dīrghajihvaḥ piṅgalākṣaḥ piśācahā ||

अभेद्यश्चाङ्गदार्ढ्यश्च भोजपालोऽथ भूपतिः । गृध्रनासोऽविषह्यश्च दिग्देहो दैन्यदाहकः ॥

abhedyaścāṅgadārḍhyaśca bhojapālo'tha bhūpatiḥ | gṛdhranāso'viṣahyaśca digdeho dainyadāhakaḥ ||

बाडवापूरितमुखो व्यापको विषमोचकः । वसन्तस्समरक्रुद्धः पुङ्गवः पङ्गजासनः ॥

bāḍavāpūritamukho vyāpako viṣamocakaḥ | vasantassamarakruddhaḥ puṅgavaḥ paṅgajāsanaḥ ||

विश्वदर्पो निश्चितज्ञो नागाभरणभूषितः । भरतो भैरवाकारो भरणो वामनक्रियः ॥

viśvadarpo niścitajño nāgābharaṇabhūṣitaḥ | bharato bhairavākāro bharaṇo vāmanakriyaḥ ||

सिंहास्यस्सिंहरूपश्च सेनापतिस्सकारकः । सनातनस्सिद्धरूपी सिद्धधर्मपरायणः ॥

siṃhāsyassiṃharūpaśca senāpatissakārakaḥ | sanātanassiddharūpī siddhadharmaparāyaṇaḥ ||

आदित्यरूपश्चापधरश्चामृताब्धिनिवासभूः । युवराजो योगिवर्य उषस्तेजा उडुप्रभः ॥

ādityarūpaścāpadharaścāmṛtābdhinivāsabhūḥ | yuvarājo yogivarya uṣastejā uḍuprabhaḥ ||

देवादिदेवो दैवज्ञस्ताम्रोष्ठस्ताम्रलोचनः । पिङ्गलाक्षः पिच्छचूडः फणामणिविभूषितः ॥

devādidevo daivajñastāmroṣṭhastāmralocanaḥ | piṅgalākṣaḥ picchacūḍaḥ phaṇāmaṇivibhūṣitaḥ ||

भुजङ्गभूषणो भोगो भोगानन्दकरोऽव्ययः । पञ्चहस्तेन सम्पूज्यः पङ्चबाणेनसेवितः ॥

bhujaṅgabhūṣaṇo bhogo bhogānandakaro'vyayaḥ | pañcahastena sampūjyaḥ paṅcabāṇenasevitaḥ ||

भवश्शर्वो भानुमयः प्राजापत्यस्वरुपकः । स्वच्छन्दश्छन्दश्शस्त्रज्ञो दान्तो देवो मनुः प्रभुः ॥

bhavaśśarvo bhānumayaḥ prājāpatyasvarupakaḥ | svacchandaśchandaśśastrajño dānto devo manuḥ prabhuḥ ||

दशभुक्च दशाध्यक्षो दानवानां विनाशनः । सहस्राक्षश्शरोत्पन्नः शतानन्दसमागमः ॥

daśabhukca daśādhyakṣo dānavānāṃ vināśanaḥ | sahasrākṣaśśarotpannaḥ śatānandasamāgamaḥ ||

गृध्राद्रिवासो गम्भिरो गन्धग्राहोगणेश्वरः । गोमेधो गण्ढकावासो गोकुलैः परिवारितः ॥

gṛdhrādrivāso gambhiro gandhagrāhogaṇeśvaraḥ | gomedho gaṇḍhakāvāso gokulaiḥ parivāritaḥ ||

परिवेषः पदज्ञानी प्रियङ्गुद्रुमवासकः । गुहावासो गुरुवरो वन्दनीयो वदान्यकः ॥

pariveṣaḥ padajñānī priyaṅgudrumavāsakaḥ | guhāvāso guruvaro vandanīyo vadānyakaḥ ||

वृत्ताकारो वेणुपाणीर्वीणादण्डधरोहरः । हैमीड्यो होत्रुसुभगो हौत्रज्ञश्चौजसां पतिः ॥

vṛttākāro veṇupāṇīrvīṇādaṇḍadharoharaḥ | haimīḍyo hotrusubhago hautrajñaścaujasāṃ patiḥ ||

पवमानः प्रजातन्तुप्रदो दण्डविनाशनः । निमीड्यो निमिषार्धज्ञो निमिषाकारकारणः ॥

pavamānaḥ prajātantuprado daṇḍavināśanaḥ | nimīḍyo nimiṣārdhajño nimiṣākārakāraṇaḥ ||

लिगुडाभो लिडाकारो लक्ष्मीवन्द्यो वरप्रभुः । इडाज्ञः पिङ्गलावासः सुषुम्नामध्यसम्भवः ॥

liguḍābho liḍākāro lakṣmīvandyo varaprabhuḥ | iḍājñaḥ piṅgalāvāsaḥ suṣumnāmadhyasambhavaḥ ||

भिक्षाटनो भीमवर्चा वरकीर्तिस्सभेश्वरः । वाचोऽतीतो वरनिधिः परिवेत्ताप्रमाणकः ॥

bhikṣāṭano bhīmavarcā varakīrtissabheśvaraḥ | vāco'tīto varanidhiḥ parivettāpramāṇakaḥ ||

अप्रमेयोऽनिरुद्धश्चाप्यनन्तादित्यसुप्रभः । वेषप्रियो विषग्राहो वरदानकरोत्तमः ॥

aprameyo'niruddhaścāpyanantādityasuprabhaḥ | veṣapriyo viṣagrāho varadānakarottamaḥ ||

विपिनो वेदसारश्च वेदान्तैः परितोषितः । वक्रागमो वर्चवचा बलदाता विमानवान् ॥

vipino vedasāraśca vedāntaiḥ paritoṣitaḥ | vakrāgamo varcavacā baladātā vimānavān ||

वज्रकान्तो वंशकरो वटुरक्षाविशारदः । वप्रक्रीडो विप्रपूज्यो वेलाराशिश्चलालकः ॥

vajrakānto vaṃśakaro vaṭurakṣāviśāradaḥ | vaprakrīḍo viprapūjyo velārāśiścalālakaḥ ||

कोलाहलः क्रोडनेत्रःक्रोडास्यश्च कपालभृत् । कुञ्जरेड्यो मञ्जुवासाःक्रियामानः क्रियाप्रदः ॥

kolāhalaḥ kroḍanetraḥkroḍāsyaśca kapālabhṛt | kuñjareḍyo mañjuvāsāḥkriyāmānaḥ kriyāpradaḥ ||

क्रीडानाथः कीलहस्तः क्रोशमानो बलाधिकः । कनको होतृभागी च खवासः खचरः खगः ॥

krīḍānāthaḥ kīlahastaḥ krośamāno balādhikaḥ | kanako hotṛbhāgī ca khavāsaḥ khacaraḥ khagaḥ ||

गणको गुणनिर्दुष्टो गुणत्यागी कुशाधिपः । पाटलः पत्रधारी च पलाशः पुत्रवर्धनः ॥

gaṇako guṇanirduṣṭo guṇatyāgī kuśādhipaḥ | pāṭalaḥ patradhārī ca palāśaḥ putravardhanaḥ ||

पितृसच्चरितः प्रेष्ठः पापभस्मः पुनश्चुचिः । भालनेत्रः फुल्लकेशः फुल्लकल्हारभूषितः ॥

pitṛsaccaritaḥ preṣṭhaḥ pāpabhasmaḥ punaścuciḥ | bhālanetraḥ phullakeśaḥ phullakalhārabhūṣitaḥ ||

फणिसेव्यः पट्टभद्रः पटुर्वाग्मी वयोऽधिकः । चोरनाट्यश्चोरवेषश्चोरघ्नश्चौर्यवर्धनः ॥

phaṇisevyaḥ paṭṭabhadraḥ paṭurvāgmī vayo'dhikaḥ | coranāṭyaścoraveṣaścoraghnaścauryavardhanaḥ ||

चञ्चलाक्षश्चामरको मरीचिर्मदगामिकः । मृडाभो मेषवाहश्च मैथिल्यो मोचकोमनुः ॥

cañcalākṣaścāmarako marīcirmadagāmikaḥ | mṛḍābho meṣavāhaśca maithilyo mocakomanuḥ ||

मनुरूपो मन्त्रदेवो मन्त्रराशिर्महादृढः । स्थूपिज्ञो धनदाता च देववन्द्यश्चतारणः ॥

manurūpo mantradevo mantrarāśirmahādṛḍhaḥ | sthūpijño dhanadātā ca devavandyaścatāraṇaḥ ||

यज्ञप्रियो यमाध्यक्ष इभक्रीड इभेक्षणः । दधिप्रियो दुराधर्षो दारुपालो दनूजहा ॥

yajñapriyo yamādhyakṣa ibhakrīḍa ibhekṣaṇaḥ | dadhipriyo durādharṣo dārupālo danūjahā ||

दामोदरोदामधरो दक्षिणामूर्तिरूपकः । शचीपूज्यश्शङ्खकर्णश्चन्द्रचूडो मनुप्रियः ॥

dāmodarodāmadharo dakṣiṇāmūrtirūpakaḥ | śacīpūjyaśśaṅkhakarṇaścandracūḍo manupriyaḥ ||

गुडरूपो गुडाकेशः कुलधर्मपरायणः । कालकण्ठो गाढगात्रो गोत्ररूपः कुलेश्वरः ॥

guḍarūpo guḍākeśaḥ kuladharmaparāyaṇaḥ | kālakaṇṭho gāḍhagātro gotrarūpaḥ kuleśvaraḥ ||

आनन्दभैरवाराध्यो हयमेधफलप्रदः । दध्यन्नासक्तहृदयो गुडान्नप्रीतमानसः ॥

ānandabhairavārādhyo hayamedhaphalapradaḥ | dadhyannāsaktahṛdayo guḍānnaprītamānasaḥ ||

घृतान्नासक्तहृदयो गौराङ्गो गर्वभञ्जकः । गणेशपूज्यो गगनः गणानां पतिरूर्जितः ॥

ghṛtānnāsaktahṛdayo gaurāṅgo garvabhañjakaḥ | gaṇeśapūjyo gaganaḥ gaṇānāṃ patirūrjitaḥ ||

छद्महीनश्शशिरदः शत्रूणां पतिरङ्गिराः । चराचरमयश्शान्तः शरभेशश्शतातपः ॥

chadmahīnaśśaśiradaḥ śatrūṇāṃ patiraṅgirāḥ | carācaramayaśśāntaḥ śarabheśaśśatātapaḥ ||

वीराराध्यो वक्रगमो वेदाङ्गो वेदपारगः । पर्वतारोहणः पूषा परमेशः प्रजापतिः ॥

vīrārādhyo vakragamo vedāṅgo vedapāragaḥ | parvatārohaṇaḥ pūṣā parameśaḥ prajāpatiḥ ||

भावज्ञो भवरोगघ्नो भवसागरतारणः । चिदग्निदेहश्चिद्रूपश्चिदानन्दश्चिदाकृतिः ॥

bhāvajño bhavarogaghno bhavasāgaratāraṇaḥ | cidagnidehaścidrūpaścidānandaścidākṛtiḥ ||

नाट्यप्रियो नरपतिर्नरनारायणार्चितः । निषादराजो नीहारो नेष्टा निष्ठूरभाषणः ॥

nāṭyapriyo narapatirnaranārāyaṇārcitaḥ | niṣādarājo nīhāro neṣṭā niṣṭhūrabhāṣaṇaḥ ||

निम्नप्रियो नीलनेत्रो नीलाङ्गो नीलकेशकः । सिंहाक्षस्सर्वविघ्नेशस्सामवेदपरायणः ॥

nimnapriyo nīlanetro nīlāṅgo nīlakeśakaḥ | siṃhākṣassarvavighneśassāmavedaparāyaṇaḥ ||

सनकादिमुनिध्येयः शर्वरीशः षडाननः । सुरूपस्सुलभस्स्वर्गः शचीनाथेन पूजितः ॥

sanakādimunidhyeyaḥ śarvarīśaḥ ṣaḍānanaḥ | surūpassulabhassvargaḥ śacīnāthena pūjitaḥ ||

काकीनः कामदहनो दग्धपापो धराधिपः । दामग्रन्धी शतस्त्रीशस्तश्रीपालश्च तारकः ॥

kākīnaḥ kāmadahano dagdhapāpo dharādhipaḥ | dāmagrandhī śatastrīśastaśrīpālaśca tārakaḥ ||

ताम्राक्षस्तीक्ष्णदंष्ट्रश्च तिलभोज्यस्तिलोदरः । माण्डुकर्णो मृडाधीशो मेरुवर्णो महोदरः ॥

tāmrākṣastīkṣṇadaṃṣṭraśca tilabhojyastilodaraḥ | māṇḍukarṇo mṛḍādhīśo meruvarṇo mahodaraḥ ||

मार्ताण्डभैरवाराध्यो मणिरूपो मरुद्वहः । माषप्रियो मधुपानो मृणालो मोहिनीपतिः ॥

mārtāṇḍabhairavārādhyo maṇirūpo marudvahaḥ | māṣapriyo madhupāno mṛṇālo mohinīpatiḥ ||

महाकामेशतनयो माधवो मदगर्वितः । मूलाधाराम्बुजावासो मूलविद्यास्वरूपकः ॥

mahākāmeśatanayo mādhavo madagarvitaḥ | mūlādhārāmbujāvāso mūlavidyāsvarūpakaḥ ||

स्वाधिष्टानमयः स्वस्थः स्वस्थिवाक्यः स्रुवायुधः । मणिपूराब्जनिलयो महाभैरवपूजितः ॥

svādhiṣṭānamayaḥ svasthaḥ svasthivākyaḥ sruvāyudhaḥ | maṇipūrābjanilayo mahābhairavapūjitaḥ ||

अनाहताब्जरसिको ह्रीङ्काररसपेशलः । भूमध्यवासो भूकान्तो भरद्वाजप्रपूजितः ॥

anāhatābjarasiko hrīṅkārarasapeśalaḥ | bhūmadhyavāso bhūkānto bharadvājaprapūjitaḥ ||

सहस्राराम्बुजावासः सविता सामवाचकः । मुकुन्दश्च गुणातीतो गुणपूज्यो गुणाश्रयः ॥

sahasrārāmbujāvāsaḥ savitā sāmavācakaḥ | mukundaśca guṇātīto guṇapūjyo guṇāśrayaḥ ||

धन्यश्च धनभृद्दाहो धनदानकराम्बुजः । महाशयो महातीतो मायाहीनो मदार्चितः ॥

dhanyaśca dhanabhṛddāho dhanadānakarāmbujaḥ | mahāśayo mahātīto māyāhīno madārcitaḥ ||

माठरो मोक्षफलदः सद्वैरिकुलनाशनः । पिङ्गलः पिञ्छचूडश्च पिशिताशपवित्रकः ॥

māṭharo mokṣaphaladaḥ sadvairikulanāśanaḥ | piṅgalaḥ piñchacūḍaśca piśitāśapavitrakaḥ ||

पायसान्नप्रियः पर्वपक्षमासविभाजकः । वज्रभूषो वज्रकायो विरिञ्चोवरवक्षणः ॥

pāyasānnapriyaḥ parvapakṣamāsavibhājakaḥ | vajrabhūṣo vajrakāyo viriñcovaravakṣaṇaḥ ||

विज्ञानकलिकावृन्दो विश्वरूपप्रदर्शकः । डम्भघ्नो दमघोषघ्नो दासपालस्तपौजसः ॥

vijñānakalikāvṛndo viśvarūpapradarśakaḥ | ḍambhaghno damaghoṣaghno dāsapālastapaujasaḥ ||

द्रोणकुम्भाभिषिक्तश्च द्रोहिनाशस्तपातुरः । महावीरेन्द्रवरदो महासंसारनाशनः ॥

droṇakumbhābhiṣiktaśca drohināśastapāturaḥ | mahāvīrendravarado mahāsaṃsāranāśanaḥ ||

लाकिनी हाकिनीलब्धो लवणाम्भोधितारणः । काकिलः कालपाशघ्नःकर्मबन्धविमोचकः ॥

lākinī hākinīlabdho lavaṇāmbhodhitāraṇaḥ | kākilaḥ kālapāśaghnaḥkarmabandhavimocakaḥ ||

मोचको मोहनिर्भिन्नो भगाराध्यो बृहत्तनुः । अक्षयोऽक्रूरवरदो वक्रागमविनाशनः ॥

mocako mohanirbhinno bhagārādhyo bṛhattanuḥ | akṣayo'krūravarado vakrāgamavināśanaḥ ||

डाकीनः सूर्यतेजस्वी सर्पभूषश्च सद्गुरुः । स्वतन्त्रः सर्वतन्त्रेशो दक्षिणादिगधीश्वरः ॥

ḍākīnaḥ sūryatejasvī sarpabhūṣaśca sadguruḥ | svatantraḥ sarvatantreśo dakṣiṇādigadhīśvaraḥ ||

सच्चिदानन्दकलिकः प्रेमरूपः प्रियङ्करः । मिध्याजगदधिष्टानो मुक्तिदो मुक्तिरूपकः ॥

saccidānandakalikaḥ premarūpaḥ priyaṅkaraḥ | midhyājagadadhiṣṭāno muktido muktirūpakaḥ ||

मुमुक्षुः कर्मफलदो मार्गदक्षोऽथ कर्मठः । महाबुद्धो महाशुद्धः शुकवर्णः शुकप्रियः ॥

mumukṣuḥ karmaphalado mārgadakṣo'tha karmaṭhaḥ | mahābuddho mahāśuddhaḥ śukavarṇaḥ śukapriyaḥ ||

सोमप्रियः स्वरप्रीतः पर्वाराधनतत्परः । अजपो जनहंसश्च फलपाणिप्रपूजितः ॥

somapriyaḥ svaraprītaḥ parvārādhanatatparaḥ | ajapo janahaṃsaśca phalapāṇiprapūjitaḥ ||

अर्चितो वर्धनो वाग्मी वीरवेषो विधुप्रियः । लास्यप्रियो लयकरो लाभालाभविवर्जितः ॥

arcito vardhano vāgmī vīraveṣo vidhupriyaḥ | lāsyapriyo layakaro lābhālābhavivarjitaḥ ||

पञ्चाननः पङ्चगूढः पङ्चयज्ञफलप्रदः । पाशहस्तः पावकेशः पर्जन्यसमगर्जनः ॥

pañcānanaḥ paṅcagūḍhaḥ paṅcayajñaphalapradaḥ | pāśahastaḥ pāvakeśaḥ parjanyasamagarjanaḥ ||

पपारिः परमोदारः प्रजेशः पङ्कनाशनः । नष्टकर्मा नष्टवैर इष्टसिद्धिप्रदायकः ॥

papāriḥ paramodāraḥ prajeśaḥ paṅkanāśanaḥ | naṣṭakarmā naṣṭavaira iṣṭasiddhipradāyakaḥ ||

नागाधीशो नष्टपाप इष्टनामविधायकः । पञ्चकृत्यपरः पाता पञ्चपञ्चातिशायिकः ॥

nāgādhīśo naṣṭapāpa iṣṭanāmavidhāyakaḥ | pañcakṛtyaparaḥ pātā pañcapañcātiśāyikaḥ ||

पद्माक्षोः पद्मवदनः पावकाभः प्रियङ्करः । कार्तस्वराङ्गो गौराङ्गो गौरीपुत्रो धनेश्वरः ॥

padmākṣoḥ padmavadanaḥ pāvakābhaḥ priyaṅkaraḥ | kārtasvarāṅgo gaurāṅgo gaurīputro dhaneśvaraḥ ||

गणेशाश्लिष्टदेहश्च शीतांशुः शुभदीदितिः । दक्षध्वंसो दक्षकरो वरः कात्यायनीसुतः ॥

gaṇeśāśliṣṭadehaśca śītāṃśuḥ śubhadīditiḥ | dakṣadhvaṃso dakṣakaro varaḥ kātyāyanīsutaḥ ||

सुमुखो मार्गणो गर्भो गर्वभङ्गः कुशासनः । कुलपालपतिः श्रेष्ठो पवमानः प्रजाधिपः ॥

sumukho mārgaṇo garbho garvabhaṅgaḥ kuśāsanaḥ | kulapālapatiḥ śreṣṭho pavamānaḥ prajādhipaḥ ||

दर्शप्रियो निर्विकारो दीर्घकायो दिवाकरः । भेरीनादप्रियो वृन्दो बृहत्सेनः सुपालकः ॥

darśapriyo nirvikāro dīrghakāyo divākaraḥ | bherīnādapriyo vṛndo bṛhatsenaḥ supālakaḥ ||

सुब्रह्मा ब्रह्मरसिको रसज्ञो रजताद्रिभाः । तिमिरघ्नो मिहिराभो महानीलसमप्रभः ॥

subrahmā brahmarasiko rasajño rajatādribhāḥ | timiraghno mihirābho mahānīlasamaprabhaḥ ||

श्रीचन्दनविलिप्ताङ्गः श्रीपुत्रःश्रीतरुप्रियः । लाक्षावर्णो लसत्कर्णो रजनीध्वंसिसन्निभः ॥

śrīcandanaviliptāṅgaḥ śrīputraḥśrītarupriyaḥ | lākṣāvarṇo lasatkarṇo rajanīdhvaṃsisannibhaḥ ||

बिन्दुप्रियोऽम्बिकापुत्रो बैन्दवो बलनायकः । आपन्नतारकस्तप्तस्तप्तकृच्छ्रफलप्रदः ॥

bindupriyo'mbikāputro baindavo balanāyakaḥ | āpannatārakastaptastaptakṛcchraphalapradaḥ ||

मरुद्धृतो महाखर्वश्चीरवासाः शिखिप्रियः । आयुष्माननघो दूत आयुर्वेदपरायणः ॥

maruddhṛto mahākharvaścīravāsāḥ śikhipriyaḥ | āyuṣmānanagho dūta āyurvedaparāyaṇaḥ ||

हंसः परमहंसश्चाप्यवधूताश्रमप्रियः । अश्ववेगोऽश्वहृदयो हयधैर्यो फलप्रदः ॥

haṃsaḥ paramahaṃsaścāpyavadhūtāśramapriyaḥ | aśvavego'śvahṛdayo hayadhairyo phalapradaḥ ||

सुमुखो दुर्मुखो विघ्नोनिर्विघ्नो विघ्ननाशनः । आर्यो नाथोऽर्यमाभासःफाल्गुनः भाललोचनः ॥

sumukho durmukho vighnonirvighno vighnanāśanaḥ | āryo nātho'ryamābhāsaḥphālgunaḥ bhālalocanaḥ ||

अरातिघ्नो घनग्रीवो ग्रीष्मसूर्यसमप्रभः । किरीटी कल्पशास्त्रज्ञः कल्पानलविधायकः ॥

arātighno ghanagrīvo grīṣmasūryasamaprabhaḥ | kirīṭī kalpaśāstrajñaḥ kalpānalavidhāyakaḥ ||

ज्ञानविज्ञानफलदो विरिञ्चारिविनाशनः । वीरमार्त्ताण्डवरदो वीरबाहुश्च पूर्वजः ॥

jñānavijñānaphalado viriñcārivināśanaḥ | vīramārttāṇḍavarado vīrabāhuśca pūrvajaḥ ||

वीरसिंहासनो विज्ञो वीरकार्योऽस्तदानवः । नरवीरसुहृद्भ्राता नागरत्नविभूषितः ॥

vīrasiṃhāsano vijño vīrakāryo'stadānavaḥ | naravīrasuhṛdbhrātā nāgaratnavibhūṣitaḥ ||

वाचस्पतिः पुरारातिः संवर्त्तः समरेश्वरः । उरुवाग्मीह्युमापुत्रः उडुलोकसुरक्षकः ॥

vācaspatiḥ purārātiḥ saṃvarttaḥ samareśvaraḥ | uruvāgmīhyumāputraḥ uḍulokasurakṣakaḥ ||

श‍ृङ्गाररससम्पूर्णः सिन्दूरतिलकाङ्कितः । कुङ्कुमाङ्कितसर्वाङ्गः कालकेयविनाशनः ॥

śa‍ṛṅgārarasasampūrṇaḥ sindūratilakāṅkitaḥ | kuṅkumāṅkitasarvāṅgaḥ kālakeyavināśanaḥ ||

मत्तनागप्रियो नेता नागगन्धर्वपूजितः । सुस्वप्नबोधको बोधो गौरीदुस्वप्ननाशनः ॥

mattanāgapriyo netā nāgagandharvapūjitaḥ | susvapnabodhako bodho gaurīdusvapnanāśanaḥ ||

चिन्ताराशिपरिध्वंसी चिन्तामणिविभूषितः । चराचरजगत्स्रष्टा चलत्कुण्डलकर्णयुक् ॥

cintārāśiparidhvaṃsī cintāmaṇivibhūṣitaḥ | carācarajagatsraṣṭā calatkuṇḍalakarṇayuk ||

मुकुरास्यो मूलनिधिर्निधिद्वयनिषेवितः । नीराजनप्रीतमनाः नीलनेत्रो नयप्रदः ॥

mukurāsyo mūlanidhirnidhidvayaniṣevitaḥ | nīrājanaprītamanāḥ nīlanetro nayapradaḥ ||

केदारेशः किरातश्च कालात्मा कल्पविग्रहः । कल्पान्तभैरवाराध्यः कङ्कपत्रशरायुधः ॥

kedāreśaḥ kirātaśca kālātmā kalpavigrahaḥ | kalpāntabhairavārādhyaḥ kaṅkapatraśarāyudhaḥ ||

कलाकाष्ठस्वरूपश्च ॠतुवर्षादिमासवान् । दिनेशमण्डलावासो वासवादिप्रपूजितः ॥

kalākāṣṭhasvarūpaśca ṝtuvarṣādimāsavān | dineśamaṇḍalāvāso vāsavādiprapūjitaḥ ||

बहुलास्तम्बकर्मज्ञः पञ्चाशद्वर्णरूपकः । चिन्ताहीनश्चिदाक्रान्तः चारुपालोहलायुधः ॥

bahulāstambakarmajñaḥ pañcāśadvarṇarūpakaḥ | cintāhīnaścidākrāntaḥ cārupālohalāyudhaḥ ||

बन्दूककुसुमप्रख्यः परगर्वविभञ्जनः । विद्वत्तमो विराधघ्नः सचित्रश्चित्रकर्मकः ॥

bandūkakusumaprakhyaḥ paragarvavibhañjanaḥ | vidvattamo virādhaghnaḥ sacitraścitrakarmakaḥ ||

सङ्गीतलोलुपमनाः स्निग्धगम्भीरगर्ज्जितः । तुङ्गवक्त्रः स्तवरसश्चाभ्राभो भ्रमरेक्षणः ॥

saṅgītalolupamanāḥ snigdhagambhīragarjjitaḥ | tuṅgavaktraḥ stavarasaścābhrābho bhramarekṣaṇaḥ ||

लीलाकमलहस्ताब्जो बालकुन्दविभूषितः । लोध्रप्रसवशुधाभः शिरीषकुसुमप्रियः ॥

līlākamalahastābjo bālakundavibhūṣitaḥ | lodhraprasavaśudhābhaḥ śirīṣakusumapriyaḥ ||

त्रस्तत्राणकरस्तत्त्वं तत्त्ववाक्यार्थबोधकः । वर्षीयांश्च विधिस्तुत्यो वेदान्तप्रतिपादकः ॥

trastatrāṇakarastattvaṃ tattvavākyārthabodhakaḥ | varṣīyāṃśca vidhistutyo vedāntapratipādakaḥ ||

मूलभूतो मूलतत्त्वं मूलकारणविग्रहः । आदिनाथोऽक्षयफलः पाणिजन्माऽपराजितः ॥

mūlabhūto mūlatattvaṃ mūlakāraṇavigrahaḥ | ādinātho'kṣayaphalaḥ pāṇijanmā'parājitaḥ ||

गानप्रियो गानलोलो महेशो विज्ञमानसः । गिरीजास्तन्यरसिको गिरिराजवरस्तुतः ॥

gānapriyo gānalolo maheśo vijñamānasaḥ | girījāstanyarasiko girirājavarastutaḥ ||

पीयूषकुम्भहस्ताब्जः पाशत्यागी चिरन्तनः । सुधालालसवक्त्राब्जः सुरद्रुमफलेप्सितः ॥

pīyūṣakumbhahastābjaḥ pāśatyāgī cirantanaḥ | sudhālālasavaktrābjaḥ suradrumaphalepsitaḥ ||

रत्नहाटकभूषाङ्गो रावणादिप्रपूजितः । कनत्कालेयसुप्रीतः क्रौञ्चगर्वविनाशनः ॥

ratnahāṭakabhūṣāṅgo rāvaṇādiprapūjitaḥ | kanatkāleyasuprītaḥ krauñcagarvavināśanaḥ ||

अशेषजनसम्मोह आयुर्विद्याफलप्रदः । अवबद्धदुकूलाङ्गो हारालङ्कृतकन्धरः ॥

aśeṣajanasammoha āyurvidyāphalapradaḥ | avabaddhadukūlāṅgo hārālaṅkṛtakandharaḥ ||

केतकीकुसुमप्रीतः कलभैः परिवारितः । केकाप्रियः कार्तिकेयः सारङ्गनिनदप्रियः ॥

ketakīkusumaprītaḥ kalabhaiḥ parivāritaḥ | kekāpriyaḥ kārtikeyaḥ sāraṅganinadapriyaḥ ||

चातकालापसन्तुष्टश्चमरीमृगसेवितः । आम्रकूटाद्रिसञ्चारी चाम्नायफलदायकः ॥

cātakālāpasantuṣṭaścamarīmṛgasevitaḥ | āmrakūṭādrisañcārī cāmnāyaphaladāyakaḥ ||

धृताक्षसूत्रपाणिश्चाप्यक्षिरोगविनाशनः । मुकुन्दपूज्यो मोहाङ्गो मुनिमानसतोषितः ॥

dhṛtākṣasūtrapāṇiścāpyakṣirogavināśanaḥ | mukundapūjyo mohāṅgo munimānasatoṣitaḥ ||

तैलाभिषिक्तसुशीरास्तर्जनीमुद्रिकायुतः । तटातकामनः प्रीतस्तमोग़उणविनाशनः ॥

tailābhiṣiktasuśīrāstarjanīmudrikāyutaḥ | taṭātakāmanaḥ prītastamoga़uṇavināśanaḥ ||

अनामयोऽप्यनादर्शश्चार्जुनाभो हुतप्रियः । षाड्गुण्य परिसम्पूर्णस्सप्ताश्वादिगृहैः स्तुतः ॥

anāmayo'pyanādarśaścārjunābho hutapriyaḥ | ṣāḍguṇya parisampūrṇassaptāśvādigṛhaiḥ stutaḥ ||

वीतशोकःप्रसादज्ञः सप्तप्राणवरप्रदः । सप्तार्चिश्च त्रिनयनस्त्रिवेणीफलदायकः ॥

vītaśokaḥprasādajñaḥ saptaprāṇavarapradaḥ | saptārciśca trinayanastriveṇīphaladāyakaḥ ||

कृष्णवर्त्मा वेदमुखो दारुमण्डलमध्यगः । वीरनूपुरपादाब्जो वीरकङ्कणपाणिमान् ॥

kṛṣṇavartmā vedamukho dārumaṇḍalamadhyagaḥ | vīranūpurapādābjo vīrakaṅkaṇapāṇimān ||

विश्वमूर्तिश्शुद्धमुखश्शुद्धभस्मानुलेपनः । शुम्भध्वंसिन्या सम्पूज्यो रक्तबीजकुलान्तकः ॥

viśvamūrtiśśuddhamukhaśśuddhabhasmānulepanaḥ | śumbhadhvaṃsinyā sampūjyo raktabījakulāntakaḥ ||

निषादादिस्वरप्रीतः नमस्कारफलप्रदः । भक्तारिपञ्चतादायी सज्जीकृतशरायुधः ॥

niṣādādisvaraprītaḥ namaskāraphalapradaḥ | bhaktāripañcatādāyī sajjīkṛtaśarāyudhaḥ ||

अभयङ्करमन्त्रज्ञः कुब्जिकामन्त्रविग्रहः । धूम्राक्षश्चोग्रतेजस्वी दशकण्ठविनाशनः ॥

abhayaṅkaramantrajñaḥ kubjikāmantravigrahaḥ | dhūmrākṣaścogratejasvī daśakaṇṭhavināśanaḥ ||

आशुगायुधहस्ताब्जो गदायुधकराम्बुजः । पाशायुधसुपाणिश्च कपालायुधसद्भुजः ॥

āśugāyudhahastābjo gadāyudhakarāmbujaḥ | pāśāyudhasupāṇiśca kapālāyudhasadbhujaḥ ||

सहस्रशीर्षवदनः सहस्रद्वयलोचनः । नानाहेतिर्धनुष्पाणिः नानास्रग्भूषणप्रियः ॥

sahasraśīrṣavadanaḥ sahasradvayalocanaḥ | nānāhetirdhanuṣpāṇiḥ nānāsragbhūṣaṇapriyaḥ ||

आश्यामकोमलतनूरारक्तापाङ्गलोचनः । द्वादशाहक्रतुप्रीतः पौण्डरीकफलप्रदः ॥

āśyāmakomalatanūrāraktāpāṅgalocanaḥ | dvādaśāhakratuprītaḥ pauṇḍarīkaphalapradaḥ ||

अप्तोर्यामक्रतुमयश्चयनादिफलप्रदः । पशुबन्धस्यफलदो वाजपेयात्मदैवतः ॥

aptoryāmakratumayaścayanādiphalapradaḥ | paśubandhasyaphalado vājapeyātmadaivataḥ ||

आब्रह्मकीटजननावनात्मा चम्बकप्रियः । पशुपाशविभागज्ञः परिज्ञानप्रदायकः ॥

ābrahmakīṭajananāvanātmā cambakapriyaḥ | paśupāśavibhāgajñaḥ parijñānapradāyakaḥ ||

कल्पेश्वरः कल्पवर्यो जातवेदा प्रभाकरः । कुम्भीश्वरः कुम्भपाणीः कुङ्कुमाक्तललाटकः ॥

kalpeśvaraḥ kalpavaryo jātavedā prabhākaraḥ | kumbhīśvaraḥ kumbhapāṇīḥ kuṅkumāktalalāṭakaḥ ||

शिलीन्ध्रपत्रसङ्काशः सिंहवक्त्रप्रमर्दनः । कोकिलक्वणनाकर्णी कालनाशनतत्परः ॥

śilīndhrapatrasaṅkāśaḥ siṃhavaktrapramardanaḥ | kokilakvaṇanākarṇī kālanāśanatatparaḥ ||

नैय्यायिकमतघ्नश्च बौद्धसङ्घविनाशनः । धृतहेमाब्जपाणिश्च होमसन्तुष्टमानसः ॥

naiyyāyikamataghnaśca bauddhasaṅghavināśanaḥ | dhṛtahemābjapāṇiśca homasantuṣṭamānasaḥ ||

पितृयज्ञस्यफलदः पितृवज्जनरक्षकः । पदातिकर्मनिरतः पृषदाज्यप्रदायकः ॥

pitṛyajñasyaphaladaḥ pitṛvajjanarakṣakaḥ | padātikarmanirataḥ pṛṣadājyapradāyakaḥ ||

महासुरवधोद्युक्तः स्वास्त्रप्रत्यस्त्रवर्षकः । महावर्षतिरोधानः नागाभृतकराम्बुजः ॥

mahāsuravadhodyuktaḥ svāstrapratyastravarṣakaḥ | mahāvarṣatirodhānaḥ nāgābhṛtakarāmbujaḥ ||

नमः स्वाहावषट् वौषट् वल्लवप्रतिपादकः । महीरसदृशग्रीवो महीरसदृशस्तवः ॥

namaḥ svāhāvaṣaṭ vauṣaṭ vallavapratipādakaḥ | mahīrasadṛśagrīvo mahīrasadṛśastavaḥ ||

तन्त्रीवादनहस्ताग्रः सङ्गीतप्रीतमानसः । चिदंशमुकुरावासो मणिकूटाद्रि सञ्चरः ॥

tantrīvādanahastāgraḥ saṅgītaprītamānasaḥ | cidaṃśamukurāvāso maṇikūṭādri sañcaraḥ ||

लीलासञ्चारतनुको लिङ्गशास्त्रप्रवर्तकः । राकेन्दुद्युतिसम्पन्नो यागकर्मफलप्रदः ॥

līlāsañcāratanuko liṅgaśāstrapravartakaḥ | rākendudyutisampanno yāgakarmaphalapradaḥ ||

मैनाकगिरिसञ्चारी मधुवंशविनाशनः । तालखण्डपुरावासः तमालनिभतैजसः ॥

mainākagirisañcārī madhuvaṃśavināśanaḥ | tālakhaṇḍapurāvāsaḥ tamālanibhataijasaḥ ||

श्रीधर्मशास्तासहस्रनामस्तोत्रं सम्पूर्णम् ।

śrīdharmaśāstāsahasranāmastotraṃ sampūrṇam |