श्रीकालीसहस्रनामस्तोत्रम्

भद्रकालीसहस्रनामस्तोत्रम्

bhadrakālīsahasranāmastotram

श्रीगणेशाय नमः । ॐ श्रीगुरुभ्यो नमः ।

śrīgaṇeśāya namaḥ | oṃ śrīgurubhyo namaḥ |

ॐ खड्गं चक्रगदेषुचापपरिधान् शूलं भुशुण्डीं शिरः शङ्खं सन्दधतीं कुरैस्त्रिनयनां सर्वाङ्गभूषावृताम् । या मस्तौ स्वपितौ हरौ कमलजौ हन्तुं मधुं कैटभं नीलाश्मद्युतिमास्यपाददशकं सेवे महाकालिकाम् ॥

oṃ khaḍgaṃ cakragadeṣucāpaparidhān śūlaṃ bhuśuṇḍīṃ śiraḥ śaṅkhaṃ sandadhatīṃ kuraistrinayanāṃ sarvāṅgabhūṣāvṛtām | yā mastau svapitau harau kamalajau hantuṃ madhuṃ kaiṭabhaṃ nīlāśmadyutimāsyapādadaśakaṃ seve mahākālikām ||

ॐ सद्यश्छिन्न शिरः कृपाणमभयं हस्तैर्वरं बिभ्रतीं घोरास्यां शिरसि स्रजा सुरुचिरान्मुन्युक्त केशावलिम् । सृक्कासृक्प्रवहां श्मशान निलयां श्रुत्योः शवालङ्कृतिं श्यामाङ्गीं कृतमेखलां शवकरैर्देवीं भजे कालिकाम् ॥

oṃ sadyaśchinna śiraḥ kṛpāṇamabhayaṃ hastairvaraṃ bibhratīṃ ghorāsyāṃ śirasi srajā surucirānmunyukta keśāvalim | sṛkkāsṛkpravahāṃ śmaśāna nilayāṃ śrutyoḥ śavālaṅkṛtiṃ śyāmāṅgīṃ kṛtamekhalāṃ śavakarairdevīṃ bhaje kālikām ||

रक्ताङ्गीं रक्तवस्त्रां करिवरविलसत् कुण्डलां चण्डदंष्ट्रां कण्ठोद्य मुण्डमालां परिसरविलसद्भूतपैशाचवृन्दाम् । घोरां घोराट्टहासां करकलित कपालासिरौद्रां त्रिनेत्रां शत्रूणां प्राणहन्त्रीं शिशुशशिमकुटां भावयेत् भद्रकालीं ॥

raktāṅgīṃ raktavastrāṃ karivaravilasat kuṇḍalāṃ caṇḍadaṃṣṭrāṃ kaṇṭhodya muṇḍamālāṃ parisaravilasadbhūtapaiśācavṛndām | ghorāṃ ghorāṭṭahāsāṃ karakalita kapālāsiraudrāṃ trinetrāṃ śatrūṇāṃ prāṇahantrīṃ śiśuśaśimakuṭāṃ bhāvayet bhadrakālīṃ ||

कालिं मेघसमप्रभां त्रिनयनां वेतालकण्ठस्थितां खड्गं खेटकपालदारिकशिरः कृत्वा कराग्रेषु च । भूतप्रेतपिशाचमातृसहितां मुण्डस्रजालङ्कृतां वन्दे दुष्टमसूरिकादि विपदां संहारिणीं ईश्वरीम् ॥

kāliṃ meghasamaprabhāṃ trinayanāṃ vetālakaṇṭhasthitāṃ khaḍgaṃ kheṭakapāladārikaśiraḥ kṛtvā karāgreṣu ca | bhūtapretapiśācamātṛsahitāṃ muṇḍasrajālaṅkṛtāṃ vande duṣṭamasūrikādi vipadāṃ saṃhāriṇīṃ īśvarīm ||

ॐ ह्रीं भं भद्रकाल्यै नमः । ॐ ऐं क्लीं सौ फ्रीं भद्रकाल्यै नमः ।

oṃ hrīṃ bhaṃ bhadrakālyai namaḥ | oṃ aiṃ klīṃ sau phrīṃ bhadrakālyai namaḥ |

कथितोऽयं महामन्त्रः सर्वमन्त्रोत्तमोत्तमः । यमासाद्य मया प्राप्तमैश्वर्यपदमुत्तमम् ॥

kathito'yaṃ mahāmantraḥ sarvamantrottamottamaḥ | yamāsādya mayā prāptamaiśvaryapadamuttamam ||

संयुक्तः परया भक्त्या यथोक्तविधिना भवान् । कुरुतामर्चनं देव्याः त्रैलोक्यविजिगीषया ॥

saṃyuktaḥ parayā bhaktyā yathoktavidhinā bhavān | kurutāmarcanaṃ devyāḥ trailokyavijigīṣayā ||

श्रीपरशुराम उवाच । प्रसन्नो यदि मे देवः परमेशः पुरातनः । रहस्यं परया देव्याः कृपया कथय प्रभो ॥

śrīparaśurāma uvāca | prasanno yadi me devaḥ parameśaḥ purātanaḥ | rahasyaṃ parayā devyāḥ kṛpayā kathaya prabho ||

यथार्चनं विना होमं विना न्यासं विनाबलिम् । विना गन्धं विना पुष्पं विना नित्योदितक्रिया ॥

yathārcanaṃ vinā homaṃ vinā nyāsaṃ vinābalim | vinā gandhaṃ vinā puṣpaṃ vinā nityoditakriyā ||

प्राणायामं विना ध्यानं विना भूतविशोधनम् । विना जाप्यं विना दानं विना काली प्रसीदति ॥

prāṇāyāmaṃ vinā dhyānaṃ vinā bhūtaviśodhanam | vinā jāpyaṃ vinā dānaṃ vinā kālī prasīdati ||

श्रीशङ्कर उवाच । पृष्टं त्वयोत्तमं प्राज्ञ भृगुवंशविवर्धनम् । भक्तानामपि भक्तोऽसि त्वमेवं साधयिष्यसि ॥

śrīśaṅkara uvāca | pṛṣṭaṃ tvayottamaṃ prājña bhṛguvaṃśavivardhanam | bhaktānāmapi bhakto'si tvamevaṃ sādhayiṣyasi ||

देवीं दानवकोटिघ्नीं लीलया रुधिरप्रियाम् । सदा स्तोत्रप्रियामुग्रां कामकौतुकलालसाम् ॥

devīṃ dānavakoṭighnīṃ līlayā rudhirapriyām | sadā stotrapriyāmugrāṃ kāmakautukalālasām ||

सर्वदाऽऽनन्दहृदयां वासव्यासक्तमानसाम् । माध्वीकमत्स्यमांसादिरागिणीं रुधिरप्रियाम् ॥

sarvadā''nandahṛdayāṃ vāsavyāsaktamānasām | mādhvīkamatsyamāṃsādirāgiṇīṃ rudhirapriyām ||

श्मशानवासिनीं प्रेतगणनृत्यमहोत्सवाम् । योगप्रभां योगिनीशां योगीन्द्रहृदये स्थिताम् ॥

śmaśānavāsinīṃ pretagaṇanṛtyamahotsavām | yogaprabhāṃ yoginīśāṃ yogīndrahṛdaye sthitām ||

तामुग्रकालिकां राम प्रसादयितुमर्हसि । तस्याः स्तोत्रं महापुण्यं स्वयं काल्या प्रकाशितम् ॥

tāmugrakālikāṃ rāma prasādayitumarhasi | tasyāḥ stotraṃ mahāpuṇyaṃ svayaṃ kālyā prakāśitam ||

तव तत्कथयिष्यामि श्रुत्वा वत्सावधारय । गोपनीयं प्रयत्नेन पठनीयं परात्परम् ॥

tava tatkathayiṣyāmi śrutvā vatsāvadhāraya | gopanīyaṃ prayatnena paṭhanīyaṃ parātparam ||

यस्यैककालपठनात्सर्वे विघ्नाः समाकुलाः । नश्यन्ति दहने दीप्ते पतङ्गा इव सर्वतः ॥

yasyaikakālapaṭhanātsarve vighnāḥ samākulāḥ | naśyanti dahane dīpte pataṅgā iva sarvataḥ ||

गद्यपद्यमयी वाणी तस्य गङ्गाप्रवाहवत् । तस्य दर्शनमात्रेण वादिनो निष्प्रभा मताः ॥

gadyapadyamayī vāṇī tasya gaṅgāpravāhavat | tasya darśanamātreṇa vādino niṣprabhā matāḥ ||

राजानोऽपि च दासत्वं भजन्ति च परे जनाः । तस्य हस्ते सदैवास्ति सर्वसिद्धिर्न संशयः ॥

rājāno'pi ca dāsatvaṃ bhajanti ca pare janāḥ | tasya haste sadaivāsti sarvasiddhirna saṃśayaḥ ||

निशीथे मुक्तये शम्भुर्नग्नः शक्तिसमन्वितः । मनसा चिन्तयेत्कालीं महाकालीति लालिताम् ॥

niśīthe muktaye śambhurnagnaḥ śaktisamanvitaḥ | manasā cintayetkālīṃ mahākālīti lālitām ||

पठेत्सहस्रनामाख्यं स्तोत्रं मोक्षस्य साधनम् । प्रसन्ना कालिका तस्य पुत्रत्वेनानुकम्पते ॥

paṭhetsahasranāmākhyaṃ stotraṃ mokṣasya sādhanam | prasannā kālikā tasya putratvenānukampate ||

वेधा ब्रह्मास्मृतेर्ब्रह्म कुसुमैः पूजिता परा । प्रसीदति तथा काली यथानेन प्रसीदति ॥

vedhā brahmāsmṛterbrahma kusumaiḥ pūjitā parā | prasīdati tathā kālī yathānena prasīdati ||

ॐ अस्य श्रीकालिकासहस्रनामस्तोत्रमहामन्त्रस्य महाकालभैरव ऋषिः अनुष्टुप् छन्दः श्मशानकालिका देवता महाकालिकाप्रसादसिद्ध्यर्थे जपे विनियोगः ॥

oṃ asya śrīkālikāsahasranāmastotramahāmantrasya mahākālabhairava ṛṣiḥ anuṣṭup chandaḥ śmaśānakālikā devatā mahākālikāprasādasiddhyarthe jape viniyogaḥ ||

ध्यानम् । शवारूढां महाभीमां घोरदंष्ट्रां हसन्मुखीम् । चतुर्भुजां खड्गमुण्डवराभयकरां शिवाम् ॥

dhyānam | śavārūḍhāṃ mahābhīmāṃ ghoradaṃṣṭrāṃ hasanmukhīm | caturbhujāṃ khaḍgamuṇḍavarābhayakarāṃ śivām ||

मुण्डमालाधरां देवीं लोलज्जिह्वां दिगम्बराम् । एवं सञ्चिन्तयेत्कालीं श्मशानालयवासिनीम् ॥

muṇḍamālādharāṃ devīṃ lolajjihvāṃ digambarām | evaṃ sañcintayetkālīṃ śmaśānālayavāsinīm ||

अथ स्तोत्रम् । ॐ क्रीं महाकाल्यै नमः ॥

atha stotram | oṃ krīṃ mahākālyai namaḥ ||

ॐ श्मशानकालिका काली भद्रकाली कपालिनी । गुह्यकाली महाकाली कुरुकुल्ला विरोधिनी ॥

oṃ śmaśānakālikā kālī bhadrakālī kapālinī | guhyakālī mahākālī kurukullā virodhinī ||

कालिका कालरात्रिश्च महाकालनितम्बिनी । कालभैरवभार्या च कुलवर्त्मप्रकाशिनी ॥

kālikā kālarātriśca mahākālanitambinī | kālabhairavabhāryā ca kulavartmaprakāśinī ||

कामदा कामिनी काम्या कामनीयस्वभाविनी । कस्तूरीरसनीलाङ्गी कुञ्जरेश्वरगामिनी ॥

kāmadā kāminī kāmyā kāmanīyasvabhāvinī | kastūrīrasanīlāṅgī kuñjareśvaragāminī ||

ककारवर्णसर्वाङ्गी कामिनी कामसुन्दरी । कामार्ता कामरूपा च कामधेनुः कलावती ॥

kakāravarṇasarvāṅgī kāminī kāmasundarī | kāmārtā kāmarūpā ca kāmadhenuḥ kalāvatī ||

कान्ता कामस्वरूपा च कामाख्या कुलपालिनी । कुलीना कुलवत्यम्बा दुर्गा दुर्गार्तिनाशिनी ॥

kāntā kāmasvarūpā ca kāmākhyā kulapālinī | kulīnā kulavatyambā durgā durgārtināśinī ||

कौमारी कुलजा कृष्णा कृष्णदेहा कृशोदरी । कृशाङ्गी कुलिशाङ्गी च क्रीङ्कारी कमला कला ॥

kaumārī kulajā kṛṣṇā kṛṣṇadehā kṛśodarī | kṛśāṅgī kuliśāṅgī ca krīṅkārī kamalā kalā ||

करालास्या कराली च कुलकान्ताऽपराजिता । उग्रा चोग्रप्रभा दीप्ता विप्रचित्ता महाबला ॥

karālāsyā karālī ca kulakāntā'parājitā | ugrā cograprabhā dīptā vipracittā mahābalā ||

नीला घना बलाका च मात्रामुद्रापिताऽसिता । ब्राह्मी नारायणी भद्रा सुभद्रा भक्तवत्सला ॥

nīlā ghanā balākā ca mātrāmudrāpitā'sitā | brāhmī nārāyaṇī bhadrā subhadrā bhaktavatsalā ||

माहेश्वरी च चामुण्डा वाराही नारसिंहिका । वज्राङ्गी वज्रकङ्काली नृमुण्डस्रग्विणी शिवा ॥

māheśvarī ca cāmuṇḍā vārāhī nārasiṃhikā | vajrāṅgī vajrakaṅkālī nṛmuṇḍasragviṇī śivā ||

मालिनी नरमुण्डाली गलद्रक्तविभूषणा । रक्तचन्दनसिक्ताङ्गी सिन्दूरारुणमस्तका ॥

mālinī naramuṇḍālī galadraktavibhūṣaṇā | raktacandanasiktāṅgī sindūrāruṇamastakā ||

घोररूपा घोरदंष्ट्रा घोराघोरतरा शुभा । महादंष्ट्रा महामाया सुदती युगदन्तुरा ॥

ghorarūpā ghoradaṃṣṭrā ghorāghoratarā śubhā | mahādaṃṣṭrā mahāmāyā sudatī yugadanturā ||

सुलोचना विरूपाक्षी विशालाक्षी त्रिलोचना । शारदेन्दुप्रसन्नास्या स्फुरत्स्मेराम्बुजेक्षणा ॥

sulocanā virūpākṣī viśālākṣī trilocanā | śāradenduprasannāsyā sphuratsmerāmbujekṣaṇā ||

अट्टहासप्रसन्नास्या स्मेरवक्त्रा सुभाषिणी । प्रसन्नपद्मवदना स्मितास्या प्रियभाषिणि ॥

aṭṭahāsaprasannāsyā smeravaktrā subhāṣiṇī | prasannapadmavadanā smitāsyā priyabhāṣiṇi ||

कोटराक्षी कुलश्रेष्ठा महती बहुभाषिणी । सुमतिः कुमतिश्चण्डा चण्डमुण्डातिवेगिनी ॥

koṭarākṣī kulaśreṣṭhā mahatī bahubhāṣiṇī | sumatiḥ kumatiścaṇḍā caṇḍamuṇḍātiveginī ||

प्रचण्डा चण्डिका चण्डी चर्चिका चण्डवेगिनी । सुकेशी मुक्तकेशी च दीर्घकेशी महत्कचा ॥

pracaṇḍā caṇḍikā caṇḍī carcikā caṇḍaveginī | sukeśī muktakeśī ca dīrghakeśī mahatkacā ||

प्रेतदेहा कर्णपूरा प्रेतपाणिसुमेखला । प्रेतासना प्रियप्रेता प्रेतभूमिकृतालया ॥

pretadehā karṇapūrā pretapāṇisumekhalā | pretāsanā priyapretā pretabhūmikṛtālayā ||

श्मशानवासिनी पुण्या पुण्यदा कुलपण्डिता । पुण्यालया पुण्यदेहा पुण्यश्लोकी च पावनी ॥

śmaśānavāsinī puṇyā puṇyadā kulapaṇḍitā | puṇyālayā puṇyadehā puṇyaślokī ca pāvanī ||

पुत्रा पवित्रा परमा पुरापुण्यविभूषणा । पुण्यनाम्नी भीतिहरा वरदा खड्गपाणिनी ॥

putrā pavitrā paramā purāpuṇyavibhūṣaṇā | puṇyanāmnī bhītiharā varadā khaḍgapāṇinī ||

नृमुण्डहस्तशस्ता च छिन्नमस्ता सुनासिका । दक्षिणा श्यामला श्यामा शान्ता पीनोन्नतस्तनी ॥

nṛmuṇḍahastaśastā ca chinnamastā sunāsikā | dakṣiṇā śyāmalā śyāmā śāntā pīnonnatastanī ||

दिगम्बरा घोररावा सृक्कान्ता रक्तवाहिनी । घोररावा शिवा खड्गा विशङ्का मदनातुरा ॥

digambarā ghorarāvā sṛkkāntā raktavāhinī | ghorarāvā śivā khaḍgā viśaṅkā madanāturā ||

मत्ता प्रमत्ता प्रमदा सुधासिन्धुनिवासिनी । अतिमत्ता महामत्ता सर्वाकर्षणकारिणी ॥

mattā pramattā pramadā sudhāsindhunivāsinī | atimattā mahāmattā sarvākarṣaṇakāriṇī ||

गीतप्रिया वाद्यरता प्रेतनृत्यपरायणा । चतुर्भुजा दशभुजा अष्टादशभुजा तथा ॥

gītapriyā vādyaratā pretanṛtyaparāyaṇā | caturbhujā daśabhujā aṣṭādaśabhujā tathā ||

कात्यायनी जगन्माता जगती परमेश्वरी । जगद्बन्धुर्जगद्धात्री जगदानन्दकारिणी ॥

kātyāyanī jaganmātā jagatī parameśvarī | jagadbandhurjagaddhātrī jagadānandakāriṇī ||

जन्ममयी हैमवती महामाया महामहा । नागयज्ञोपवीताङ्गी नागिनी नागशायिनी ॥

janmamayī haimavatī mahāmāyā mahāmahā | nāgayajñopavītāṅgī nāginī nāgaśāyinī ||

नागकन्या देवकन्या गन्धर्वी किन्नरेश्वरी । मोहरात्री महारात्री दारुणा भासुराम्बरा ॥

nāgakanyā devakanyā gandharvī kinnareśvarī | moharātrī mahārātrī dāruṇā bhāsurāmbarā ||

विद्याधरी वसुमती यक्षिणी योगिनी जरा । राक्षसी डाकिनी वेदमयी वेदविभूषणा ॥

vidyādharī vasumatī yakṣiṇī yoginī jarā | rākṣasī ḍākinī vedamayī vedavibhūṣaṇā ||

श्रुतिः स्मृतिर्महाविद्या गुह्यविद्या पुरातनी । चिन्त्याऽचिन्त्या स्वधा स्वाहा निद्रा तन्द्रा च पार्वती ॥

śrutiḥ smṛtirmahāvidyā guhyavidyā purātanī | cintyā'cintyā svadhā svāhā nidrā tandrā ca pārvatī ||

अपर्णा निश्चला लोला सर्वविद्या तपस्विनी । गङ्गा काशी शची सीता सती सत्यपरायणा ॥

aparṇā niścalā lolā sarvavidyā tapasvinī | gaṅgā kāśī śacī sītā satī satyaparāyaṇā ||

नीतिस्सुनीतिस्सुरुचिस्तुष्टिः पुष्टिर्धृतिः क्षमा । वाणी बुद्धिर्महालक्ष्मीर्लक्ष्मीर्नीलसरस्वती ॥

nītissunītissurucistuṣṭiḥ puṣṭirdhṛtiḥ kṣamā | vāṇī buddhirmahālakṣmīrlakṣmīrnīlasarasvatī ||

स्रोतस्वती सरस्वती मातङ्गी विजया जया । नदी सिन्धुः सर्वमयी तारा शून्यनिवासिनी ॥

srotasvatī sarasvatī mātaṅgī vijayā jayā | nadī sindhuḥ sarvamayī tārā śūnyanivāsinī ||

शुद्धा तरङ्गिणी मेधा लाकिनी बहुरूपिणी । स्थूला सूक्ष्मा सूक्ष्मतरा भगवत्यनुरूपिणी ॥

śuddhā taraṅgiṇī medhā lākinī bahurūpiṇī | sthūlā sūkṣmā sūkṣmatarā bhagavatyanurūpiṇī ||

परमाणुस्वरूपा च चिदानन्दस्वरूपिणी । सदानन्दमयी सत्या सर्वानन्दस्वरूपिणी ॥

paramāṇusvarūpā ca cidānandasvarūpiṇī | sadānandamayī satyā sarvānandasvarūpiṇī ||

सुनन्दा नन्दिनी स्तुत्या स्तवनीयस्वभाविनी । रङ्गिणी टङ्किनी चित्रा विचित्रा चित्ररूपिणी ॥

sunandā nandinī stutyā stavanīyasvabhāvinī | raṅgiṇī ṭaṅkinī citrā vicitrā citrarūpiṇī ||

पद्मा पद्मालया पद्ममुखी पद्मविभूषणा । डाकिनी शाकिनी क्षान्ता राकिणी रुधिरप्रिया ॥

padmā padmālayā padmamukhī padmavibhūṣaṇā | ḍākinī śākinī kṣāntā rākiṇī rudhirapriyā ||

भ्रान्तिर्भवानी रुद्राणी मृडानी शत्रुमर्दिनी । उपेन्द्राणी महेन्द्राणी ज्योत्स्ना चन्द्रस्वरूपिणी ॥

bhrāntirbhavānī rudrāṇī mṛḍānī śatrumardinī | upendrāṇī mahendrāṇī jyotsnā candrasvarūpiṇī ||

सूर्यात्मिका रुद्रपत्नी रौद्री स्त्री प्रकृतिः पुमान् । शक्तिर्मुक्तिर्मतिर्माता भक्तिर्मुक्तिः पतिव्रता ॥

sūryātmikā rudrapatnī raudrī strī prakṛtiḥ pumān | śaktirmuktirmatirmātā bhaktirmuktiḥ pativratā ||

सर्वेश्वरी सर्वमाता शर्वाणी हरवल्लभा । सर्वज्ञा सिद्धिदा सिद्धा भव्या भाव्या भयापहा ॥

sarveśvarī sarvamātā śarvāṇī haravallabhā | sarvajñā siddhidā siddhā bhavyā bhāvyā bhayāpahā ||

कर्त्री हर्त्री पालयित्री शर्वरी तामसी दया । तमिस्रा तामसी स्थाणुः स्थिरा धीरा तपस्विनी ॥

kartrī hartrī pālayitrī śarvarī tāmasī dayā | tamisrā tāmasī sthāṇuḥ sthirā dhīrā tapasvinī ||

चार्वङ्गी चञ्चला लोलजिह्वा चारुचरित्रिणी । त्रपा त्रपावती लज्जा विलज्जा हरयौवती ॥

cārvaṅgī cañcalā lolajihvā cārucaritriṇī | trapā trapāvatī lajjā vilajjā harayauvatī ||

सत्यवती धर्मनिष्ठा श्रेष्ठा निष्ठुरवादिनी । गरिष्ठा दुष्टसंहर्त्री विशिष्टा श्रेयसी घृणा ॥

satyavatī dharmaniṣṭhā śreṣṭhā niṣṭhuravādinī | gariṣṭhā duṣṭasaṃhartrī viśiṣṭā śreyasī ghṛṇā ||

भीमा भयानका भीमनादिनी भीः प्रभावती । वागीश्वरी श्रीर्यमुना यज्ञकर्त्री यजुःप्रिया ॥

bhīmā bhayānakā bhīmanādinī bhīḥ prabhāvatī | vāgīśvarī śrīryamunā yajñakartrī yajuḥpriyā ||

ऋक्सामाथर्वनिलया रागिणी शोभना सुरा । कलकण्ठी कम्बुकण्ठी वेणुवीणापरायणा ॥

ṛksāmātharvanilayā rāgiṇī śobhanā surā | kalakaṇṭhī kambukaṇṭhī veṇuvīṇāparāyaṇā ||

वंशिनी वैष्णवी स्वच्छा धात्री त्रिजगदीश्वरी । मधुमती कुण्डलिनी ऋद्धिः शुद्धिः शुचिस्मिता ॥

vaṃśinī vaiṣṇavī svacchā dhātrī trijagadīśvarī | madhumatī kuṇḍalinī ṛddhiḥ śuddhiḥ śucismitā ||

रम्भोर्वशी रती रामा रोहिणी रेवती मखा । शङ्खिनी चक्रिणी कृष्णा गदिनी पद्मिनी तथा ॥

rambhorvaśī ratī rāmā rohiṇī revatī makhā | śaṅkhinī cakriṇī kṛṣṇā gadinī padminī tathā ||

शूलिनी परिघास्त्रा च पाशिनी शार्ङ्गपाणिनी । पिनाकधारिणी धूम्रा सुरभी वनमालिनी ॥

śūlinī parighāstrā ca pāśinī śārṅgapāṇinī | pinākadhāriṇī dhūmrā surabhī vanamālinī ||

रथिनी समरप्रीता वेगिनी रणपण्डिता । जटिनी वज्रिणी नीला लावण्याम्बुदचन्द्रिका ॥

rathinī samaraprītā veginī raṇapaṇḍitā | jaṭinī vajriṇī nīlā lāvaṇyāmbudacandrikā ||

बलिप्रिया सदापूज्या दैत्येन्द्रमथिनी तथा । महिषासुरसंहर्त्री कामिनी रक्तदन्तिका ॥

balipriyā sadāpūjyā daityendramathinī tathā | mahiṣāsurasaṃhartrī kāminī raktadantikā ||

रक्तपा रुधिराक्ताङ्गी रक्तखर्परधारिणी । रक्तप्रिया मांसरुचिर्वासवासक्तमानसा ॥

raktapā rudhirāktāṅgī raktakharparadhāriṇī | raktapriyā māṃsarucirvāsavāsaktamānasā ||

गलच्छोणितमुण्डाली कण्ठमालाविभूषणा । शवासना चितान्तस्था महेशी वृषवाहिनी ॥

galacchoṇitamuṇḍālī kaṇṭhamālāvibhūṣaṇā | śavāsanā citāntasthā maheśī vṛṣavāhinī ||

व्याघ्रत्वगम्बरा चीनचैलिनी सिंहवाहिनी । वामदेवी महादेवी गौरी सर्वज्ञभामिनी ॥

vyāghratvagambarā cīnacailinī siṃhavāhinī | vāmadevī mahādevī gaurī sarvajñabhāminī ||

बालिका तरुणी वृद्धा वृद्धमाता जरातुरा । सुभ्रूर्विलासिनी ब्रह्मवादिनी ब्राह्मणी सती ॥

bālikā taruṇī vṛddhā vṛddhamātā jarāturā | subhrūrvilāsinī brahmavādinī brāhmaṇī satī ||

सुप्तवती चित्रलेखा लोपामुद्रा सुरेश्वरी । अमोघाऽरुन्धती तीक्ष्णा भोगवत्यनुरागिणी ॥

suptavatī citralekhā lopāmudrā sureśvarī | amoghā'rundhatī tīkṣṇā bhogavatyanurāgiṇī ||

मन्दाकिनी मन्दहासा ज्वालामुख्यऽसुरान्तका । मानदा मानिनी मान्या माननीया मदातुरा ॥

mandākinī mandahāsā jvālāmukhya'surāntakā | mānadā māninī mānyā mānanīyā madāturā ||

मदिरामेदुरोन्मादा मेध्या साध्या प्रसादिनी । सुमध्याऽनन्तगुणिनी सर्वलोकोत्तमोत्तमा ॥

madirāmeduronmādā medhyā sādhyā prasādinī | sumadhyā'nantaguṇinī sarvalokottamottamā ||

जयदा जित्वरी जैत्री जयश्रीर्जयशालिनी । सुखदा शुभदा सत्या सभासङ्क्षोभकारिणी ॥

jayadā jitvarī jaitrī jayaśrīrjayaśālinī | sukhadā śubhadā satyā sabhāsaṅkṣobhakāriṇī ||

शिवदूती भूतिमती विभूतिर्भूषणानना । कौमारी कुलजा कुन्ती कुलस्त्री कुलपालिका ॥

śivadūtī bhūtimatī vibhūtirbhūṣaṇānanā | kaumārī kulajā kuntī kulastrī kulapālikā ||

कीर्तिर्यशस्विनी भूषा भूष्ठा भूतपतिप्रिया । सुगुणा निर्गुणाऽधिष्ठा निष्ठा काष्ठा प्रकाशिनी ॥

kīrtiryaśasvinī bhūṣā bhūṣṭhā bhūtapatipriyā | suguṇā nirguṇā'dhiṣṭhā niṣṭhā kāṣṭhā prakāśinī ||

धनिष्ठा धनदा धान्या वसुधा सुप्रकाशिनी । उर्वी गुर्वी गुरुश्रेष्ठा षड्गुणा त्रिगुणात्मिका ॥

dhaniṣṭhā dhanadā dhānyā vasudhā suprakāśinī | urvī gurvī guruśreṣṭhā ṣaḍguṇā triguṇātmikā ||

राज्ञामाज्ञा महाप्राज्ञा सुगुणा निर्गुणात्मिका । महाकुलीना निष्कामा सकामा कामजीवना ॥

rājñāmājñā mahāprājñā suguṇā nirguṇātmikā | mahākulīnā niṣkāmā sakāmā kāmajīvanā ||

कामदेवकला रामाऽभिरामा शिवनर्तकी । चिन्तामणिः कल्पलता जाग्रती दीनवत्सला ॥

kāmadevakalā rāmā'bhirāmā śivanartakī | cintāmaṇiḥ kalpalatā jāgratī dīnavatsalā ||

कार्तिकी कृत्तिका कृत्या अयोध्या विषमा समा । सुमन्त्रा मन्त्रिणी घूर्णा ह्लादिनी क्लेशनाशिनी ॥

kārtikī kṛttikā kṛtyā ayodhyā viṣamā samā | sumantrā mantriṇī ghūrṇā hlādinī kleśanāśinī ||

त्रैलोक्यजननी हृष्टा निर्मांसामलरूपिणी । तडागनिम्नजठरा शुष्कमांसास्थिमालिनी ॥

trailokyajananī hṛṣṭā nirmāṃsāmalarūpiṇī | taḍāganimnajaṭharā śuṣkamāṃsāsthimālinī ||

अवन्ती मधुरा हृद्या त्रैलोक्यापावनक्षमा । व्यक्ताऽव्यक्ताऽनेकमूर्ती शारभी भीमनादिनी ॥

avantī madhurā hṛdyā trailokyāpāvanakṣamā | vyaktā'vyaktā'nekamūrtī śārabhī bhīmanādinī ||

क्षेमङ्करी शाङ्करी च सर्वसम्मोहकारिणी । ऊर्द्ध्वतेजस्विनी क्लिन्ना महातेजस्विनी तथा ॥

kṣemaṅkarī śāṅkarī ca sarvasammohakāriṇī | ūrddhvatejasvinī klinnā mahātejasvinī tathā ||

अद्वैता योगिनी पूज्या सुरभी सर्वमङ्गला । सर्वप्रियङ्करी भोग्या धनिनी पिशिताशना ॥

advaitā yoginī pūjyā surabhī sarvamaṅgalā | sarvapriyaṅkarī bhogyā dhaninī piśitāśanā ||

भयङ्करी पापहरा निष्कलङ्का वशङ्करी । आशा तृष्णा चन्द्रकला निद्राणा वायुवेगिनी ॥

bhayaṅkarī pāpaharā niṣkalaṅkā vaśaṅkarī | āśā tṛṣṇā candrakalā nidrāṇā vāyuveginī ||

सहस्रसूर्यसङ्काशा चन्द्रकोटिसमप्रभा । निशुम्भशुम्भसंहर्त्री रक्तबीजविनाशिनी ॥

sahasrasūryasaṅkāśā candrakoṭisamaprabhā | niśumbhaśumbhasaṃhartrī raktabījavināśinī ||

मधुकैटभसंहर्त्री महिषासुरघातिनी । वह्निमण्डलमध्यस्था सर्वसत्त्वप्रतिष्ठिता ॥

madhukaiṭabhasaṃhartrī mahiṣāsuraghātinī | vahnimaṇḍalamadhyasthā sarvasattvapratiṣṭhitā ||

सर्वाचारवती सर्वदेवकन्याधिदेवता । दक्षकन्या दक्षयज्ञनाशिनी दुर्गतारिणी ॥

sarvācāravatī sarvadevakanyādhidevatā | dakṣakanyā dakṣayajñanāśinī durgatāriṇī ||

इज्या पूज्या विभा भूतिः सत्कीर्तिर्ब्रह्मचारिणी । रम्भोरूश्चतुरा राका जयन्ती वरुणा कुहूः ॥

ijyā pūjyā vibhā bhūtiḥ satkīrtirbrahmacāriṇī | rambhorūścaturā rākā jayantī varuṇā kuhūḥ ||

मनस्विनी देवमाता यशस्या ब्रह्मवादिनी । सिद्धिदा वृद्धिदा वृद्धिः सर्वाद्या सर्वदायिनी ॥

manasvinī devamātā yaśasyā brahmavādinī | siddhidā vṛddhidā vṛddhiḥ sarvādyā sarvadāyinī ||

आधाररूपिणी ध्येया मूलाधारनिवासिनी । आज्ञा प्रज्ञा पूर्णमना चन्द्रमुख्यनुकूलिनी ॥

ādhārarūpiṇī dhyeyā mūlādhāranivāsinī | ājñā prajñā pūrṇamanā candramukhyanukūlinī ||

वावदूका निम्ननाभिः सत्यसन्धा दृढव्रता । आन्वीक्षिकी दण्डनीतिस्त्रयी त्रिदिवसुन्दरी ॥

vāvadūkā nimnanābhiḥ satyasandhā dṛḍhavratā | ānvīkṣikī daṇḍanītistrayī tridivasundarī ||

ज्वालिनी ज्वलिनी शैलतनया विन्ध्यवासिनी । प्रत्यया खेचरी धैर्या तुरीया विमलाऽऽतुरा ॥

jvālinī jvalinī śailatanayā vindhyavāsinī | pratyayā khecarī dhairyā turīyā vimalā''turā ||

प्रगल्भा वारुणी क्षामा दर्शिनी विस्फुलिङ्गिनी । भक्तिः सिद्धिः सदाप्राप्तिः प्रकाम्या महिमाऽणिमा ॥

pragalbhā vāruṇī kṣāmā darśinī visphuliṅginī | bhaktiḥ siddhiḥ sadāprāptiḥ prakāmyā mahimā'ṇimā ||

ईक्षासिद्धिर्वशित्वा च ईशित्वोर्ध्वनिवासिनी । लघिमा चैव सावित्री गायत्री भुवनेश्वरी ॥

īkṣāsiddhirvaśitvā ca īśitvordhvanivāsinī | laghimā caiva sāvitrī gāyatrī bhuvaneśvarī ||

मनोहरा चिता दिव्या देव्युदारा मनोरमा । पिङ्गला कपिला जिह्वा रसज्ञा रसिका रसा ॥

manoharā citā divyā devyudārā manoramā | piṅgalā kapilā jihvā rasajñā rasikā rasā ||

सुषुम्नेडा योगवती गान्धारी नवकान्तका । पाञ्चाली रुक्मिणी राधा राध्या भामा च राधिका ॥

suṣumneḍā yogavatī gāndhārī navakāntakā | pāñcālī rukmiṇī rādhā rādhyā bhāmā ca rādhikā ||

अमृता तुलसी वृन्दा कैटभी कपटेश्वरी । उग्रचण्डेश्वरी वीरजननी वीरसुन्दरी ॥

amṛtā tulasī vṛndā kaiṭabhī kapaṭeśvarī | ugracaṇḍeśvarī vīrajananī vīrasundarī ||

उग्रतारा यशोदाख्या देवकी देवमानिता । निरञ्जना चित्रदेवी क्रोधिनी कुलदीपिका ॥

ugratārā yaśodākhyā devakī devamānitā | nirañjanā citradevī krodhinī kuladīpikā ||

कुलरागीश्वरी ज्वाला मात्रिका द्राविणी द्रवा । योगीश्वरी महामारी भ्रामरी बिन्दुरूपिणी ॥

kularāgīśvarī jvālā mātrikā drāviṇī dravā | yogīśvarī mahāmārī bhrāmarī bindurūpiṇī ||

दूती प्राणेश्वरी गुप्ता बहुला डामरी प्रभा । कुब्जिका ज्ञानिनी ज्येष्ठा भुशुण्डी प्रकटाकृतिः ॥

dūtī prāṇeśvarī guptā bahulā ḍāmarī prabhā | kubjikā jñāninī jyeṣṭhā bhuśuṇḍī prakaṭākṛtiḥ ||

द्राविणी गोपिनी माया कामबीजेश्वरी प्रिया । शाकम्भरी कोकनदा सुसत्या च तिलोत्तमा ॥

drāviṇī gopinī māyā kāmabījeśvarī priyā | śākambharī kokanadā susatyā ca tilottamā ||

अमेया विक्रमा क्रूरा सम्यक्छीला त्रिविक्रमा । स्वस्तिर्हव्यवहा प्रीतिरुक्मा धूम्रार्चिरङ्गदा ॥

ameyā vikramā krūrā samyakchīlā trivikramā | svastirhavyavahā prītirukmā dhūmrārciraṅgadā ||

तपिनी तापिनी विश्वभोगदा धारिणी धरा । त्रिखण्डा रोधिनी वश्या सकला शब्दरूपिणी ॥

tapinī tāpinī viśvabhogadā dhāriṇī dharā | trikhaṇḍā rodhinī vaśyā sakalā śabdarūpiṇī ||

बीजरूपा महामुद्रा वशिनी योगरूपिणी । अनङ्गकुसुमाऽनङ्गमेखलाऽनङ्गरूपिणी ॥

bījarūpā mahāmudrā vaśinī yogarūpiṇī | anaṅgakusumā'naṅgamekhalā'naṅgarūpiṇī ||

अनङ्गमदनाऽनङ्गरेखाऽनङ्गकुशेश्वरी । अनङ्गमालिनी कामेश्वरी सर्वार्थसाधिका ॥

anaṅgamadanā'naṅgarekhā'naṅgakuśeśvarī | anaṅgamālinī kāmeśvarī sarvārthasādhikā ||

सर्वतन्त्रमयी सर्वमोदिन्यानन्दरूपिणी । वज्रेश्वरी च जयिनी सर्वदुःखक्षयङ्करी ॥

sarvatantramayī sarvamodinyānandarūpiṇī | vajreśvarī ca jayinī sarvaduḥkhakṣayaṅkarī ||

षडङ्गयुवती योगेयुक्ता ज्वालांशुमालिनी । दुराशया दुराधारा दुर्जया दुर्गरूपिणी ॥

ṣaḍaṅgayuvatī yogeyuktā jvālāṃśumālinī | durāśayā durādhārā durjayā durgarūpiṇī ||

दुरन्ता दुष्कृतिहरा दुर्ध्येया दुरतिक्रमा । हंसेश्वरी त्रिलोकस्था शाकम्भर्यनुरागिणी ॥

durantā duṣkṛtiharā durdhyeyā duratikramā | haṃseśvarī trilokasthā śākambharyanurāgiṇī ||

त्रिकोणनिलया नित्या परमामृतरञ्जिता । महाविद्येश्वरी श्वेता भेरुण्डा कुलसुन्दरी ॥

trikoṇanilayā nityā paramāmṛtarañjitā | mahāvidyeśvarī śvetā bheruṇḍā kulasundarī ||

त्वरिता भक्तिसंयुक्ता भक्तिवश्या सनातनी । भक्तानन्दमयी भक्तभाविता भक्तशङ्करी ॥

tvaritā bhaktisaṃyuktā bhaktivaśyā sanātanī | bhaktānandamayī bhaktabhāvitā bhaktaśaṅkarī ||

सर्वसौन्दर्यनिलया सर्वसौभाग्यशालिनी । सर्वसम्भोगभवना सर्वसौख्यानुरूपिणी ॥

sarvasaundaryanilayā sarvasaubhāgyaśālinī | sarvasambhogabhavanā sarvasaukhyānurūpiṇī ||

कुमारीपूजनरता कुमारीव्रतचारिणी । कुमारीभक्तिसुखिनी कुमारीरूपधारिणी ॥

kumārīpūjanaratā kumārīvratacāriṇī | kumārībhaktisukhinī kumārīrūpadhāriṇī ||

कुमारीपूजकप्रीता कुमारीप्रीतिदप्रिया । कुमारीसेवकासङ्गा कुमारीसेवकालया ॥

kumārīpūjakaprītā kumārīprītidapriyā | kumārīsevakāsaṅgā kumārīsevakālayā ||

आनन्दभैरवी बालभैरवी बटुभैरवी । श्मशानभैरवी कालभैरवी पुरभैरवी ॥

ānandabhairavī bālabhairavī baṭubhairavī | śmaśānabhairavī kālabhairavī purabhairavī ||

महाभैरवपत्नी च परमानन्दभैरवी । सुरानन्दभैरवी च उन्मादानन्दभैरवी ॥

mahābhairavapatnī ca paramānandabhairavī | surānandabhairavī ca unmādānandabhairavī ||

यज्ञानन्दभैरवी च तथा तरुणभैरवी । ज्ञानानन्दभैरवी च अमृतानन्दभैरवी ॥

yajñānandabhairavī ca tathā taruṇabhairavī | jñānānandabhairavī ca amṛtānandabhairavī ||

महाभयङ्करी तीव्रा तीव्रवेगा तरस्विनी । त्रिपुरा परमेशानी सुन्दरी पुरसुन्दरी ॥

mahābhayaṅkarī tīvrā tīvravegā tarasvinī | tripurā parameśānī sundarī purasundarī ||

त्रिपुरेशी पञ्चदशी पञ्चमी पुरवासिनी । महासप्तदशी चैव षोडशी त्रिपुरेश्वरी ॥

tripureśī pañcadaśī pañcamī puravāsinī | mahāsaptadaśī caiva ṣoḍaśī tripureśvarī ||

महाङ्कुशस्वरूपा च महाचक्रेश्वरी तथा । नवचक्रेश्वरी चक्रेश्वरी त्रिपुरमालिनी ॥

mahāṅkuśasvarūpā ca mahācakreśvarī tathā | navacakreśvarī cakreśvarī tripuramālinī ||

राजचक्रेश्वरी राज्ञी महात्रिपुरसुन्दरी । सिन्दूरपूररुचिरा श्रीमत्त्रिपुरसुन्दरी ॥

rājacakreśvarī rājñī mahātripurasundarī | sindūrapūrarucirā śrīmattripurasundarī ||

सर्वाङ्गसुन्दरी रक्तारक्तवस्त्रोत्तरीयका । यवायावकसिन्दूररक्तचन्दनधारिणी ॥

sarvāṅgasundarī raktāraktavastrottarīyakā | yavāyāvakasindūraraktacandanadhāriṇī ||

यवायावकसिन्दूररक्तचन्दनरूपधृक् । चमरी बालकुटिला निर्मला श्यामकेशिनी ॥

yavāyāvakasindūraraktacandanarūpadhṛk | camarī bālakuṭilā nirmalā śyāmakeśinī ||

वज्रमौक्तिकरत्नाढ्या किरीटकुण्डलोज्ज्वला । रत्नकुण्डलसंयुक्ता स्फुरद्गण्डमनोरमा ॥

vajramauktikaratnāḍhyā kirīṭakuṇḍalojjvalā | ratnakuṇḍalasaṃyuktā sphuradgaṇḍamanoramā ||

कुञ्जरेश्वरकुम्भोत्थमुक्तारञ्जितनासिका । मुक्ताविद्रुममाणिक्यहाराद्यस्तनमण्डला ॥

kuñjareśvarakumbhotthamuktārañjitanāsikā | muktāvidrumamāṇikyahārādyastanamaṇḍalā ||

सूर्यकान्तेन्दुकान्ताढ्या स्पर्शाश्मगलभूषणा । बीजपूरस्फुरद्बीजदन्तपङ्क्तिरनुत्तमा ॥

sūryakāntendukāntāḍhyā sparśāśmagalabhūṣaṇā | bījapūrasphuradbījadantapaṅktiranuttamā ||

कामकोदण्डकाभुग्नभ्रूकटाक्षप्रवर्षिणी । मातङ्गकुम्भवक्षोजा लसत्कनकदक्षिणा ॥

kāmakodaṇḍakābhugnabhrūkaṭākṣapravarṣiṇī | mātaṅgakumbhavakṣojā lasatkanakadakṣiṇā ||

मनोज्ञशष्कुलीकर्णा हंसीगतिविडम्बिनी । पद्मरागाङ्गदद्योतद्दोश्चतुष्कप्रकाशिनी ॥

manojñaśaṣkulīkarṇā haṃsīgativiḍambinī | padmarāgāṅgadadyotaddoścatuṣkaprakāśinī ||

कर्पूरागरुकस्तूरीकुङ्कुमद्रवलेपिता । विचित्ररत्नपृथिवीकल्पशाखितलस्थिता ॥

karpūrāgarukastūrīkuṅkumadravalepitā | vicitraratnapṛthivīkalpaśākhitalasthitā ||

रत्नदीपस्फुरद्रत्नसिंहासननिवासिनी । षट्चक्रभेदनकरी परमानन्दरूपिणी ॥

ratnadīpasphuradratnasiṃhāsananivāsinī | ṣaṭcakrabhedanakarī paramānandarūpiṇī ||

सहस्रदलपद्मान्ता चन्द्रमण्डलवर्तिनी । ब्रह्मरूपा शिवक्रोडा नानासुखविलासिनी ॥

sahasradalapadmāntā candramaṇḍalavartinī | brahmarūpā śivakroḍā nānāsukhavilāsinī ||

हरविष्णुविरिञ्चेन्द्रग्रहनायकसेविता । शिवा शैवा च रुद्राणी तथैव शिवनादिनी ॥

haraviṣṇuviriñcendragrahanāyakasevitā | śivā śaivā ca rudrāṇī tathaiva śivanādinī ||

महादेवप्रिया देवी तथैवानङ्गमेखला । डाकिनी योगिनी चैव तथोपयोगिनी मता ॥

mahādevapriyā devī tathaivānaṅgamekhalā | ḍākinī yoginī caiva tathopayoginī matā ||

माहेश्वरी वैष्णवी च भ्रामरी शिवरूपिणी । अलम्बुसा भोगवती क्रोधरूपा सुमेखला ॥

māheśvarī vaiṣṇavī ca bhrāmarī śivarūpiṇī | alambusā bhogavatī krodharūpā sumekhalā ||

गान्धारी हस्तिजिह्वा च इडा चैव शुभङ्करी । पिङ्गला दक्षसूत्री च सुषुम्ना चैव गान्धिनी ॥

gāndhārī hastijihvā ca iḍā caiva śubhaṅkarī | piṅgalā dakṣasūtrī ca suṣumnā caiva gāndhinī ||

भगात्मिका भगाधारा भगेशी भगरूपिणी । लिङ्गाख्या चैव कामेशी त्रिपुरा भैरवी तथा ॥

bhagātmikā bhagādhārā bhageśī bhagarūpiṇī | liṅgākhyā caiva kāmeśī tripurā bhairavī tathā ||

लिङ्गगीतिस्सुगीतिश्च लिङ्गस्था लिङ्गरूपधृक् । लिङ्गमाला लिङ्गभवा लिङ्गालिङ्गा च पावकी ॥

liṅgagītissugītiśca liṅgasthā liṅgarūpadhṛk | liṅgamālā liṅgabhavā liṅgāliṅgā ca pāvakī ||

भगवती कौशिकी च प्रेमरूपा प्रियंवदा । गृध्ररूपी शिवारूपा चक्रेशी चक्ररूपधृक् ॥

bhagavatī kauśikī ca premarūpā priyaṃvadā | gṛdhrarūpī śivārūpā cakreśī cakrarūpadhṛk ||

आत्मयोनिर्ब्रह्मयोनिर्जगद्योनिरयोनिजा । भगरूपा भगस्थात्री भगिनी भगमालिनी ॥

ātmayonirbrahmayonirjagadyonirayonijā | bhagarūpā bhagasthātrī bhaginī bhagamālinī ||

भगात्मिका भगाधारा रूपिणी भगशालिनी । लिङ्गाभिधायिनी लिङ्गप्रिया लिङ्गनिवासिनी ॥

bhagātmikā bhagādhārā rūpiṇī bhagaśālinī | liṅgābhidhāyinī liṅgapriyā liṅganivāsinī ||

लिङ्गस्था लिङ्गिनी लिङ्गरूपिणी लिङ्गसुन्दरी । लिङ्गगीतिर्महाप्रीतिर्भगगीतिर्महासुखा ॥

liṅgasthā liṅginī liṅgarūpiṇī liṅgasundarī | liṅgagītirmahāprītirbhagagītirmahāsukhā ||

लिङ्गनामसदानन्दा भगनामसदारतिः । भगनामसदानन्दा लिङ्गनामसदारतिः ॥

liṅganāmasadānandā bhaganāmasadāratiḥ | bhaganāmasadānandā liṅganāmasadāratiḥ ||

लिङ्गमालकराभूषा भगमालाविभूषणा । भगलिङ्गामृतवृता भगलिङ्गामृतात्मिका ॥

liṅgamālakarābhūṣā bhagamālāvibhūṣaṇā | bhagaliṅgāmṛtavṛtā bhagaliṅgāmṛtātmikā ||

भगलिङ्गार्चनप्रीता भगलिङ्गस्वरूपिणी । भगलिङ्गस्वरूपा च भगलिङ्गसुखावहा ॥

bhagaliṅgārcanaprītā bhagaliṅgasvarūpiṇī | bhagaliṅgasvarūpā ca bhagaliṅgasukhāvahā ||

स्वयम्भूकुसुमप्रीता स्वयम्भूकुसुमार्चिता । स्वयम्भूकुसुमप्राणा स्वयम्भूकुसुमोत्थिता ॥

svayambhūkusumaprītā svayambhūkusumārcitā | svayambhūkusumaprāṇā svayambhūkusumotthitā ||

स्वयम्भूकुसुमस्नाता स्वयम्भूपुष्पतर्पिता । स्वयम्भूपुष्पघटिता स्वयम्भूपुष्पधारिणी ॥

svayambhūkusumasnātā svayambhūpuṣpatarpitā | svayambhūpuṣpaghaṭitā svayambhūpuṣpadhāriṇī ||

स्वयम्भूपुष्पतिलका स्वयम्भूपुष्पचर्चिता । स्वयम्भूपुष्पनिरता स्वयम्भूकुसुमाग्रहा ॥

svayambhūpuṣpatilakā svayambhūpuṣpacarcitā | svayambhūpuṣpaniratā svayambhūkusumāgrahā ||

स्वयम्भूपुष्पयज्ञेशा स्वयम्भूकुसुमालिका । स्वयम्भूपुष्पनिचिता स्वयम्भूकुसुमार्चिता ॥

svayambhūpuṣpayajñeśā svayambhūkusumālikā | svayambhūpuṣpanicitā svayambhūkusumārcitā ||

स्वयम्भूकुसुमादानलालसोन्मत्तमानसा । स्वयम्भूकुसुमानन्दलहरी स्निग्धदेहिनी ॥

svayambhūkusumādānalālasonmattamānasā | svayambhūkusumānandalaharī snigdhadehinī ||

स्वयम्भूकुसुमाधारा स्वयम्भूकुसुमाकुला । स्वयम्भूपुष्पनिलया स्वयम्भूपुष्पवासिनी ॥

svayambhūkusumādhārā svayambhūkusumākulā | svayambhūpuṣpanilayā svayambhūpuṣpavāsinī ||

स्वयम्भूकुसुमास्निग्धा स्वयम्भूकुसुमात्मिका । स्वयम्भूपुष्पकरिणी स्वयम्भूपुष्पमालिका ॥

svayambhūkusumāsnigdhā svayambhūkusumātmikā | svayambhūpuṣpakariṇī svayambhūpuṣpamālikā ||

स्वयम्भूकुसुमन्यासा स्वयम्भूकुसुमप्रभा । स्वयम्भूकुसुमज्ञाना स्वयम्भूपुष्पभोगिनी ॥

svayambhūkusumanyāsā svayambhūkusumaprabhā | svayambhūkusumajñānā svayambhūpuṣpabhoginī ||

स्वयम्भूकुसुमोल्लासा स्वयम्भूपुष्पवर्षिणी । स्वयम्भूकुसुमानन्दा स्वयम्भूपुष्पपुष्पिणी ॥

svayambhūkusumollāsā svayambhūpuṣpavarṣiṇī | svayambhūkusumānandā svayambhūpuṣpapuṣpiṇī ||

स्वयम्भूकुसुमोत्साहा स्वयम्भूपुष्परूपिणी । स्वयम्भूकुसुमोन्मादा स्वयम्भूपुष्पसुन्दरी ॥

svayambhūkusumotsāhā svayambhūpuṣparūpiṇī | svayambhūkusumonmādā svayambhūpuṣpasundarī ||

स्वयम्भूकुसुमाराध्या स्वयम्भूकुसुमोद्भवा । स्वयम्भूकुसुमाव्यग्रा स्वयम्भूपुष्पपूर्णिता ॥

svayambhūkusumārādhyā svayambhūkusumodbhavā | svayambhūkusumāvyagrā svayambhūpuṣpapūrṇitā ||

स्वयम्भूपूजकप्राज्ञा स्वयम्भूहोतृमात्रिका । स्वयम्भूदातृरक्षित्री स्वयम्भूभक्तभाविका ॥

svayambhūpūjakaprājñā svayambhūhotṛmātrikā | svayambhūdātṛrakṣitrī svayambhūbhaktabhāvikā ||

स्वयम्भूकुसुमप्रीता स्वयम्भूपूजकप्रिया । स्वयम्भूवन्दकाधारा स्वयम्भूनिन्दकान्तका ॥

svayambhūkusumaprītā svayambhūpūjakapriyā | svayambhūvandakādhārā svayambhūnindakāntakā ||

स्वयम्भूप्रदसर्वस्वा स्वयम्भूप्रदपुत्रिणी । स्वयम्भूप्रदसस्मेरा स्वयम्भूतशरीरिणी ॥

svayambhūpradasarvasvā svayambhūpradaputriṇī | svayambhūpradasasmerā svayambhūtaśarīriṇī ||

सर्वलोकोद्भवप्रीता सर्वकालोद्भवात्मिका । सर्वकालोद्भवोद्भावा सर्वकालोद्भवोद्भवा ॥

sarvalokodbhavaprītā sarvakālodbhavātmikā | sarvakālodbhavodbhāvā sarvakālodbhavodbhavā ||

कुन्दपुष्पसमाप्रीतिः कुन्दपुष्पसमारतिः । कुन्दगोलोद्भवप्रीता कुन्दगोलोद्भवात्मिका ॥

kundapuṣpasamāprītiḥ kundapuṣpasamāratiḥ | kundagolodbhavaprītā kundagolodbhavātmikā ||

स्वयम्भूर्वा शिवा शक्ता पाविनी लोकपाविनी । कीर्तिर्यशस्विनी मेधा विमेधा सुरसुन्दरी ॥

svayambhūrvā śivā śaktā pāvinī lokapāvinī | kīrtiryaśasvinī medhā vimedhā surasundarī ||

अश्विनी कृत्तिका पुष्या तेजस्वी चन्द्रमण्डला । सूक्ष्मा सूक्ष्मप्रदा सूक्ष्मासूक्ष्मभयविनाशिनी ॥

aśvinī kṛttikā puṣyā tejasvī candramaṇḍalā | sūkṣmā sūkṣmapradā sūkṣmāsūkṣmabhayavināśinī ||

वरदाऽभयदा चैव मुक्तिबन्धविनाशिनी । कामुकी कामदा क्षान्ता कामाख्या कुलसुन्दरी ॥

varadā'bhayadā caiva muktibandhavināśinī | kāmukī kāmadā kṣāntā kāmākhyā kulasundarī ||

सुखदा दुःखदा मोक्षा मोक्षदार्थप्रकाशिनी । दुष्टादुष्टमती चैव सर्वकार्यविनाशिनी ॥

sukhadā duḥkhadā mokṣā mokṣadārthaprakāśinī | duṣṭāduṣṭamatī caiva sarvakāryavināśinī ||

शुक्रधारा शुक्ररूपा शुक्रसिन्धुनिवासिनी । शुक्रालया शुक्रभोगा शुक्रपूजा सदारतिः ॥

śukradhārā śukrarūpā śukrasindhunivāsinī | śukrālayā śukrabhogā śukrapūjā sadāratiḥ ||

शुक्रपूज्या शुक्रहोमसन्तुष्टा शुक्रवत्सला । शुक्रमूर्तिः शुक्रदेहा शुक्रपूजकपुत्रिणी ॥

śukrapūjyā śukrahomasantuṣṭā śukravatsalā | śukramūrtiḥ śukradehā śukrapūjakaputriṇī ||

शुक्रस्था शुक्रिणी शुक्रसंस्पृहा शुक्रसुन्दरी । शुक्रस्नाता शुक्रकरी शुक्रसेव्यातिशुक्रिणी ॥

śukrasthā śukriṇī śukrasaṃspṛhā śukrasundarī | śukrasnātā śukrakarī śukrasevyātiśukriṇī ||

महाशुक्रा शुक्रभवा शुक्रवृष्टिविधायिनी । शुक्राभिधेया शुक्रार्हा शुक्रवन्दकवन्दिता ॥

mahāśukrā śukrabhavā śukravṛṣṭividhāyinī | śukrābhidheyā śukrārhā śukravandakavanditā ||

शुक्रानन्दकरी शुक्रसदानन्दविधायिनी । शुक्रोत्साहा सदाशुक्रपूर्णा शुक्रमनोरमा ॥

śukrānandakarī śukrasadānandavidhāyinī | śukrotsāhā sadāśukrapūrṇā śukramanoramā ||

शुक्रपूजकसर्वस्था शुक्रनिन्दकनाशिनी । शुक्रात्मिका शुक्रसम्पच्छुक्राकर्षणकारिणी ॥

śukrapūjakasarvasthā śukranindakanāśinī | śukrātmikā śukrasampacchukrākarṣaṇakāriṇī ||

रक्ताशया रक्तभोगा रक्तपूजासदारतिः । रक्तपूज्या रक्तहोमा रक्तस्था रक्तवत्सला ॥

raktāśayā raktabhogā raktapūjāsadāratiḥ | raktapūjyā raktahomā raktasthā raktavatsalā ||

रक्तपूर्णा रक्तदेहा रक्तपूजकपुत्रिणी । रक्ताख्या रक्तिनी रक्तसंस्पृहा रक्तसुन्दरी ॥

raktapūrṇā raktadehā raktapūjakaputriṇī | raktākhyā raktinī raktasaṃspṛhā raktasundarī ||

रक्ताभिदेहा रक्तार्हा रक्तवन्दकवन्दिता । महारक्ता रक्तभवा रक्तवृष्टिविधायिनी ॥

raktābhidehā raktārhā raktavandakavanditā | mahāraktā raktabhavā raktavṛṣṭividhāyinī ||

रक्तस्नाता रक्तप्रीता रक्तसेव्यातिरक्तिनी । रक्तानन्दकरी रक्तसदानन्दविधायिनी ॥

raktasnātā raktaprītā raktasevyātiraktinī | raktānandakarī raktasadānandavidhāyinī ||

रक्तारक्ता रक्तपूर्णा रक्तसेव्यक्षिणीरमा । रक्तसेवकसर्वस्वा रक्तनिन्दकनाशिनी ॥

raktāraktā raktapūrṇā raktasevyakṣiṇīramā | raktasevakasarvasvā raktanindakanāśinī ||

रक्तात्मिका रक्तरूपा रक्ताकर्षणकारिणी । रक्तोत्साहा रक्तव्यग्रा रक्तपानपरायणा ॥

raktātmikā raktarūpā raktākarṣaṇakāriṇī | raktotsāhā raktavyagrā raktapānaparāyaṇā ||

शोणितानन्दजननी कल्लोलस्निग्धरूपिणी । साधकान्तर्गता देवी पार्वती पापनाशिनी ॥

śoṇitānandajananī kallolasnigdharūpiṇī | sādhakāntargatā devī pārvatī pāpanāśinī ||

साधूनां हृदिसंस्थात्री साधकानन्दकारिणी । साधकानां च जननी साधकप्रियकारिणी ॥

sādhūnāṃ hṛdisaṃsthātrī sādhakānandakāriṇī | sādhakānāṃ ca jananī sādhakapriyakāriṇī ||

साधकप्रचुरानन्दसम्पत्तिसुखदायिनी । साधका साधकप्राणा साधकासक्तमानसा ॥

sādhakapracurānandasampattisukhadāyinī | sādhakā sādhakaprāṇā sādhakāsaktamānasā ||

साधकोत्तमसर्वस्वासाधका भक्तरक्तपा । साधकानन्दसन्तोषा साधकारिविनाशिनी ॥

sādhakottamasarvasvāsādhakā bhaktaraktapā | sādhakānandasantoṣā sādhakārivināśinī ||

आत्मविद्या ब्रह्मविद्या परब्रह्मकुटुम्बिनी । त्रिकूटस्था पञ्चकूटा सर्वकूटशरीरिणी ॥

ātmavidyā brahmavidyā parabrahmakuṭumbinī | trikūṭasthā pañcakūṭā sarvakūṭaśarīriṇī ||

सर्ववर्णमयी वर्णजपमालाविधायिनी । इति श्रीकालिकानाम्नां सहस्रं शिवभाषितम् ॥

sarvavarṇamayī varṇajapamālāvidhāyinī | iti śrīkālikānāmnāṃ sahasraṃ śivabhāṣitam ||

फलश्रुतिः । गुह्यात् गुह्यतरं साक्षान्महापातकनाशनम् । पूजाकाले निशीथे च सन्ध्ययोरुभयोरपि ॥

phalaśrutiḥ | guhyāt guhyataraṃ sākṣānmahāpātakanāśanam | pūjākāle niśīthe ca sandhyayorubhayorapi ||

लभते गाणपत्यं स यः पठेत्साधकोत्तमः । यः पठेत्पाठयेद्वापि श‍ृणोति श्रावयेदपि ॥

labhate gāṇapatyaṃ sa yaḥ paṭhetsādhakottamaḥ | yaḥ paṭhetpāṭhayedvāpi śa‍ṛṇoti śrāvayedapi ||

सर्वपापविनिर्मुक्तः स याति कालिकापदम् । श्रद्धयाऽश्रद्धया वापि यः कश्चिन्मानवः पठेत् ॥

sarvapāpavinirmuktaḥ sa yāti kālikāpadam | śraddhayā'śraddhayā vāpi yaḥ kaścinmānavaḥ paṭhet ||

दुर्गाद्दुर्गतरं तीर्त्वा स याति कालिकापदम् । वन्ध्या वा काकवन्ध्या वा मृतपुत्रा च याङ्गना ॥

durgāddurgataraṃ tīrtvā sa yāti kālikāpadam | vandhyā vā kākavandhyā vā mṛtaputrā ca yāṅganā ||

श्रुत्वा स्तोत्रमिदं पुत्रान् लभते चिरजीविनः । यं यं कामयते कामं पठन् स्तोत्रमनुत्तमम् ॥

śrutvā stotramidaṃ putrān labhate cirajīvinaḥ | yaṃ yaṃ kāmayate kāmaṃ paṭhan stotramanuttamam ||

देवीवरप्रदानेन तं तं प्राप्नोति नित्यशः । स्वयम्भूकुसुमैः शुक्लैः सुगन्धिकुसुमान्वितैः ॥

devīvarapradānena taṃ taṃ prāpnoti nityaśaḥ | svayambhūkusumaiḥ śuklaiḥ sugandhikusumānvitaiḥ ||

गुरुविष्णुमहेशानामभेदेन महेश्वरी । समन्ताद्भावयेन्मन्त्री महेशो नात्र संशयः ॥

guruviṣṇumaheśānāmabhedena maheśvarī | samantādbhāvayenmantrī maheśo nātra saṃśayaḥ ||

स शाक्तः शिवभक्तश्च स एव वैष्णवोत्तमः । सम्पूज्य स्तौति यः कालीमद्वैतभावमावहन् ॥

sa śāktaḥ śivabhaktaśca sa eva vaiṣṇavottamaḥ | sampūjya stauti yaḥ kālīmadvaitabhāvamāvahan ||

देव्यानन्देन सानन्दो देवीभक्त्यैकभक्तिमान् । स एव धन्यो यस्यार्थे महेशो व्यग्रमानसः ॥

devyānandena sānando devībhaktyaikabhaktimān | sa eva dhanyo yasyārthe maheśo vyagramānasaḥ ||

कामयित्वा यथाकामं स्तवमेनमुदीरयेत् । सर्वरोगैः परित्यक्तो जायते मदनोपमः ॥

kāmayitvā yathākāmaṃ stavamenamudīrayet | sarvarogaiḥ parityakto jāyate madanopamaḥ ||

चक्रं वा स्तवमेनं वा धारयेदङ्गसङ्गतम् । विलिख्य विधिवत्साधुः स एव कालिकातनुः ॥

cakraṃ vā stavamenaṃ vā dhārayedaṅgasaṅgatam | vilikhya vidhivatsādhuḥ sa eva kālikātanuḥ ||

देव्यै निवेदितं यद्यत्तस्यांशं भक्षयेन्नरः । दिव्यदेहधरो भूत्वा देव्याः पार्श्वधरो भवेत् ॥

devyai niveditaṃ yadyattasyāṃśaṃ bhakṣayennaraḥ | divyadehadharo bhūtvā devyāḥ pārśvadharo bhavet ||

नैवेद्यनिन्दकं दृष्ट्वा नृत्यन्ति योगिनीगणाः । रक्तपानोद्यतास्सर्वा मांसास्थिचर्वणोद्यताः ॥

naivedyanindakaṃ dṛṣṭvā nṛtyanti yoginīgaṇāḥ | raktapānodyatāssarvā māṃsāsthicarvaṇodyatāḥ ||

तस्मान्निवेदितं देव्यै दृष्ट्वा श्रुत्वा च मानवः । न निन्देन्मनसा वाचा कुष्ठव्याधिपराङ्मुखः ॥

tasmānniveditaṃ devyai dṛṣṭvā śrutvā ca mānavaḥ | na nindenmanasā vācā kuṣṭhavyādhiparāṅmukhaḥ ||

आत्मानं कालिकात्मानं भावयन् स्तौति यः शिवाम् । शिवोपमं गुरुं ध्यात्वा स एव श्रीसदाशिवः ॥

ātmānaṃ kālikātmānaṃ bhāvayan stauti yaḥ śivām | śivopamaṃ guruṃ dhyātvā sa eva śrīsadāśivaḥ ||

यस्यालये तिष्ठति नूनमेतत्स्तोत्रं भवान्या लिखितं विधिज्ञैः । गोरोचनालक्तककुङ्कुमाक्तकर्पूरसिन्दूरमधुद्रवेण ॥

yasyālaye tiṣṭhati nūnametatstotraṃ bhavānyā likhitaṃ vidhijñaiḥ | gorocanālaktakakuṅkumāktakarpūrasindūramadhudraveṇa ||

न तत्र चोरस्य भयं न हास्यो न वैरिभिर्नाऽशनिवह्निभीतिः । उत्पातवायोरपि नाऽत्रशङ्का लक्ष्मीः स्वयं तत्र वसेदलोला ॥

na tatra corasya bhayaṃ na hāsyo na vairibhirnā'śanivahnibhītiḥ | utpātavāyorapi nā'traśaṅkā lakṣmīḥ svayaṃ tatra vasedalolā ||

स्तोत्रं पठेत्तदनन्तपुण्यं देवीपदाम्भोजपरो मनुष्यः । विधानपूजाफलमेव सम्यक् प्राप्नोति सम्पूर्णमनोरथोऽसौ ॥

stotraṃ paṭhettadanantapuṇyaṃ devīpadāmbhojaparo manuṣyaḥ | vidhānapūjāphalameva samyak prāpnoti sampūrṇamanoratho'sau ||

मुक्ताः श्रीचरणारविन्दनिरताः स्वर्गामिनो भोगिनो ब्रह्मोपेन्द्रशिवात्मकार्चनरता लोकेऽपि संलेभिरे । श्रीमच्छङ्करभक्तिपूर्वकमहादेवीपदध्यायिनो मुक्तिर्भुक्तिमतिः स्वयं स्तुतिपराभक्तिः करस्थायिनी ॥

muktāḥ śrīcaraṇāravindaniratāḥ svargāmino bhogino brahmopendraśivātmakārcanaratā loke'pi saṃlebhire | śrīmacchaṅkarabhaktipūrvakamahādevīpadadhyāyino muktirbhuktimatiḥ svayaṃ stutiparābhaktiḥ karasthāyinī ||

इति श्रीकालिकाकुलसर्वस्वे हरपरशुरामसंवादे श्रीकालिकासहस्रनामस्तोत्रं सम्पूर्णम् ॥

iti śrīkālikākulasarvasve haraparaśurāmasaṃvāde śrīkālikāsahasranāmastotraṃ sampūrṇam ||