श्रीराधासहस्रनामस्तोत्रम्

राधासहस्रनामस्तोत्रम् १ अकारादि क्षकारान्तानि वन्दे वृन्दावनानन्दा राधिका परमेश्वरी । गोपिकां परमां श्रेष्ठां ह्लादिनीं शक्तिरूपिणीम् ॥

rādhāsahasranāmastotram 1 akārādi kṣakārāntāni vande vṛndāvanānandā rādhikā parameśvarī | gopikāṃ paramāṃ śreṣṭhāṃ hlādinīṃ śaktirūpiṇīm ||

श्रीराधां परमाराज्यां कृष्णसेवापरायणाम् । श्रीकृष्णाङ्ग सदाध्यात्री नवधाभक्तिकारिणी ॥

śrīrādhāṃ paramārājyāṃ kṛṣṇasevāparāyaṇām | śrīkṛṣṇāṅga sadādhyātrī navadhābhaktikāriṇī ||

येषां गुणमयी-राधा वृषभानुकुमारिका । दामोदरप्रिया-राधा मनोभीष्टप्रदायिनी ॥

yeṣāṃ guṇamayī-rādhā vṛṣabhānukumārikā | dāmodarapriyā-rādhā manobhīṣṭapradāyinī ||

तस्या नामसहस्रं त्वं श्रुणु भागवतोत्तमा ॥

tasyā nāmasahasraṃ tvaṃ śruṇu bhāgavatottamā ||

मानसतन्त्रे अनुष्टुप्छन्दसे अकारादि क्षकारान्तानि श्रीराधिकासहस्रनामानि ॥

mānasatantre anuṣṭupchandase akārādi kṣakārāntāni śrīrādhikāsahasranāmāni ||

अथ स्तोत्रम् । ॐ अनन्तरूपिणी-राधा अपारगुणसागरा । अध्यक्षरा आदिरूपा अनादिराशेश्वरी ॥

atha stotram | oṃ anantarūpiṇī-rādhā apāraguṇasāgarā | adhyakṣarā ādirūpā anādirāśeśvarī ||

अणिमादि सिद्धिदात्री अधिदेवी अधीश्वरी । अष्टसिद्धिप्रदादेवी अभया अखिलेश्वरी ॥

aṇimādi siddhidātrī adhidevī adhīśvarī | aṣṭasiddhipradādevī abhayā akhileśvarī ||

अनङ्गमञ्जरीभग्ना अनङ्गदर्पनाशिनी । अनुकम्पाप्रदा-राधा अपराधप्रणाशिनी ॥

anaṅgamañjarībhagnā anaṅgadarpanāśinī | anukampāpradā-rādhā aparādhapraṇāśinī ||

अन्तर्वेत्री अधिष्ठात्री अन्तर्यामी सनातनी । अमला अबला बाला अतुला च अनूपमा ॥

antarvetrī adhiṣṭhātrī antaryāmī sanātanī | amalā abalā bālā atulā ca anūpamā ||

अशेषगुणसम्पन्ना अन्तःकरणवासिनी । अच्युता रमणी आद्या अङ्गरागविधायिनी ॥

aśeṣaguṇasampannā antaḥkaraṇavāsinī | acyutā ramaṇī ādyā aṅgarāgavidhāyinī ||

अरविन्दपदद्वन्द्वा अध्यक्षा परमेश्वरी । अवनीधारिणीदेवी अचिन्त्याद्भुतरूपिणी ॥

aravindapadadvandvā adhyakṣā parameśvarī | avanīdhāriṇīdevī acintyādbhutarūpiṇī ||

अशेषगुणसाराच अशोकाशोकनाशिनी । अभीष्टदा अंशमुखी अक्षयाद्भुतरूपिणी ॥

aśeṣaguṇasārāca aśokāśokanāśinī | abhīṣṭadā aṃśamukhī akṣayādbhutarūpiṇī ||

अवलम्बा अधिष्ठात्री अकिञ्चनवरप्रदा । अखिलानन्दिनी आद्या अयाना कृष्णमोहिनी ॥

avalambā adhiṣṭhātrī akiñcanavarapradā | akhilānandinī ādyā ayānā kṛṣṇamohinī ||

अवधीसर्वशास्त्राणामापदुद्धारिणी शुभा । आह्लादिनी आदिशक्तिरन्नदा अभयापि च ॥

avadhīsarvaśāstrāṇāmāpaduddhāriṇī śubhā | āhlādinī ādiśaktirannadā abhayāpi ca ||

अन्नपूर्णा अहोधन्या अतुल्या अभयप्रदा । इन्दुमुखी दिव्यहासा इष्टभक्तिप्रदायिनी ॥

annapūrṇā ahodhanyā atulyā abhayapradā | indumukhī divyahāsā iṣṭabhaktipradāyinī ||

इच्छामयी इच्छारूपा इन्दिरा ईश्वरीऽपरा । इष्टदायीश्वरी माया इष्टमन्त्रस्वरूपिणी ॥

icchāmayī icchārūpā indirā īśvarī'parā | iṣṭadāyīśvarī māyā iṣṭamantrasvarūpiṇī ||

ओङ्काररूपिणीदेवी उर्वीसर्वजनेश्वरी । ऐरावतवती पूज्या अपारगुणसागरा ॥

oṅkārarūpiṇīdevī urvīsarvajaneśvarī | airāvatavatī pūjyā apāraguṇasāgarā ||

कृष्णप्राणाधिकाराधा कृष्णप्रेमविनोदिनी । श्रीकृष्णाङ्गसदाध्यायी कृष्णानन्दप्रदायिनी ॥

kṛṣṇaprāṇādhikārādhā kṛṣṇapremavinodinī | śrīkṛṣṇāṅgasadādhyāyī kṛṣṇānandapradāyinī ||

कृष्णाऽह्लादिनीदेवी कृष्णध्यानपरायणा । कृष्णसम्मोहिनीनित्या कृष्णानन्दप्रवर्धिनी ॥

kṛṣṇā'hlādinīdevī kṛṣṇadhyānaparāyaṇā | kṛṣṇasammohinīnityā kṛṣṇānandapravardhinī ||

कृष्णानन्दा सदानन्दा कृष्णकेलि सुखास्वदा । कृष्णप्रिया कृष्णकान्ता कृष्णसेवापरायणा ॥

kṛṣṇānandā sadānandā kṛṣṇakeli sukhāsvadā | kṛṣṇapriyā kṛṣṇakāntā kṛṣṇasevāparāyaṇā ||

कृष्णप्रेमाब्धिसभरी कृष्णप्रेमतरङ्गिणी । कृष्णचित्तहरादेवी कीर्तिदाकुलपद्मिनी ॥

kṛṣṇapremābdhisabharī kṛṣṇapremataraṅgiṇī | kṛṣṇacittaharādevī kīrtidākulapadminī ||

कृष्णमुखी हासमुखी सदाकृष्णकुतूहली । कृष्णानुरागिणी धन्या किशोरी कृष्णवल्लभा ॥

kṛṣṇamukhī hāsamukhī sadākṛṣṇakutūhalī | kṛṣṇānurāgiṇī dhanyā kiśorī kṛṣṇavallabhā ||

कृष्णकामा कृष्णवन्द्या कृष्णाब्धे सर्वकामना । कृष्णप्रेममयी-राधा कल्याणी कमलानना ॥। १८॥

kṛṣṇakāmā kṛṣṇavandyā kṛṣṇābdhe sarvakāmanā | kṛṣṇapremamayī-rādhā kalyāṇī kamalānanā ||| 18||

कृष्णसून्मादिनी काम्या कृष्णलीला शिरोमणी । कृष्णसञ्जीवनी-राधा कृष्णवक्षस्थलस्थिता ॥

kṛṣṇasūnmādinī kāmyā kṛṣṇalīlā śiromaṇī | kṛṣṇasañjīvanī-rādhā kṛṣṇavakṣasthalasthitā ||

कृष्णप्रेमसदोन्मत्ता कृष्णसङ्गविलासिनी । श्रीकृष्णरमणीराधा कृष्णप्रेमाऽकलङ्किणी ॥

kṛṣṇapremasadonmattā kṛṣṇasaṅgavilāsinī | śrīkṛṣṇaramaṇīrādhā kṛṣṇapremā'kalaṅkiṇī ||

कृष्णप्रेमवतीकर्त्री कृष्णभक्तिपरायणा । श्रीकृष्णमहिषी पूर्णा श्रीकृष्णाङ्गप्रियङ्करी ॥

kṛṣṇapremavatīkartrī kṛṣṇabhaktiparāyaṇā | śrīkṛṣṇamahiṣī pūrṇā śrīkṛṣṇāṅgapriyaṅkarī ||

कामगात्रा कामरूपा कलिकल्मषनाशिनी । कृष्णसंयुक्तकामेशी श्रीकृष्णप्रियवादिनी ॥

kāmagātrā kāmarūpā kalikalmaṣanāśinī | kṛṣṇasaṃyuktakāmeśī śrīkṛṣṇapriyavādinī ||

कृष्णशक्ति काञ्चनाभा कृष्णाकृष्णप्रियासती । कृष्णप्राणेश्वरी धीरा कमलाकुञ्जवासिनी ॥

kṛṣṇaśakti kāñcanābhā kṛṣṇākṛṣṇapriyāsatī | kṛṣṇaprāṇeśvarī dhīrā kamalākuñjavāsinī ||

कृष्णप्राणाधिदेवी च किशोरानन्ददायिनी । कृष्णप्रसाध्यमाना च कृष्णप्रेमपरायणा ॥

kṛṣṇaprāṇādhidevī ca kiśorānandadāyinī | kṛṣṇaprasādhyamānā ca kṛṣṇapremaparāyaṇā ||

कृष्णवक्षस्थितादेवी श्रीकृष्णाङ्गसदाव्रता । कुञ्जाधिराजमहिषी पूजन्नूपुररञ्जनी ॥

kṛṣṇavakṣasthitādevī śrīkṛṣṇāṅgasadāvratā | kuñjādhirājamahiṣī pūjannūpurarañjanī ||

कारुण्यामृतपाधोधी कल्याणी करुणामयी । कुन्दकुसुमदन्ता च कस्तूरिबिन्दुभिः शुभा ॥

kāruṇyāmṛtapādhodhī kalyāṇī karuṇāmayī | kundakusumadantā ca kastūribindubhiḥ śubhā ||

कुचकुटमलसौन्दर्या कृपामयी कृपाकरी । कुञ्जविहारिणी गोपी कुन्ददामसुशोभिनी ॥

kucakuṭamalasaundaryā kṛpāmayī kṛpākarī | kuñjavihāriṇī gopī kundadāmasuśobhinī ||

कोमलाङ्गी कमलाङ्घ्री कमलाऽकमलानना । कन्दर्पदमनादेवी कौमारी नवयौवना ॥

komalāṅgī kamalāṅghrī kamalā'kamalānanā | kandarpadamanādevī kaumārī navayauvanā ||

कुङ्कुमाचर्चिताङ्गी च केसरीमध्यमोत्तमा । काञ्चनाङ्गी कुरङ्गाक्षी कनकाङ्गुलिधारिणी ॥

kuṅkumācarcitāṅgī ca kesarīmadhyamottamā | kāñcanāṅgī kuraṅgākṣī kanakāṅgulidhāriṇī ||

करुणार्णवसम्पूर्णा कृष्णप्रेमतरङ्गिणी । कल्पदृमा कृपाध्यक्षा कृष्णसेवा परायणा ॥

karuṇārṇavasampūrṇā kṛṣṇapremataraṅgiṇī | kalpadṛmā kṛpādhyakṣā kṛṣṇasevā parāyaṇā ||

खञ्जनाक्षी खनीप्रेम्णा अखण्डिता मानकारिणी । गोलोकधामिनी-राधा गोकुलानन्ददायिनी ॥

khañjanākṣī khanīpremṇā akhaṇḍitā mānakāriṇī | golokadhāminī-rādhā gokulānandadāyinī ||

गोविन्दवल्लभादेवी गोपिनी गुणसागरा । गोपालवल्लभा गोपी गौराङ्गी गोधनेश्वरी ॥

govindavallabhādevī gopinī guṇasāgarā | gopālavallabhā gopī gaurāṅgī godhaneśvarī ||

गोपाली गोपिकाश्रेष्ठा गोपकन्या गणेश्वरी । गजेन्द्रगामिनीगन्या गन्धर्वकुलपावनी ॥

gopālī gopikāśreṣṭhā gopakanyā gaṇeśvarī | gajendragāminīganyā gandharvakulapāvanī ||

गुणाध्यक्षा गणाध्यक्षा गवोन्गती गुणाकरा । गुणगम्या गृहलक्ष्मी गोप्येचूडाग्रमालिका ॥। ३४॥

guṇādhyakṣā gaṇādhyakṣā gavongatī guṇākarā | guṇagamyā gṛhalakṣmī gopyecūḍāgramālikā ||| 34||

गङ्गागीतागतिर्दात्री गायत्री ब्रह्मरूपिणी । गन्धपुष्पधरादेवी गन्धमाल्यादिधारिणी ॥

gaṅgāgītāgatirdātrī gāyatrī brahmarūpiṇī | gandhapuṣpadharādevī gandhamālyādidhāriṇī ||

गोविन्दप्रेयसी धीरा गोविन्दबन्धकारणा । ज्ञानदागुणदागम्या गोपिनी गुणशोभिनी ॥

govindapreyasī dhīrā govindabandhakāraṇā | jñānadāguṇadāgamyā gopinī guṇaśobhinī ||

गोदावरी गुणातीता गोवर्धनधनप्रिया । गोपिनी गोकुलेन्द्राणी गोपिका गुणशालिनी ॥

godāvarī guṇātītā govardhanadhanapriyā | gopinī gokulendrāṇī gopikā guṇaśālinī ||

गन्धेश्वरी गुणालम्बा गुणाङ्गी गुणपावनी । गोपालस्य प्रियाराधा कुञ्जपुञ्जविहारिणी ॥

gandheśvarī guṇālambā guṇāṅgī guṇapāvanī | gopālasya priyārādhā kuñjapuñjavihāriṇī ||

गोकुलेन्दुमुखी वृन्दा गोपालप्राणवल्लभा । गोपाङ्गनाप्रियाराधा गौराङ्गी गौरवान्विता ॥

gokulendumukhī vṛndā gopālaprāṇavallabhā | gopāṅganāpriyārādhā gaurāṅgī gauravānvitā ||

गोवत्सधारिणीवत्सा सुबलावेशधारिणी । गीर्वाणवन्द्या गीर्वाणी गोपिनी गणशोभिता ॥

govatsadhāriṇīvatsā subalāveśadhāriṇī | gīrvāṇavandyā gīrvāṇī gopinī gaṇaśobhitā ||

घनश्यामप्रियाधीरा घोरसंसारतारिणी । घूर्णायमाननयना घोरकल्मषनाशिनी ॥

ghanaśyāmapriyādhīrā ghorasaṃsāratāriṇī | ghūrṇāyamānanayanā ghorakalmaṣanāśinī ||

चैतन्यरूपिणीदेवी चित्तचैतन्यदायिनी । चन्द्राननी चन्द्रकान्ती चन्द्रकोटिसमप्रभा ॥

caitanyarūpiṇīdevī cittacaitanyadāyinī | candrānanī candrakāntī candrakoṭisamaprabhā ||

चन्द्रावली शुक्लपक्षा चन्द्राच कृष्णवल्लभा । चन्द्रार्कनखरज्योती चारुवेणीशिखारुचिः ॥

candrāvalī śuklapakṣā candrāca kṛṣṇavallabhā | candrārkanakharajyotī cāruveṇīśikhāruciḥ ||

चन्दनैश्चर्चिताङ्गी च चतुराचञ्चलेक्षणा । चारुगोरोचनागौरी चतुर्वर्गप्रदायिनी ॥

candanaiścarcitāṅgī ca caturācañcalekṣaṇā | cārugorocanāgaurī caturvargapradāyinī ||

श्रीमतीचतुराध्यक्षा चरमागतिदायिनी । चराचरेश्वरीदेवी चिन्तातीता जगन्मयी ॥

śrīmatīcaturādhyakṣā caramāgatidāyinī | carācareśvarīdevī cintātītā jaganmayī ||

चतुःषष्टिकलालम्बा चम्पापुष्पविधारिणी । चिन्मयी चित्शक्तिरूपा चर्चिताङ्गी मनोरमा ॥

catuḥṣaṣṭikalālambā campāpuṣpavidhāriṇī | cinmayī citśaktirūpā carcitāṅgī manoramā ||

चित्रलेखाच श्रीरात्री चन्द्रकान्तिजितप्रभा । चतुरापाङ्गमाधुर्या चारुचञ्चललोचना ॥

citralekhāca śrīrātrī candrakāntijitaprabhā | caturāpāṅgamādhuryā cārucañcalalocanā ||

छन्दोमयी छन्दरूपा छिद्रछन्दोविनाशिनी । जगत्कर्त्री जगद्धात्री जगदाधाररूपिणी ॥

chandomayī chandarūpā chidrachandovināśinī | jagatkartrī jagaddhātrī jagadādhārarūpiṇī ||

जयङ्करी जगन्माता जयदादियकारिणी । जयप्रदाजयालक्ष्मी जयन्ती सुयशप्रदा ॥

jayaṅkarī jaganmātā jayadādiyakāriṇī | jayapradājayālakṣmī jayantī suyaśapradā ||

जाम्बूनदा हेमकान्ती जयावती यशस्विनी । जगहिता जगत्पूज्या जननी लोकपालिनी ॥

jāmbūnadā hemakāntī jayāvatī yaśasvinī | jagahitā jagatpūjyā jananī lokapālinī ||

जगद्धात्री जगत्कर्त्री जगद्बीजस्वरूपिणी । जगन्माता योगमाया जीवानां गतिदायिनी ॥

jagaddhātrī jagatkartrī jagadbījasvarūpiṇī | jaganmātā yogamāyā jīvānāṃ gatidāyinī ||

जीवाकृतिर्योगगम्या यशोदानन्ददायिनी । जपाकुसुमसङ्काशा पादाब्जामणिमण्डिता ॥

jīvākṛtiryogagamyā yaśodānandadāyinī | japākusumasaṅkāśā pādābjāmaṇimaṇḍitā ||

जानुद्युतिजितोत्फुल्ला यन्त्रणाविघ्नघातिनी । जितेन्द्रिया यज्ञरूपा यज्ञाङ्गी जलशायिनी ॥

jānudyutijitotphullā yantraṇāvighnaghātinī | jitendriyā yajñarūpā yajñāṅgī jalaśāyinī ||

जानकीजन्मशून्याच जन्ममृत्युजराहरा । जाह्नवी यमुनारूपा जाम्बूनदस्वरूपिणी ॥

jānakījanmaśūnyāca janmamṛtyujarāharā | jāhnavī yamunārūpā jāmbūnadasvarūpiṇī ||

झणत्कृतपदाम्भोजा जडतारिनिवारिणी । टङ्कारिणी महाध्याना दिव्यवाद्यविनोदिनी ॥

jhaṇatkṛtapadāmbhojā jaḍatārinivāriṇī | ṭaṅkāriṇī mahādhyānā divyavādyavinodinī ||

तप्तकाञ्चनवर्णाभा त्रैलोक्यलोकतारिणी । तिलपुष्पजितानासा तुलसीमञ्जरीप्रिया ॥

taptakāñcanavarṇābhā trailokyalokatāriṇī | tilapuṣpajitānāsā tulasīmañjarīpriyā ||

त्रैलोक्याऽकर्षिणी-राधा त्रिवर्गफलदायिनी । तुलसीतोषकर्त्री च कृष्णचन्द्रतपस्विनी ॥

trailokyā'karṣiṇī-rādhā trivargaphaladāyinī | tulasītoṣakartrī ca kṛṣṇacandratapasvinī ||

तरुणादित्यसङ्काशा नखश्रेणिसमप्रभा । त्रैलोक्यमङ्गलादेवी दिग्धमूलपदद्वयी ॥

taruṇādityasaṅkāśā nakhaśreṇisamaprabhā | trailokyamaṅgalādevī digdhamūlapadadvayī ||

त्रैलोक्यजननी-राधा तापत्रयनिवारिणी । त्रैलोक्यसुन्दरी धन्या तन्त्रमन्त्रस्वरूपिणी ॥

trailokyajananī-rādhā tāpatrayanivāriṇī | trailokyasundarī dhanyā tantramantrasvarūpiṇī ||

त्रिकालज्ञा त्राणकर्त्री त्रैलोक्यमङ्गलासदा । तेजस्विनी तपोमूर्ती तापत्रयविनाशिनी ॥

trikālajñā trāṇakartrī trailokyamaṅgalāsadā | tejasvinī tapomūrtī tāpatrayavināśinī ||

त्रिगुणाधारिणी देवी तारिणी त्रिदशेश्वरी । त्रयोदशवयोनित्या तरुणीनवयौवना ॥

triguṇādhāriṇī devī tāriṇī tridaśeśvarī | trayodaśavayonityā taruṇīnavayauvanā ||

हृत्पद्मेस्थितिमति स्थानदात्री पदाम्बुजे । स्थितिरूपा स्थिरा शान्ता स्थितसंसारपालिनी ॥

hṛtpadmesthitimati sthānadātrī padāmbuje | sthitirūpā sthirā śāntā sthitasaṃsārapālinī ||

दामोदरप्रियाधीरा दुर्वासोवरदायिनी । दयामयी दयाध्यक्षा दिव्ययोगप्रदर्शिनी ॥

dāmodarapriyādhīrā durvāsovaradāyinī | dayāmayī dayādhyakṣā divyayogapradarśinī ||

दिव्यानुलेपनारागा दिव्यालङ्कारभूषणा । दुर्गतिनाशिनी-राधा दुर्गा दुःखविनाशिनी ॥

divyānulepanārāgā divyālaṅkārabhūṣaṇā | durgatināśinī-rādhā durgā duḥkhavināśinī ||

देवदेवीमहादेवी दयाशीला दयावती । दयार्द्रसागराराधा महादारिद्र्यनाशिनी ॥

devadevīmahādevī dayāśīlā dayāvatī | dayārdrasāgarārādhā mahādāridryanāśinī ||

देवतानां दुराराध्या महापापविनाशिनी । द्वारकावासिनी देवी दुःखशोकविनाशिनी ॥

devatānāṃ durārādhyā mahāpāpavināśinī | dvārakāvāsinī devī duḥkhaśokavināśinī ||

दयावती द्वारकेशा दोलोत्सवविहारिणी । दान्ता शान्ता कृपाध्यक्षा दक्षिणायज्ञकारिणी ॥

dayāvatī dvārakeśā dolotsavavihāriṇī | dāntā śāntā kṛpādhyakṣā dakṣiṇāyajñakāriṇī ||

दीनबन्धुप्रियादेवी शुभा दुर्घटनाशिनी । ध्वजवज्राब्जपाशाङ्घ्री धीमहीचरणाम्बुजा ॥

dīnabandhupriyādevī śubhā durghaṭanāśinī | dhvajavajrābjapāśāṅghrī dhīmahīcaraṇāmbujā ||

धर्मातीता धराध्यक्षा धनधान्यप्रदायिनी । धर्माध्यक्षा ध्यानगम्या धरणीभारनाशिनी ॥

dharmātītā dharādhyakṣā dhanadhānyapradāyinī | dharmādhyakṣā dhyānagamyā dharaṇībhāranāśinī ||

धर्मदाधैर्यदाधात्री धन्यधन्यधुरन्धरी । धरणीधारिणीधन्या धर्मसङ्कटरक्षिणी ॥

dharmadādhairyadādhātrī dhanyadhanyadhurandharī | dharaṇīdhāriṇīdhanyā dharmasaṅkaṭarakṣiṇī ||

धर्माधिकारिणीदेवी धर्मशास्त्रविशारदा । धर्मसंस्थापनाधाग्रा ध्रुवानन्दप्रदायिनी ॥

dharmādhikāriṇīdevī dharmaśāstraviśāradā | dharmasaṃsthāpanādhāgrā dhruvānandapradāyinī ||

नवगोरोचना गौरी नीलवस्त्रविधारिणी । नवयौवनसम्पन्ना नन्दनन्दनकारिणी ॥

navagorocanā gaurī nīlavastravidhāriṇī | navayauvanasampannā nandanandanakāriṇī ||

नित्यानन्दमयी नित्या नीलकान्तमणिप्रिया । नानारत्नविचित्राङ्गी नानासुखमयीसुधा ॥

nityānandamayī nityā nīlakāntamaṇipriyā | nānāratnavicitrāṅgī nānāsukhamayīsudhā ||

निगूढरसरासज्ञा नित्यानन्दप्रदायिनी । नवीनप्रवणाधन्या नीलपद्मविधारिणी ॥

nigūḍharasarāsajñā nityānandapradāyinī | navīnapravaṇādhanyā nīlapadmavidhāriṇī ||

नन्दाऽनन्दा सदानन्दा निर्मला मुक्तिदायिनी । निर्विकारा नित्यरूपा निष्कलङ्का निरामया ॥

nandā'nandā sadānandā nirmalā muktidāyinī | nirvikārā nityarūpā niṣkalaṅkā nirāmayā ||

नलिनी नलिनाक्षी च नानालङ्कारभूषिता । नितम्बिनि निराकाङ्क्षा नित्या सत्या सनातनी ॥

nalinī nalinākṣī ca nānālaṅkārabhūṣitā | nitambini nirākāṅkṣā nityā satyā sanātanī ||

नीलाम्बरपरीधाना नीलाकमललोचना । निरपेक्षा निरूपमा नारायणी नरेश्वरी ॥

nīlāmbaraparīdhānā nīlākamalalocanā | nirapekṣā nirūpamā nārāyaṇī nareśvarī ||

निरालम्बा रक्षकर्त्री निगमार्थप्रदायिनी । निकुञ्जवासिनी-राधा निर्गुणागुणसागरा ॥

nirālambā rakṣakartrī nigamārthapradāyinī | nikuñjavāsinī-rādhā nirguṇāguṇasāgarā ||

नीलाब्जा कृष्णमहिषी निराश्रयगतिप्रदा । निधूवनवनानन्दा निकुञ्जशी च नागरी ॥

nīlābjā kṛṣṇamahiṣī nirāśrayagatipradā | nidhūvanavanānandā nikuñjaśī ca nāgarī ||

निरञ्जना नित्यरक्ता नागरी चित्तमोहिनी । पूर्णचन्द्रमुखी देवी प्रधानाप्रकृतिपरा ॥

nirañjanā nityaraktā nāgarī cittamohinī | pūrṇacandramukhī devī pradhānāprakṛtiparā ||

प्रेमरूपा प्रेममयी प्रफुल्लजलजानना । पूर्णानन्दमयी-राधा पूर्णब्रह्मसनातनी ॥

premarūpā premamayī praphullajalajānanā | pūrṇānandamayī-rādhā pūrṇabrahmasanātanī ||

परमार्थप्रदा पूज्या परेशा पद्मलोचना । पराशक्ति पराभक्ति परमानन्ददायिनी ॥

paramārthapradā pūjyā pareśā padmalocanā | parāśakti parābhakti paramānandadāyinī ||

पतितोद्धारिणी पुण्या प्रवीणा धर्मपावनी । पङ्कजाक्षी महालक्ष्मी पीनोन्नतपयोधरा ॥

patitoddhāriṇī puṇyā pravīṇā dharmapāvanī | paṅkajākṣī mahālakṣmī pīnonnatapayodharā ||

प्रेमाश्रुपरिपूर्णाङ्गी पद्मेलसदृषानना । पद्मरागधरादेवी पौर्णमासीसुखास्वदा ॥

premāśruparipūrṇāṅgī padmelasadṛṣānanā | padmarāgadharādevī paurṇamāsīsukhāsvadā ||

पूर्णोत्तमो परञ्ज्योती प्रियङ्करी प्रियंवदा । प्रेमभक्तिप्रदा-राधा प्रेमानन्दप्रदायिनी ॥

pūrṇottamo parañjyotī priyaṅkarī priyaṃvadā | premabhaktipradā-rādhā premānandapradāyinī ||

पद्मगन्धा पद्महस्ता पद्माङ्घ्री पद्ममालिनी । पद्मासना महापद्मा पद्ममाला-विधारिणी ॥

padmagandhā padmahastā padmāṅghrī padmamālinī | padmāsanā mahāpadmā padmamālā-vidhāriṇī ||

प्रबोधिनी पूर्णलक्ष्मी पूर्णेन्दुसदृषानना । पुण्डरीकाक्षप्रेमाङ्गी पुण्डरीकाक्षरोहिनी ॥

prabodhinī pūrṇalakṣmī pūrṇendusadṛṣānanā | puṇḍarīkākṣapremāṅgī puṇḍarīkākṣarohinī ||

परमार्थप्रदापद्मा तथा प्रणवरूपिणी । फलप्रिया स्फूर्तिदात्री महोत्सवविहारिणी ॥

paramārthapradāpadmā tathā praṇavarūpiṇī | phalapriyā sphūrtidātrī mahotsavavihāriṇī ||

फुल्लाब्जदिव्यनयना फणिवेणिसुशोभिता । वृन्दावनेश्वरी-राधा वृन्दावनविलासिनी ॥

phullābjadivyanayanā phaṇiveṇisuśobhitā | vṛndāvaneśvarī-rādhā vṛndāvanavilāsinī ||

वृषभानुसुतादेवी व्रजवासीगणप्रिया । वृन्दा वृन्दावनानन्दा व्रजेन्द्रा च वरप्रदा ॥

vṛṣabhānusutādevī vrajavāsīgaṇapriyā | vṛndā vṛndāvanānandā vrajendrā ca varapradā ||

विद्युत्गौरी सुवर्णाङ्गी वंशीनादविनोदिनी । वृषभानुराधेकन्या व्रजराजसुतप्रिया ॥

vidyutgaurī suvarṇāṅgī vaṃśīnādavinodinī | vṛṣabhānurādhekanyā vrajarājasutapriyā ||

विचित्रपट्टचमरी विचित्राम्बरधारिणी । वेणुवाद्यप्रियाराधा वेणुवाद्यपरायणा ॥

vicitrapaṭṭacamarī vicitrāmbaradhāriṇī | veṇuvādyapriyārādhā veṇuvādyaparāyaṇā ||

विश्वम्भरी विचित्राङ्गी ब्रह्माण्डोदरीकासती । विश्वोदरी विशालाक्षी व्रजलक्ष्मी वरप्रदा ॥

viśvambharī vicitrāṅgī brahmāṇḍodarīkāsatī | viśvodarī viśālākṣī vrajalakṣmī varapradā ||

ब्रह्ममयी ब्रह्मरूपा वेदाङ्गी वार्षभानवी । वराङ्गना कराम्भोजा वल्लवी वृजमोहिनी ॥

brahmamayī brahmarūpā vedāṅgī vārṣabhānavī | varāṅganā karāmbhojā vallavī vṛjamohinī ||

विष्णुप्रिया विश्वमाता ब्रह्माण्डप्रतिपालिनी । विश्वेश्वरी विश्वकर्त्री वेद्यमन्त्रस्वरूपिणी ॥

viṣṇupriyā viśvamātā brahmāṇḍapratipālinī | viśveśvarī viśvakartrī vedyamantrasvarūpiṇī ||

विश्वमाया विष्णुकान्ता विश्वाङ्गी विश्वपावनी । व्रजेश्वरी विश्वरूपा वैष्णवी विघ्ननाशिनी ॥

viśvamāyā viṣṇukāntā viśvāṅgī viśvapāvanī | vrajeśvarī viśvarūpā vaiṣṇavī vighnanāśinī ||

ब्रह्माण्डजननी-राधा वत्सला व्रजवत्सला । वरदा वाक्यसिद्धा च बुद्धिदा वाक्प्रदायिनी ॥

brahmāṇḍajananī-rādhā vatsalā vrajavatsalā | varadā vākyasiddhā ca buddhidā vākpradāyinī ||

विशाखाप्राणसर्वस्वा वृषभानुकुमारिका । विशाखासख्यविजिता वंशीवटविहारिणी ॥

viśākhāprāṇasarvasvā vṛṣabhānukumārikā | viśākhāsakhyavijitā vaṃśīvaṭavihāriṇī ||

वेदमाता वेदगम्या वेद्यवर्णा शुभङ्करी । वेदातीता गुणातीता विदग्धा विजनप्रिया ॥ ९९। भक्तभक्तिप्रिया-राधा भक्तमङ्गलदायिनी । भगवन्मोहिनी देवी भवक्लेशविनाशिनी ॥

vedamātā vedagamyā vedyavarṇā śubhaṅkarī | vedātītā guṇātītā vidagdhā vijanapriyā || 99| bhaktabhaktipriyā-rādhā bhaktamaṅgaladāyinī | bhagavanmohinī devī bhavakleśavināśinī ||

भाविनी भवती भाव्या भारती भक्तिदायिनी । भागीरथी भाग्यवती भूतेशी भवकारिणी ॥

bhāvinī bhavatī bhāvyā bhāratī bhaktidāyinī | bhāgīrathī bhāgyavatī bhūteśī bhavakāriṇī ||

भवार्णवत्राणकर्त्री भद्रदा भुवनेश्वरी । भक्तात्मा भुवनानन्दा भाविका भक्तवत्सला ॥

bhavārṇavatrāṇakartrī bhadradā bhuvaneśvarī | bhaktātmā bhuvanānandā bhāvikā bhaktavatsalā ||

भुक्तिमुक्तिप्रदा-राधा शुभा भुजमृणालिका । भानुशक्तिच्छलाधीरा भक्तानुग्रहकारिणी ॥

bhuktimuktipradā-rādhā śubhā bhujamṛṇālikā | bhānuśakticchalādhīrā bhaktānugrahakāriṇī ||

माधवी माधवायुक्ता मुकुन्दाद्यासनातनी । महालक्ष्मी महामान्या माधवस्वान्तमोहिनी ॥

mādhavī mādhavāyuktā mukundādyāsanātanī | mahālakṣmī mahāmānyā mādhavasvāntamohinī ||

महाधन्या महापुण्या महामोहविनाशिनी । मोक्षदा मानदा भद्रा मङ्गलाऽमङ्गलात्पदा ॥

mahādhanyā mahāpuṇyā mahāmohavināśinī | mokṣadā mānadā bhadrā maṅgalā'maṅgalātpadā ||

मनोभीष्टप्रदादेवी महाविष्णुस्वरूपिणी । माधव्याङ्गी मनोरामा रम्या मुकुररञ्जनी ॥

manobhīṣṭapradādevī mahāviṣṇusvarūpiṇī | mādhavyāṅgī manorāmā ramyā mukurarañjanī ||

मनीशा वनदाधारा मुरलीवादनप्रिया । मुकुन्दाङ्गकृतापाङ्गी मालिनी हरिमोहिनी ॥

manīśā vanadādhārā muralīvādanapriyā | mukundāṅgakṛtāpāṅgī mālinī harimohinī ||

मानग्राही मधुवती मञ्जरी मृगलोचना । नित्यवृन्दा महादेवी महेन्द्रकृतशेखरी ॥

mānagrāhī madhuvatī mañjarī mṛgalocanā | nityavṛndā mahādevī mahendrakṛtaśekharī ||

मुकुन्दप्राणदाहन्त्री मनोहरमनोहरा । माधवमुखपद्मस्या मथुपानमधुव्रता ॥

mukundaprāṇadāhantrī manoharamanoharā | mādhavamukhapadmasyā mathupānamadhuvratā ||

मुकुन्दमधुमाधुर्या मुख्यावृन्दावनेश्वरी । मन्त्रसिद्धिकृता-राधा मूलमन्त्रस्वरूपिणी ॥

mukundamadhumādhuryā mukhyāvṛndāvaneśvarī | mantrasiddhikṛtā-rādhā mūlamantrasvarūpiṇī ||

मन्मथा सुमतीधात्री मनोज्ञमतिमानिता । मदनामोहिनीमान्या मञ्जीरचरणोत्पला ॥

manmathā sumatīdhātrī manojñamatimānitā | madanāmohinīmānyā mañjīracaraṇotpalā ||

यशोदासुतपत्नी च यशोदानन्ददायिनी । यौवनापूर्णसौन्दर्या यमुनातटवासिनी ॥

yaśodāsutapatnī ca yaśodānandadāyinī | yauvanāpūrṇasaundaryā yamunātaṭavāsinī ||

यशस्विनी योगमाया युवराजविलासिनी । युग्मश्रीफलसुवत्सा युग्माङ्गदविधारिणी ॥

yaśasvinī yogamāyā yuvarājavilāsinī | yugmaśrīphalasuvatsā yugmāṅgadavidhāriṇī ||

यन्त्रातिगाननिरता युवतीनांशिरोमणी । श्रीराधा परमाराध्या राधिका कृष्णमोहिनी ॥

yantrātigānaniratā yuvatīnāṃśiromaṇī | śrīrādhā paramārādhyā rādhikā kṛṣṇamohinī ||

रूपयौवनसम्पन्ना रासमण्डलकारिणी । राधादेवी पराप्राप्ता श्रीराधापरमेश्वरी ॥

rūpayauvanasampannā rāsamaṇḍalakāriṇī | rādhādevī parāprāptā śrīrādhāparameśvarī ||

राधावाग्मी रसोन्मादी रसिका रसशेखरी । राधारासमयीपूर्णा रसज्ञा रसमञ्जरी ॥

rādhāvāgmī rasonmādī rasikā rasaśekharī | rādhārāsamayīpūrṇā rasajñā rasamañjarī ||

राधिका रसदात्री च राधारासविलासिनी । रञ्जनी रसवृन्दाच रत्नालङ्कारधारिणी ॥

rādhikā rasadātrī ca rādhārāsavilāsinī | rañjanī rasavṛndāca ratnālaṅkāradhāriṇī ||

रामारत्नारत्नमयी रत्नमालाविधारिणी । रमणीरामणीरम्या राधिकारमणीपरा ॥

rāmāratnāratnamayī ratnamālāvidhāriṇī | ramaṇīrāmaṇīramyā rādhikāramaṇīparā ||

रासमण्डलमध्यस्था राजराजेश्वरी शुभा । राकेन्दुकोटिसौन्दर्या रत्नाङ्गदविधारिणी ॥

rāsamaṇḍalamadhyasthā rājarājeśvarī śubhā | rākendukoṭisaundaryā ratnāṅgadavidhāriṇī ||

रासप्रिया रासगम्या रासोत्सवविहारिणी । लक्ष्मीरूपा च ललना ललितादिसखिप्रिया ॥

rāsapriyā rāsagamyā rāsotsavavihāriṇī | lakṣmīrūpā ca lalanā lalitādisakhipriyā ||

लोकमाता लोकधात्री लोकानुग्रहकारिणी । लोलाक्षी ललिताङ्गी च ललिताजीवतारका ॥

lokamātā lokadhātrī lokānugrahakāriṇī | lolākṣī lalitāṅgī ca lalitājīvatārakā ||

लोकालया लज्जारूपा लास्यविद्यालताशुभा । ललिताप्रेमललितानुग्धप्रेमलिलावती ॥

lokālayā lajjārūpā lāsyavidyālatāśubhā | lalitāpremalalitānugdhapremalilāvatī ||

लीलालावण्यसम्पन्ना नागरीचित्तमोहिनी । लीलारङ्गीरती रम्या लीलागानपरायणा ॥

līlālāvaṇyasampannā nāgarīcittamohinī | līlāraṅgīratī ramyā līlāgānaparāyaṇā ||

लीलावती रतिप्रीता ललिताकुलपद्मिनी । शुद्धकाञ्चनगौराङ्गी शङ्खकङ्कणधारिणी ॥

līlāvatī ratiprītā lalitākulapadminī | śuddhakāñcanagaurāṅgī śaṅkhakaṅkaṇadhāriṇī ||

शक्तिसञ्चारिणी देवी शक्तीनां शक्तिदायिनी । सुचारुकबरीयुक्ता शशिरेखा शुभङ्करी ॥

śaktisañcāriṇī devī śaktīnāṃ śaktidāyinī | sucārukabarīyuktā śaśirekhā śubhaṅkarī ||

सुमती सुगतिर्दात्री श्रीमती श्रीहरिपिया । सुन्दराङ्गी सुवर्णाङ्गी सुशीला शुभदायिनी ॥

sumatī sugatirdātrī śrīmatī śrīharipiyā | sundarāṅgī suvarṇāṅgī suśīlā śubhadāyinī ||

शुभदा सुखदा साध्वी सुकेशी सुमनोरमा । सुरेश्वरी सुकुमारी शुभाङ्गी सुमशेखरा ॥

śubhadā sukhadā sādhvī sukeśī sumanoramā | sureśvarī sukumārī śubhāṅgī sumaśekharā ||

शाकम्भरी सत्यरूपा शस्ता शान्ता मनोरमा । सिद्धिधात्री महाशान्ती सुन्दरी शुभदायिनी ॥

śākambharī satyarūpā śastā śāntā manoramā | siddhidhātrī mahāśāntī sundarī śubhadāyinī ||

शब्दातीता सिन्धुकन्या शरणागतपालिनी । शालग्रामप्रिया-राधा सर्वदा नवयौवना ॥

śabdātītā sindhukanyā śaraṇāgatapālinī | śālagrāmapriyā-rādhā sarvadā navayauvanā ||

सुबलानन्दिनीदेवी सर्वशास्त्रविशारदा । सर्वाङ्गसुन्दरी-राधा सर्वसल्लक्षणान्विता ॥

subalānandinīdevī sarvaśāstraviśāradā | sarvāṅgasundarī-rādhā sarvasallakṣaṇānvitā ||

सर्वगोपीप्रधाना च सर्वकामफलप्रदा । सदानन्दमयीदेवी सर्वमङ्गलदायिनी ॥

sarvagopīpradhānā ca sarvakāmaphalapradā | sadānandamayīdevī sarvamaṅgaladāyinī ||

सर्वमण्डलजीवातु सर्वसम्पत्प्रदायिनी । संसारपारकरणी सदाकृष्णकुतूहला ॥

sarvamaṇḍalajīvātu sarvasampatpradāyinī | saṃsārapārakaraṇī sadākṛṣṇakutūhalā ||

सर्वागुणमयी-राधा साध्या सर्वगुणान्विता । सत्यस्वरूपा सत्या च सत्यनित्या सनातनी ॥

sarvāguṇamayī-rādhā sādhyā sarvaguṇānvitā | satyasvarūpā satyā ca satyanityā sanātanī ||

सर्वमाधव्यलहरी सुधामुखशुभङ्करी । सदाकिशोरिकागोष्ठी सुबलावेशधारिणी ॥

sarvamādhavyalaharī sudhāmukhaśubhaṅkarī | sadākiśorikāgoṣṭhī subalāveśadhāriṇī ||

सुवर्णमालिनी-राधा श्यामसुन्दरमोहिनी । श्यामामृतरसेमग्ना सदासीमन्तिनीसखी ॥

suvarṇamālinī-rādhā śyāmasundaramohinī | śyāmāmṛtarasemagnā sadāsīmantinīsakhī ||

षोडशीवयसानित्या षडरागविहारिणी । हेमाङ्गीवरदाहन्त्री भूमाता हंसगामिनी ॥

ṣoḍaśīvayasānityā ṣaḍarāgavihāriṇī | hemāṅgīvaradāhantrī bhūmātā haṃsagāminī ||

हासमुखी व्रजाध्यक्षा हेमाब्जा कृष्णमोहिनी । हरिविनोदिनी-राधा हरिसेवापरायणा ॥

hāsamukhī vrajādhyakṣā hemābjā kṛṣṇamohinī | harivinodinī-rādhā harisevāparāyaṇā ||

हेमारम्भा मदारम्भा हरिहारविलोचना । हेमाङ्गवर्णारम्या श्रेषहृत्पद्मवासिनी ॥

hemārambhā madārambhā harihāravilocanā | hemāṅgavarṇāramyā śreṣahṛtpadmavāsinī ||

हरिपादाब्जमधुपा मधुपानमधुव्रता । क्षेमङ्करी क्षीणमध्या क्षमारूपा क्षमावती ॥

haripādābjamadhupā madhupānamadhuvratā | kṣemaṅkarī kṣīṇamadhyā kṣamārūpā kṣamāvatī ||

क्षेत्राङ्गी श्रीक्षमादात्री क्षितिवृन्दावनेश्वरी । क्षमाशीला क्षमादात्री क्षौमवासोविधारिणी । क्षान्तिनामावयवती क्षीरोदार्णवशायिनी ॥

kṣetrāṅgī śrīkṣamādātrī kṣitivṛndāvaneśvarī | kṣamāśīlā kṣamādātrī kṣaumavāsovidhāriṇī | kṣāntināmāvayavatī kṣīrodārṇavaśāyinī ||

राधानामसहस्राणि पठेद्वा श्रुणुयादपि । इष्टसिद्धिर्भवेत्तस्या मन्त्रसिद्धिर्भवेत् ध्रुवम् ॥

rādhānāmasahasrāṇi paṭhedvā śruṇuyādapi | iṣṭasiddhirbhavettasyā mantrasiddhirbhavet dhruvam ||

धर्मार्थकाममोक्षांश्च लभते नात्र संशयः । वाञ्छासिद्धिर्भवेत्तस्य भक्तिस्यात् प्रेमलक्षण ॥

dharmārthakāmamokṣāṃśca labhate nātra saṃśayaḥ | vāñchāsiddhirbhavettasya bhaktisyāt premalakṣaṇa ||

लक्ष्मीस्तस्यवसेत्गेहे मुखेभातिसरस्वती । अन्तकालेभवेत्तस्य राधाकृष्णेचसंस्थितिः ॥

lakṣmīstasyavasetgehe mukhebhātisarasvatī | antakālebhavettasya rādhākṛṣṇecasaṃsthitiḥ ||

इति श्रीराधामानसतन्त्रे श्रीराधासहस्रनामस्तोत्रं सम्पूर्णम् ॥

iti śrīrādhāmānasatantre śrīrādhāsahasranāmastotraṃ sampūrṇam ||