श्रीसरस्वतीसहस्रनामस्तोत्रम्

ध्यानम् श्रीमच्चन्दनचर्चितोज्ज्वलवपुः शुक्लाम्बरा मल्लिका- मालालालित कुन्तला प्रविलसन्मुक्तावलीशोभना । सर्वज्ञाननिधानपुस्तकधरा रुद्राक्षमालाङ्किता वाग्देवी वदनाम्बुजे वसतु मे त्रैलोक्यमाता शुभा ॥

dhyānam śrīmaccandanacarcitojjvalavapuḥ śuklāmbarā mallikā- mālālālita kuntalā pravilasanmuktāvalīśobhanā | sarvajñānanidhānapustakadharā rudrākṣamālāṅkitā vāgdevī vadanāmbuje vasatu me trailokyamātā śubhā ||

श्रीनारद उवाच - भगवन्परमेशान सर्वलोकैकनायक । कथं सरस्वती साक्षात्प्रसन्ना परमेष्ठिनः ॥

śrīnārada uvāca - bhagavanparameśāna sarvalokaikanāyaka | kathaṃ sarasvatī sākṣātprasannā parameṣṭhinaḥ ||

कथं देव्या महावाण्याः सतत्प्राप सुदुर्लभम् । एतन्मे वद तत्त्वेन महायोगीश्वरप्रभो ॥

kathaṃ devyā mahāvāṇyāḥ satatprāpa sudurlabham | etanme vada tattvena mahāyogīśvaraprabho ||

श्रीसनत्कुमार उवाच - साधु पृष्टं त्वया ब्रह्मन् गुह्याद्गुह्य मनुत्तमम् । भयानुगोपितं यत्नादिदानीं सत्प्रकाश्यते ॥

śrīsanatkumāra uvāca - sādhu pṛṣṭaṃ tvayā brahman guhyādguhya manuttamam | bhayānugopitaṃ yatnādidānīṃ satprakāśyate ||

पुरा पितामहं दृष्ट्वा जगत्स्थावरजङ्गमम् । निर्विकारं निराभासं स्तंभीभूतमचेतसम् ॥

purā pitāmahaṃ dṛṣṭvā jagatsthāvarajaṅgamam | nirvikāraṃ nirābhāsaṃ staṃbhībhūtamacetasam ||

सृष्ट्वा त्रैलोक्यमखिलं वागभावात्तथाविधम् । आधिक्याभावतः स्वस्य परमेष्ठी जगद्गुरुः ॥

sṛṣṭvā trailokyamakhilaṃ vāgabhāvāttathāvidham | ādhikyābhāvataḥ svasya parameṣṭhī jagadguruḥ ||

दिव्यवर्षायुतं तेन तपो दुष्कर मुत्तमम् । ततः कदाचित्संजाता वाणी सर्वार्थशोभिता ॥

divyavarṣāyutaṃ tena tapo duṣkara muttamam | tataḥ kadācitsaṃjātā vāṇī sarvārthaśobhitā ||

अहमस्मि महाविद्या सर्ववाचामधीश्वरी । मम नाम्नां सहस्रं तु उपदेक्ष्याम्यनुत्तमम् ॥

ahamasmi mahāvidyā sarvavācāmadhīśvarī | mama nāmnāṃ sahasraṃ tu upadekṣyāmyanuttamam ||

अनेन संस्तुता नित्यं पत्नी तव भवाम्यहम् । त्वया सृष्टं जगत्सर्वं वाणीयुक्तं भविष्यति ॥

anena saṃstutā nityaṃ patnī tava bhavāmyaham | tvayā sṛṣṭaṃ jagatsarvaṃ vāṇīyuktaṃ bhaviṣyati ||

इदं रहस्यं परमं मम नामसहस्रकम् । सर्वपापौघशमनं महासारस्वतप्रदम् ॥

idaṃ rahasyaṃ paramaṃ mama nāmasahasrakam | sarvapāpaughaśamanaṃ mahāsārasvatapradam ||

महाकवित्वदं लोके वागीशत्वप्रदायकम् । त्वं वा परः पुमान्यस्तुस्तवेनानेन तोषयेत् ॥

mahākavitvadaṃ loke vāgīśatvapradāyakam | tvaṃ vā paraḥ pumānyastustavenānena toṣayet ||

तस्याहं किंकरी साक्षाद्भविष्यामि न संशयः । इत्युक्त्वान्तर्दधे वाणी तदारभ्य पितामहः ॥

tasyāhaṃ kiṃkarī sākṣādbhaviṣyāmi na saṃśayaḥ | ityuktvāntardadhe vāṇī tadārabhya pitāmahaḥ ||

स्तुत्वा स्तोत्रेण दिव्येन तत्पतित्वमवाप्तवान् । वाणीयुक्तं जगत्सर्वं तदारभ्याभवन्मुने ॥

stutvā stotreṇa divyena tatpatitvamavāptavān | vāṇīyuktaṃ jagatsarvaṃ tadārabhyābhavanmune ||

तत्तेहं संप्रवक्ष्यामि श‍ृणु यत्नेन नारद । सावधानमना भूत्वा क्षणं शुद्धो मुनीश्वरः ॥

tattehaṃ saṃpravakṣyāmi śa‍ṛṇu yatnena nārada | sāvadhānamanā bhūtvā kṣaṇaṃ śuddho munīśvaraḥ ||

अथ सहस्रनामस्तोत्रम् । ॐ वाग्वाणी वरदा वन्द्या वरारोहा वरप्रदा । वृत्तिर्वागीश्वरी वार्ता वरा वागीशवल्लभा ॥

atha sahasranāmastotram | oṃ vāgvāṇī varadā vandyā varārohā varapradā | vṛttirvāgīśvarī vārtā varā vāgīśavallabhā ||

विश्वेश्वरी विश्ववन्द्या विश्वेशप्रियकारिणी । वाग्वादिनी च वाग्देवी वृद्धिदा वृद्धिकारिणी ॥

viśveśvarī viśvavandyā viśveśapriyakāriṇī | vāgvādinī ca vāgdevī vṛddhidā vṛddhikāriṇī ||

वृद्धिर्वृद्धा विषघ्नी च वृष्टिर्वृष्टिप्रदायिनी । विश्वाराध्या विश्वमाता विश्वधात्री विनायका ॥

vṛddhirvṛddhā viṣaghnī ca vṛṣṭirvṛṣṭipradāyinī | viśvārādhyā viśvamātā viśvadhātrī vināyakā ||

विश्वशक्तिर्विश्वसारा विश्वा विश्वविभावरी । वेदान्तवेदिनी वेद्या वित्ता वेदत्रयात्मिका ॥

viśvaśaktirviśvasārā viśvā viśvavibhāvarī | vedāntavedinī vedyā vittā vedatrayātmikā ||

वेदज्ञा वेदजननी विश्वा विश्वविभावरी । वरेण्या वाङ्मयी वृद्धा विशिष्टप्रियकारिणी ॥

vedajñā vedajananī viśvā viśvavibhāvarī | vareṇyā vāṅmayī vṛddhā viśiṣṭapriyakāriṇī ||

विश्वतोवदना व्याप्ता व्यापिनी व्यापकात्मिका । व्याळघ्नी व्याळभूषांगी विरजा वेदनायिका ॥

viśvatovadanā vyāptā vyāpinī vyāpakātmikā | vyāl̤aghnī vyāl̤abhūṣāṃgī virajā vedanāyikā ||

वेदवेदान्तसंवेद्या वेदान्तज्ञानरूपिणी । विभावरी च विक्रान्ता विश्वामित्रा विधिप्रिया ॥

vedavedāntasaṃvedyā vedāntajñānarūpiṇī | vibhāvarī ca vikrāntā viśvāmitrā vidhipriyā ||

वरिष्ठा विप्रकृष्टा च विप्रवर्यप्रपूजिता । वेदरूपा वेदमयी वेदमूर्तिश्च वल्लभा ॥

variṣṭhā viprakṛṣṭā ca vipravaryaprapūjitā | vedarūpā vedamayī vedamūrtiśca vallabhā ||

गौरी गुणवती गोप्या गन्धर्वनगरप्रिया । गुणमाता गुहान्तस्था गुरुरूपा गुरुप्रिया ॥

gaurī guṇavatī gopyā gandharvanagarapriyā | guṇamātā guhāntasthā gururūpā gurupriyā ||

गिरिविद्या गानतुष्टा गायकप्रियकारिणी । गायत्री गिरिशाराध्या गीर्गिरीशप्रियंकरी ॥

girividyā gānatuṣṭā gāyakapriyakāriṇī | gāyatrī giriśārādhyā gīrgirīśapriyaṃkarī ||

गिरिज्ञा ज्ञानविद्या च गिरिरूपा गिरीश्वरी । गीर्माता गणसंस्तुत्या गणनीयगुणान्विता ॥

girijñā jñānavidyā ca girirūpā girīśvarī | gīrmātā gaṇasaṃstutyā gaṇanīyaguṇānvitā ||

गूढरूपा गुहा गोप्या गोरूपा गौर्गुणात्मिका । गुर्वी गुर्वम्बिका गुह्या गेयजा गृहनाशिनी ॥

gūḍharūpā guhā gopyā gorūpā gaurguṇātmikā | gurvī gurvambikā guhyā geyajā gṛhanāśinī ||

गृहिणी गृहदोषघ्नी गवघ्नी गुरुवत्सला । गृहात्मिका गृहाराध्या गृहबाधाविनाशिनी ॥

gṛhiṇī gṛhadoṣaghnī gavaghnī guruvatsalā | gṛhātmikā gṛhārādhyā gṛhabādhāvināśinī ||

गङ्गा गिरिसुता गम्या गजयाना गुहस्तुता । गरुडासनसंसेव्या गोमती गुणशालिनी ॥

gaṅgā girisutā gamyā gajayānā guhastutā | garuḍāsanasaṃsevyā gomatī guṇaśālinī ||

शारदा शाश्वती शैवी शांकरी शंकरात्मिका । श्रीः शर्वाणी शतघ्नी च शरच्चन्द्रनिभानना ॥

śāradā śāśvatī śaivī śāṃkarī śaṃkarātmikā | śrīḥ śarvāṇī śataghnī ca śaraccandranibhānanā ||

शर्मिष्ठा शमनघ्नी च शतसाहस्ररूपिणी । शिवा शम्भुप्रिया श्रद्धा श्रुतिरूपा श्रुतिप्रिया ॥

śarmiṣṭhā śamanaghnī ca śatasāhasrarūpiṇī | śivā śambhupriyā śraddhā śrutirūpā śrutipriyā ||

शुचिष्मती शर्मकरी शुद्धिदा शुद्धिरूपिणी । शिवा शिवंकरी शुद्धा शिवाराध्या शिवात्मिका ॥

śuciṣmatī śarmakarī śuddhidā śuddhirūpiṇī | śivā śivaṃkarī śuddhā śivārādhyā śivātmikā ||

श्रीमती श्रीमयी श्राव्या श्रुतिः श्रवणगोचरा । शान्तिः शान्तिकरी शान्ता शान्ताचारप्रियंकरी ॥

śrīmatī śrīmayī śrāvyā śrutiḥ śravaṇagocarā | śāntiḥ śāntikarī śāntā śāntācārapriyaṃkarī ||

शीललभ्या शीलवती श्रीमाता शुभकारिणी । शुभवाणी शुद्धविद्या शुद्धचित्तप्रपूजिता ॥

śīlalabhyā śīlavatī śrīmātā śubhakāriṇī | śubhavāṇī śuddhavidyā śuddhacittaprapūjitā ||

श्रीकरी श्रुतपापघ्नी शुभाक्षी शुचिवल्लभा । शिवेतरघ्नी शबरी श्रवणीयगुणान्विता ॥

śrīkarī śrutapāpaghnī śubhākṣī śucivallabhā | śivetaraghnī śabarī śravaṇīyaguṇānvitā ||

शारी शिरीषपुष्पाभा शमनिष्ठा शमात्मिका । शमान्विता शमाराध्या शितिकण्ठप्रपूजिता ॥

śārī śirīṣapuṣpābhā śamaniṣṭhā śamātmikā | śamānvitā śamārādhyā śitikaṇṭhaprapūjitā ||

शुद्धिः शुद्धिकरी श्रेष्ठा श्रुतानन्ता शुभावहा । सरस्वती च सर्वज्ञा सर्वसिद्धिप्रदायिनी ॥

śuddhiḥ śuddhikarī śreṣṭhā śrutānantā śubhāvahā | sarasvatī ca sarvajñā sarvasiddhipradāyinī ||

सरस्वती च सावित्री संध्या सर्वेप्सितप्रदा । सर्वार्तिघ्नी सर्वमयी सर्वविद्याप्रदायिनी ॥

sarasvatī ca sāvitrī saṃdhyā sarvepsitapradā | sarvārtighnī sarvamayī sarvavidyāpradāyinī ||

सर्वेश्वरी सर्वपुण्या सर्गस्थित्यन्तकारिणी । सर्वाराध्या सर्वमाता सर्वदेवनिषेविता ॥

sarveśvarī sarvapuṇyā sargasthityantakāriṇī | sarvārādhyā sarvamātā sarvadevaniṣevitā ||

सर्वैश्वर्यप्रदा सत्या सती सत्वगुणाश्रया । स्वरक्रमपदाकारा सर्वदोषनिषूदिनी ॥

sarvaiśvaryapradā satyā satī satvaguṇāśrayā | svarakramapadākārā sarvadoṣaniṣūdinī ||

सहस्राक्षी सहस्रास्या सहस्रपदसंयुता । सहस्रहस्ता साहस्रगुणालंकृतविग्रहा ॥

sahasrākṣī sahasrāsyā sahasrapadasaṃyutā | sahasrahastā sāhasraguṇālaṃkṛtavigrahā ||

सहस्रशीर्षा सद्रूपा स्वधा स्वाहा सुधामयी । षड्ग्रन्थिभेदिनी सेव्या सर्वलोकैकपूजिता ॥

sahasraśīrṣā sadrūpā svadhā svāhā sudhāmayī | ṣaḍgranthibhedinī sevyā sarvalokaikapūjitā ||

स्तुत्या स्तुतिमयी साध्या सवितृप्रियकारिणी । संशयच्छेदिनी सांख्यवेद्या संख्या सदीश्वरी ॥

stutyā stutimayī sādhyā savitṛpriyakāriṇī | saṃśayacchedinī sāṃkhyavedyā saṃkhyā sadīśvarī ||

सिद्धिदा सिद्धसम्पूज्या सर्वसिद्धिप्रदायिनी । सर्वज्ञा सर्वशक्तिश्च सर्वसम्पत्प्रदायिनी ॥

siddhidā siddhasampūjyā sarvasiddhipradāyinī | sarvajñā sarvaśaktiśca sarvasampatpradāyinī ||

सर्वाशुभघ्नी सुखदा सुखा संवित्स्वरूपिणी । सर्वसम्भीषणी सर्वजगत्सम्मोहिनी तथा ॥

sarvāśubhaghnī sukhadā sukhā saṃvitsvarūpiṇī | sarvasambhīṣaṇī sarvajagatsammohinī tathā ||

सर्वप्रियंकरी सर्वशुभदा सर्वमङ्गळा । सर्वमन्त्रमयी सर्वतीर्थपुण्यफलप्रदा ॥

sarvapriyaṃkarī sarvaśubhadā sarvamaṅgal̤ā | sarvamantramayī sarvatīrthapuṇyaphalapradā ||

सर्वपुण्यमयी सर्वव्याधिघ्नी सर्वकामदा । सर्वविघ्नहरी सर्ववन्दिता सर्वमङ्गळा ॥

sarvapuṇyamayī sarvavyādhighnī sarvakāmadā | sarvavighnaharī sarvavanditā sarvamaṅgal̤ā ||

सर्वमन्त्रकरी सर्वलक्ष्मीः सर्वगुणान्विता । सर्वानन्दमयी सर्वज्ञानदा सत्यनायिका ॥

sarvamantrakarī sarvalakṣmīḥ sarvaguṇānvitā | sarvānandamayī sarvajñānadā satyanāyikā ||

सर्वज्ञानमयी सर्वराज्यदा सर्वमुक्तिदा । सुप्रभा सर्वदा सर्वा सर्वलोकवशंकरी ॥

sarvajñānamayī sarvarājyadā sarvamuktidā | suprabhā sarvadā sarvā sarvalokavaśaṃkarī ||

सुभगा सुन्दरी सिद्धा सिद्धाम्बा सिद्धमातृका । सिद्धमाता सिद्धविद्या सिद्धेशी सिद्धरूपिणी ॥

subhagā sundarī siddhā siddhāmbā siddhamātṛkā | siddhamātā siddhavidyā siddheśī siddharūpiṇī ||

सुरूपिणी सुखमयी सेवकप्रियकारिणी । स्वामिनी सर्वदा सेव्या स्थूलसूक्ष्मापराम्बिका ॥

surūpiṇī sukhamayī sevakapriyakāriṇī | svāminī sarvadā sevyā sthūlasūkṣmāparāmbikā ||

साररूपा सरोरूपा सत्यभूता समाश्रया । सितासिता सरोजाक्षी सरोजासनवल्लभा ॥

sārarūpā sarorūpā satyabhūtā samāśrayā | sitāsitā sarojākṣī sarojāsanavallabhā ||

सरोरुहाभा सर्वाङ्गी सुरेन्द्रादिप्रपूजिता । महादेवी महेशानी महासारस्वतप्रदा ॥

saroruhābhā sarvāṅgī surendrādiprapūjitā | mahādevī maheśānī mahāsārasvatapradā ||

महासरस्वती मुक्ता मुक्तिदा मलनाशिनी । महेश्वरी महानन्दा महामन्त्रमयी मही ॥

mahāsarasvatī muktā muktidā malanāśinī | maheśvarī mahānandā mahāmantramayī mahī ||

महालक्ष्मीर्महाविद्या माता मन्दरवासिनी । मन्त्रगम्या मन्त्रमाता महामन्त्रफलप्रदा ॥

mahālakṣmīrmahāvidyā mātā mandaravāsinī | mantragamyā mantramātā mahāmantraphalapradā ||

महामुक्तिर्महानित्या महासिद्धिप्रदायिनी । महासिद्धा महामाता महदाकारसंयुता ॥

mahāmuktirmahānityā mahāsiddhipradāyinī | mahāsiddhā mahāmātā mahadākārasaṃyutā ||

महा महेश्वरी मूर्तिर्मोक्षदा मणिभूषणा । मेनका मानिनी मान्या मृत्युघ्नी मेरुरूपिणी ॥

mahā maheśvarī mūrtirmokṣadā maṇibhūṣaṇā | menakā māninī mānyā mṛtyughnī merurūpiṇī ||

मदिराक्षी मदावासा मखरूपा मखेश्वरी । महामोहा महामाया मातॄणां मूर्ध्निसंस्थिता ॥

madirākṣī madāvāsā makharūpā makheśvarī | mahāmohā mahāmāyā mātṝṇāṃ mūrdhnisaṃsthitā ||

महापुण्या मुदावासा महासम्पत्प्रदायिनी । मणिपूरैकनिलया मधुरूपा महोत्कटा ॥

mahāpuṇyā mudāvāsā mahāsampatpradāyinī | maṇipūraikanilayā madhurūpā mahotkaṭā ||

महासूक्ष्मा महाशान्ता महाशान्तिप्रदायिनी । मुनिस्तुता मोहहन्त्री माधवी माधवप्रिया ॥

mahāsūkṣmā mahāśāntā mahāśāntipradāyinī | munistutā mohahantrī mādhavī mādhavapriyā ||

मा महादेवसंस्तुत्या महिषीगणपूजिता । मृष्टान्नदा च माहेन्द्री महेन्द्रपददायिनी ॥

mā mahādevasaṃstutyā mahiṣīgaṇapūjitā | mṛṣṭānnadā ca māhendrī mahendrapadadāyinī ||

मतिर्मतिप्रदा मेधा मर्त्यलोकनिवासिनी । मुख्या महानिवासा च महाभाग्यजनाश्रिता ॥

matirmatipradā medhā martyalokanivāsinī | mukhyā mahānivāsā ca mahābhāgyajanāśritā ||

महिळा महिमा मृत्युहारी मेधाप्रदायिनी । मेध्या महावेगवती महामोक्षफलप्रदा ॥

mahil̤ā mahimā mṛtyuhārī medhāpradāyinī | medhyā mahāvegavatī mahāmokṣaphalapradā ||

महाप्रभाभा महती महादेवप्रियंकरी । महापोषा महर्द्धिश्च मुक्ताहारविभूषणा ॥

mahāprabhābhā mahatī mahādevapriyaṃkarī | mahāpoṣā maharddhiśca muktāhāravibhūṣaṇā ||

माणिक्यभूषणा मन्त्रा मुख्यचन्द्रार्धशेखरा । मनोरूपा मनःशुद्धिः मनःशुद्धिप्रदायिनी ॥

māṇikyabhūṣaṇā mantrā mukhyacandrārdhaśekharā | manorūpā manaḥśuddhiḥ manaḥśuddhipradāyinī ||

महाकारुण्यसम्पूर्णा मनोनमनवन्दिता । महापातकजालघ्नी मुक्तिदा मुक्तभूषणा ॥

mahākāruṇyasampūrṇā manonamanavanditā | mahāpātakajālaghnī muktidā muktabhūṣaṇā ||

मनोन्मनी महास्थूला महाक्रतुफलप्रदा । महापुण्यफलप्राप्या मायात्रिपुरनाशिनी ॥

manonmanī mahāsthūlā mahākratuphalapradā | mahāpuṇyaphalaprāpyā māyātripuranāśinī ||

महानसा महामेधा महामोदा महेश्वरी । मालाधरी महोपाया महातीर्थफलप्रदा ॥

mahānasā mahāmedhā mahāmodā maheśvarī | mālādharī mahopāyā mahātīrthaphalapradā ||

महामङ्गळसम्पूर्णा महादारिद्र्यनाशिनी । महामखा महामेघा महाकाळी महाप्रिया ॥

mahāmaṅgal̤asampūrṇā mahādāridryanāśinī | mahāmakhā mahāmeghā mahākāl̤ī mahāpriyā ||

महाभूषा महादेहा महाराज्ञी मुदालया । भूरिदा भाग्यदा भोग्या भोग्यदा भोगदायिनी ॥

mahābhūṣā mahādehā mahārājñī mudālayā | bhūridā bhāgyadā bhogyā bhogyadā bhogadāyinī ||

भवानी भूतिदा भूतिः भूमिर्भूमिसुनायिका । भूतधात्री भयहरी भक्तसारस्वतप्रदा ॥

bhavānī bhūtidā bhūtiḥ bhūmirbhūmisunāyikā | bhūtadhātrī bhayaharī bhaktasārasvatapradā ||

भुक्तिर्भुक्तिप्रदा भेकी भक्तिर्भक्तिप्रदायिनी । भक्तसायुज्यदा भक्तस्वर्गदा भक्तराज्यदा ॥

bhuktirbhuktipradā bhekī bhaktirbhaktipradāyinī | bhaktasāyujyadā bhaktasvargadā bhaktarājyadā ||

भागीरथी भवाराध्या भाग्यासज्जनपूजिता । भवस्तुत्या भानुमती भवसागरतारणी ॥

bhāgīrathī bhavārādhyā bhāgyāsajjanapūjitā | bhavastutyā bhānumatī bhavasāgaratāraṇī ||

भूतिर्भूषा च भूतेशी भाललोचनपूजिता । भूता भव्या भविष्या च भवविद्या भवात्मिका ॥

bhūtirbhūṣā ca bhūteśī bhālalocanapūjitā | bhūtā bhavyā bhaviṣyā ca bhavavidyā bhavātmikā ||

बाधापहारिणी बन्धुरूपा भुवनपूजिता । भवघ्नी भक्तिलभ्या च भक्तरक्षणतत्परा ॥

bādhāpahāriṇī bandhurūpā bhuvanapūjitā | bhavaghnī bhaktilabhyā ca bhaktarakṣaṇatatparā ||

भक्तार्तिशमनी भाग्या भोगदानकृतोद्यमा । भुजङ्गभूषणा भीमा भीमाक्षी भीमरूपिणी ॥

bhaktārtiśamanī bhāgyā bhogadānakṛtodyamā | bhujaṅgabhūṣaṇā bhīmā bhīmākṣī bhīmarūpiṇī ||

भाविनी भ्रातृरूपा च भारती भवनायिका । भाषा भाषावती भीष्मा भैरवी भैरवप्रिया ॥

bhāvinī bhrātṛrūpā ca bhāratī bhavanāyikā | bhāṣā bhāṣāvatī bhīṣmā bhairavī bhairavapriyā ||

भूतिर्भासितसर्वाङ्गी भूतिदा भूतिनायिका । भास्वती भगमाला च भिक्षादानकृतोद्यमा ॥

bhūtirbhāsitasarvāṅgī bhūtidā bhūtināyikā | bhāsvatī bhagamālā ca bhikṣādānakṛtodyamā ||

भिक्षुरूपा भक्तिकरी भक्तलक्ष्मीप्रदायिनी । भ्रान्तिघ्ना भ्रान्तिरूपा च भूतिदा भूतिकारिणी ॥

bhikṣurūpā bhaktikarī bhaktalakṣmīpradāyinī | bhrāntighnā bhrāntirūpā ca bhūtidā bhūtikāriṇī ||

भिक्षणीया भिक्षुमाता भाग्यवद्दृष्टिगोचरा । भोगवती भोगरूपा भोगमोक्षफलप्रदा ॥

bhikṣaṇīyā bhikṣumātā bhāgyavaddṛṣṭigocarā | bhogavatī bhogarūpā bhogamokṣaphalapradā ||

भोगश्रान्ता भाग्यवती भक्ताघौघविनाशिनी । ब्राह्मी ब्रह्मस्वरूपा च बृहती ब्रह्मवल्लभा ॥

bhogaśrāntā bhāgyavatī bhaktāghaughavināśinī | brāhmī brahmasvarūpā ca bṛhatī brahmavallabhā ||

ब्रह्मदा ब्रह्ममाता च ब्रह्माणी ब्रह्मदायिनी । ब्रह्मेशी ब्रह्मसंस्तुत्या ब्रह्मवेद्या बुधप्रिया ॥

brahmadā brahmamātā ca brahmāṇī brahmadāyinī | brahmeśī brahmasaṃstutyā brahmavedyā budhapriyā ||

बालेन्दुशेखरा बाला बलिपूजाकरप्रिया । बलदा बिन्दुरूपा च बालसूर्यसमप्रभा ॥

bālenduśekharā bālā balipūjākarapriyā | baladā bindurūpā ca bālasūryasamaprabhā ||

ब्रह्मरूपा ब्रह्ममयी ब्रध्नमण्डलमध्यगा । ब्रह्माणी बुद्धिदा बुद्धिर्बुद्धिरूपा बुधेश्वरी ॥

brahmarūpā brahmamayī bradhnamaṇḍalamadhyagā | brahmāṇī buddhidā buddhirbuddhirūpā budheśvarī ||

बन्धक्षयकरी बाधनाशनी बन्धुरूपिणी । बिन्द्वालया बिन्दुभूषा बिन्दुनादसमन्विता ॥

bandhakṣayakarī bādhanāśanī bandhurūpiṇī | bindvālayā bindubhūṣā bindunādasamanvitā ||

बीजरूपा बीजमाता ब्रह्मण्या ब्रह्मकारिणी । बहुरूपा बलवती ब्रह्मजा ब्रह्मचारिणी ॥

bījarūpā bījamātā brahmaṇyā brahmakāriṇī | bahurūpā balavatī brahmajā brahmacāriṇī ||

ब्रह्मस्तुत्या ब्रह्मविद्या ब्रह्माण्डाधिपवल्लभा । ब्रह्मेशविष्णुरूपा च ब्रह्मविष्ण्वीशसंस्थिता ॥

brahmastutyā brahmavidyā brahmāṇḍādhipavallabhā | brahmeśaviṣṇurūpā ca brahmaviṣṇvīśasaṃsthitā ||

बुद्धिरूपा बुधेशानी बन्धी बन्धविमोचनी । अक्षमालाक्षराकाराक्षराक्षरफलप्रदा ॥

buddhirūpā budheśānī bandhī bandhavimocanī | akṣamālākṣarākārākṣarākṣaraphalapradā ||

अनन्तानन्दसुखदानन्तचन्द्रनिभानना । अनन्तमहिमाघोरानन्तगम्भीरसम्मिता ॥

anantānandasukhadānantacandranibhānanā | anantamahimāghorānantagambhīrasammitā ||

अदृष्टादृष्टदानन्तादृष्टभाग्यफलप्रदा । अरुन्धत्यव्ययीनाथानेकसद्गुणसंयुता ॥

adṛṣṭādṛṣṭadānantādṛṣṭabhāgyaphalapradā | arundhatyavyayīnāthānekasadguṇasaṃyutā ||

अनेकभूषणादृश्यानेकलेखनिषेविता । अनन्तानन्तसुखदाघोराघोरस्वरूपिणी ॥

anekabhūṣaṇādṛśyānekalekhaniṣevitā | anantānantasukhadāghorāghorasvarūpiṇī ||

अशेषदेवतारूपामृतरूपामृतेश्वरी । अनवद्यानेकहस्तानेकमाणिक्यभूषणा ॥

aśeṣadevatārūpāmṛtarūpāmṛteśvarī | anavadyānekahastānekamāṇikyabhūṣaṇā ||

अनेकविघ्नसंहर्त्री ह्यनेकाभरणान्विता । अविद्याज्ञानसंहर्त्री ह्यविद्याजालनाशिनी ॥

anekavighnasaṃhartrī hyanekābharaṇānvitā | avidyājñānasaṃhartrī hyavidyājālanāśinī ||

अभिरूपानवद्याङ्गी ह्यप्रतर्क्यगतिप्रदा । अकळंकारूपिणी च ह्यनुग्रहपरायणा ॥

abhirūpānavadyāṅgī hyapratarkyagatipradā | akal̤aṃkārūpiṇī ca hyanugrahaparāyaṇā ||

अम्बरस्थाम्बरमयाम्बरमालाम्बुजेक्षणा । अम्बिकाब्जकराब्जस्थांशुमत्यंशुशतान्विता ॥

ambarasthāmbaramayāmbaramālāmbujekṣaṇā | ambikābjakarābjasthāṃśumatyaṃśuśatānvitā ||

अम्बुजानवराखण्डाम्बुजासनमहाप्रिया । अजरामरसंसेव्याजरसेवितपद्युगा ॥

ambujānavarākhaṇḍāmbujāsanamahāpriyā | ajarāmarasaṃsevyājarasevitapadyugā ||

अतुलार्थप्रदार्थैक्यात्युदारात्वभयान्विता । अनाथवत्सलानन्तप्रियानन्तेप्सितप्रदा ॥

atulārthapradārthaikyātyudārātvabhayānvitā | anāthavatsalānantapriyānantepsitapradā ||

अम्बुजाक्ष्यम्बुरूपाम्बुजातोद्भवमहाप्रिया । अखण्डात्वमरस्तुत्यामरनायकपूजिता ॥

ambujākṣyamburūpāmbujātodbhavamahāpriyā | akhaṇḍātvamarastutyāmaranāyakapūjitā ||

अजेयात्वजसंकाशाज्ञाननाशिन्यभीष्टदा । अक्ताघनेना चास्त्रेशी ह्यलक्ष्मीनाशिनी तथा ॥

ajeyātvajasaṃkāśājñānanāśinyabhīṣṭadā | aktāghanenā cāstreśī hyalakṣmīnāśinī tathā ||

अनन्तसारानन्तश्रीरनन्तविधिपूजिता । अभीष्टामर्त्यसम्पूज्या ह्यस्तोदयविवर्जिता ॥

anantasārānantaśrīranantavidhipūjitā | abhīṣṭāmartyasampūjyā hyastodayavivarjitā ||

आस्तिकस्वान्तनिलयास्त्ररूपास्त्रवती तथा । अस्खलत्यस्खलद्रूपास्खलद्विद्याप्रदायिनी ॥

āstikasvāntanilayāstrarūpāstravatī tathā | askhalatyaskhaladrūpāskhaladvidyāpradāyinī ||

अस्खलत्सिद्धिदानन्दाम्बुजातामरनायिका । अमेयाशेषपापघ्न्यक्षयसारस्वतप्रदा ॥

askhalatsiddhidānandāmbujātāmaranāyikā | ameyāśeṣapāpaghnyakṣayasārasvatapradā ||

जया जयन्ती जयदा जन्मकर्मविवर्जिता । जगत्प्रिया जगन्माता जगदीश्वरवल्लभा ॥

jayā jayantī jayadā janmakarmavivarjitā | jagatpriyā jaganmātā jagadīśvaravallabhā ||

जातिर्जया जितामित्रा जप्या जपनकारिणी । जीवनी जीवनिलया जीवाख्या जीवधारिणी ॥

jātirjayā jitāmitrā japyā japanakāriṇī | jīvanī jīvanilayā jīvākhyā jīvadhāriṇī ||

जाह्नवी ज्या जपवती जातिरूपा जयप्रदा । जनार्दनप्रियकरी जोषनीया जगत्स्थिता ॥

jāhnavī jyā japavatī jātirūpā jayapradā | janārdanapriyakarī joṣanīyā jagatsthitā ||

जगज्ज्येष्ठा जगन्माया जीवनत्राणकारिणी । जीवातुलतिका जीवजन्मी जन्मनिबर्हणी ॥

jagajjyeṣṭhā jaganmāyā jīvanatrāṇakāriṇī | jīvātulatikā jīvajanmī janmanibarhaṇī ||

जाड्यविध्वंसनकरी जगद्योनिर्जयात्मिका । जगदानन्दजननी जम्बूश्च जलजेक्षणा ॥

jāḍyavidhvaṃsanakarī jagadyonirjayātmikā | jagadānandajananī jambūśca jalajekṣaṇā ||

जयन्ती जङ्गपूगघ्नी जनितज्ञानविग्रहा । जटा जटावती जप्या जपकर्तृप्रियंकरी ॥

jayantī jaṅgapūgaghnī janitajñānavigrahā | jaṭā jaṭāvatī japyā japakartṛpriyaṃkarī ||

जपकृत्पापसंहर्त्री जपकृत्फलदायिनी । जपापुष्पसमप्रख्या जपाकुसुमधारिणी ॥

japakṛtpāpasaṃhartrī japakṛtphaladāyinī | japāpuṣpasamaprakhyā japākusumadhāriṇī ||

जननी जन्मरहिता ज्योतिर्वृत्यभिदायिनी । जटाजूटनचन्द्रार्धा जगत्सृष्टिकरी तथा ॥

jananī janmarahitā jyotirvṛtyabhidāyinī | jaṭājūṭanacandrārdhā jagatsṛṣṭikarī tathā ||

जगत्त्राणकरी जाड्यध्वंसकर्त्री जयेश्वरी । जगद्बीजा जयावासा जन्मभूर्जन्मनाशिनी ॥

jagattrāṇakarī jāḍyadhvaṃsakartrī jayeśvarī | jagadbījā jayāvāsā janmabhūrjanmanāśinī ||

जन्मान्त्यरहिता जैत्री जगद्योनिर्जपात्मिका । जयलक्षणसम्पूर्णा जयदानकृतोद्यमा ॥

janmāntyarahitā jaitrī jagadyonirjapātmikā | jayalakṣaṇasampūrṇā jayadānakṛtodyamā ||

जम्भराद्यादिसंस्तुत्या जम्भारिफलदायिनी । जगत्त्रयहिता ज्येष्ठा जगत्त्रयवशंकरी ॥

jambharādyādisaṃstutyā jambhāriphaladāyinī | jagattrayahitā jyeṣṭhā jagattrayavaśaṃkarī ||

जगत्त्रयाम्बा जगती ज्वाला ज्वालितलोचना । ज्वालिनी ज्वलनाभासा ज्वलन्ती ज्वलनात्मिका ॥

jagattrayāmbā jagatī jvālā jvālitalocanā | jvālinī jvalanābhāsā jvalantī jvalanātmikā ||

जितारातिसुरस्तुत्या जितक्रोधा जितेन्द्रिया । जरामरणशून्या च जनित्री जन्मनाशिनी ॥

jitārātisurastutyā jitakrodhā jitendriyā | jarāmaraṇaśūnyā ca janitrī janmanāśinī ||

जलजाभा जलमयी जलजासनवल्लभा । जलजस्था जपाराध्या जनमङ्गळकारिणी ॥

jalajābhā jalamayī jalajāsanavallabhā | jalajasthā japārādhyā janamaṅgal̤akāriṇī ||

कामिनी कामरूपा च काम्या कामप्रदायिनी । कमौळी कामदा कर्त्री क्रतुकर्मफलप्रदा ॥

kāminī kāmarūpā ca kāmyā kāmapradāyinī | kamaul̤ī kāmadā kartrī kratukarmaphalapradā ||

कृतघ्नघ्नी क्रियारूपा कार्यकारणरूपिणी । कञ्जाक्षी करुणारूपा केवलामरसेविता ॥

kṛtaghnaghnī kriyārūpā kāryakāraṇarūpiṇī | kañjākṣī karuṇārūpā kevalāmarasevitā ||

कल्याणकारिणी कान्ता कान्तिदा कान्तिरूपिणी । कमला कमलावासा कमलोत्पलमालिनी ॥

kalyāṇakāriṇī kāntā kāntidā kāntirūpiṇī | kamalā kamalāvāsā kamalotpalamālinī ||

कुमुद्वती च कल्याणी कान्तिः कामेशवल्लभा । कामेश्वरी कमलिनी कामदा कामबन्धिनी ॥

kumudvatī ca kalyāṇī kāntiḥ kāmeśavallabhā | kāmeśvarī kamalinī kāmadā kāmabandhinī ||

कामधेनुः काञ्चनाक्षी काञ्चनाभा कळानिधिः । क्रिया कीर्तिकरी कीर्तिः क्रतुश्रेष्ठा कृतेश्वरी ॥

kāmadhenuḥ kāñcanākṣī kāñcanābhā kal̤ānidhiḥ | kriyā kīrtikarī kīrtiḥ kratuśreṣṭhā kṛteśvarī ||

क्रतुसर्वक्रियास्तुत्या क्रतुकृत्प्रियकारिणी । क्लेशनाशकरी कर्त्री कर्मदा कर्मबन्धिनी ॥

kratusarvakriyāstutyā kratukṛtpriyakāriṇī | kleśanāśakarī kartrī karmadā karmabandhinī ||

कर्मबन्धहरी कृष्टा क्लमघ्नी कञ्जलोचना । कन्दर्पजननी कान्ता करुणा करुणावती ॥

karmabandhaharī kṛṣṭā klamaghnī kañjalocanā | kandarpajananī kāntā karuṇā karuṇāvatī ||

क्लींकारिणी कृपाकारा कृपासिन्धुः कृपावती । करुणार्द्रा कीर्तिकरी कल्मषघ्नी क्रियाकरी ॥

klīṃkāriṇī kṛpākārā kṛpāsindhuḥ kṛpāvatī | karuṇārdrā kīrtikarī kalmaṣaghnī kriyākarī ||

क्रियाशक्तिः कामरूपा कमलोत्पलगन्धिनी । कळा कळावती कूर्मी कूटस्था कञ्जसंस्थिता ॥

kriyāśaktiḥ kāmarūpā kamalotpalagandhinī | kal̤ā kal̤āvatī kūrmī kūṭasthā kañjasaṃsthitā ||

काळिका कल्मषघ्नी च कमनीयजटान्विता । करपद्मा कराभीष्टप्रदा क्रतुफलप्रदा ॥

kāl̤ikā kalmaṣaghnī ca kamanīyajaṭānvitā | karapadmā karābhīṣṭapradā kratuphalapradā ||

कौशिकी कोशदा काव्या कर्त्री कोशेश्वरी कृशा । कूर्मयाना कल्पलता कालकूटविनाशिनी ॥

kauśikī kośadā kāvyā kartrī kośeśvarī kṛśā | kūrmayānā kalpalatā kālakūṭavināśinī ||

कल्पोद्यानवती कल्पवनस्था कल्पकारिणी । कदम्बकुसुमाभासा कदम्बकुसुमप्रिया ॥

kalpodyānavatī kalpavanasthā kalpakāriṇī | kadambakusumābhāsā kadambakusumapriyā ||

कदम्बोद्यानमध्यस्था कीर्तिदा कीर्तिभूषणा । कुलमाता कुलावासा कुलाचारप्रियंकरी ॥

kadambodyānamadhyasthā kīrtidā kīrtibhūṣaṇā | kulamātā kulāvāsā kulācārapriyaṃkarī ||

कुलानाथा कामकळा कळानाथा कळेश्वरी । कुन्दमन्दारपुष्पाभा कपर्दस्थितचन्द्रिका ॥

kulānāthā kāmakal̤ā kal̤ānāthā kal̤eśvarī | kundamandārapuṣpābhā kapardasthitacandrikā ||

कवित्वदा काव्यमाता कविमाता कळाप्रदा । तरुणी तरुणीताता ताराधिपसमानना ॥

kavitvadā kāvyamātā kavimātā kal̤āpradā | taruṇī taruṇītātā tārādhipasamānanā ||

तृप्तिस्तृप्तिप्रदा तर्क्या तपनी तापिनी तथा । तर्पणी तीर्थरूपा च त्रिदशा त्रिदशेश्वरी ॥

tṛptistṛptipradā tarkyā tapanī tāpinī tathā | tarpaṇī tīrtharūpā ca tridaśā tridaśeśvarī ||

त्रिदिवेशी त्रिजननी त्रिमाता त्र्यम्बकेश्वरी । त्रिपुरा त्रिपुरेशानी त्र्यम्बका त्रिपुराम्बिका ॥

tridiveśī trijananī trimātā tryambakeśvarī | tripurā tripureśānī tryambakā tripurāmbikā ||

त्रिपुरश्रीस्त्रयीरूपा त्रयीवेद्या त्रयीश्वरी । त्रय्यन्तवेदिनी ताम्रा तापत्रितयहारिणी ॥

tripuraśrīstrayīrūpā trayīvedyā trayīśvarī | trayyantavedinī tāmrā tāpatritayahāriṇī ||

तमालसदृशी त्राता तरुणादित्यसन्निभा । त्रैलोक्यव्यापिनी तृप्ता तृप्तिकृत्तत्वरूपिणी ॥

tamālasadṛśī trātā taruṇādityasannibhā | trailokyavyāpinī tṛptā tṛptikṛttatvarūpiṇī ||

तुर्या त्रैलोक्यसंस्तुत्या त्रिगुणा त्रिगुणेश्वरी । त्रिपुरघ्नी त्रिमाता च त्र्यम्बका त्रिगुणान्विता ॥

turyā trailokyasaṃstutyā triguṇā triguṇeśvarī | tripuraghnī trimātā ca tryambakā triguṇānvitā ||

तृष्णाच्छेदकरी तृप्ता तीक्ष्णा तीक्ष्णस्वरूपिणी । तुला तुलादिरहिता तत्तद्ब्रह्मस्वरूपिणी ॥

tṛṣṇācchedakarī tṛptā tīkṣṇā tīkṣṇasvarūpiṇī | tulā tulādirahitā tattadbrahmasvarūpiṇī ||

त्राणकर्त्री त्रिपापघ्नी त्रिपदा त्रिदशान्विता । तथ्या त्रिशक्तिस्त्रिपदा तुर्या त्रैलोक्यसुन्दरी ॥

trāṇakartrī tripāpaghnī tripadā tridaśānvitā | tathyā triśaktistripadā turyā trailokyasundarī ||

तेजस्करी त्रिमूर्त्याद्या तेजोरूपा त्रिधामता । त्रिचक्रकर्त्री त्रिभगा तुर्यातीतफलप्रदा ॥

tejaskarī trimūrtyādyā tejorūpā tridhāmatā | tricakrakartrī tribhagā turyātītaphalapradā ||

तेजस्विनी तापहारी तापोपप्लवनाशिनी । तेजोगर्भा तपःसारा त्रिपुरारिप्रियंकरी ॥

tejasvinī tāpahārī tāpopaplavanāśinī | tejogarbhā tapaḥsārā tripurāripriyaṃkarī ||

तन्वी तापससंतुष्टा तपनाङ्गजभीतिनुत् । त्रिलोचना त्रिमार्गा च तृतीया त्रिदशस्तुता ॥

tanvī tāpasasaṃtuṣṭā tapanāṅgajabhītinut | trilocanā trimārgā ca tṛtīyā tridaśastutā ||

त्रिसुन्दरी त्रिपथगा तुरीयपददायिनी । शुभा शुभावती शान्ता शान्तिदा शुभदायिनी ॥

trisundarī tripathagā turīyapadadāyinī | śubhā śubhāvatī śāntā śāntidā śubhadāyinī ||

शीतळा शूलिनी शीता श्रीमती च शुभान्विता । योगसिद्धिप्रदा योग्या यज्ञेनपरिपूरिता ॥

śītal̤ā śūlinī śītā śrīmatī ca śubhānvitā | yogasiddhipradā yogyā yajñenaparipūritā ||

यज्या यज्ञमयी यक्षी यक्षिणी यक्षिवल्लभा । यज्ञप्रिया यज्ञपूज्या यज्ञतुष्टा यमस्तुता ॥

yajyā yajñamayī yakṣī yakṣiṇī yakṣivallabhā | yajñapriyā yajñapūjyā yajñatuṣṭā yamastutā ||

यामिनीयप्रभा याम्या यजनीया यशस्करी । यज्ञकर्त्री यज्ञरूपा यशोदा यज्ञसंस्तुता ॥

yāminīyaprabhā yāmyā yajanīyā yaśaskarī | yajñakartrī yajñarūpā yaśodā yajñasaṃstutā ||

यज्ञेशी यज्ञफलदा योगयोनिर्यजुस्तुता । यमिसेव्या यमाराध्या यमिपूज्या यमीश्वरी ॥

yajñeśī yajñaphaladā yogayoniryajustutā | yamisevyā yamārādhyā yamipūjyā yamīśvarī ||

योगिनी योगरूपा च योगकर्तृप्रियंकरी । योगयुक्ता योगमयी योगयोगीश्वराम्बिका ॥

yoginī yogarūpā ca yogakartṛpriyaṃkarī | yogayuktā yogamayī yogayogīśvarāmbikā ||

योगज्ञानमयी योनिर्यमाद्यष्टाङ्गयोगता । यन्त्रिताघौघसंहारा यमलोकनिवारिणी ॥

yogajñānamayī yoniryamādyaṣṭāṅgayogatā | yantritāghaughasaṃhārā yamalokanivāriṇī ||

यष्टिव्यष्टीशसंस्तुत्या यमाद्यष्टाङ्गयोगयुक् । योगीश्वरी योगमाता योगसिद्धा च योगदा ॥

yaṣṭivyaṣṭīśasaṃstutyā yamādyaṣṭāṅgayogayuk | yogīśvarī yogamātā yogasiddhā ca yogadā ||

योगारूढा योगमयी योगरूपा यवीयसी । यन्त्ररूपा च यन्त्रस्था यन्त्रपूज्या च यन्त्रिता ॥

yogārūḍhā yogamayī yogarūpā yavīyasī | yantrarūpā ca yantrasthā yantrapūjyā ca yantritā ||

युगकर्त्री युगमयी युगधर्मविवर्जिता । यमुना यमिनी याम्या यमुनाजलमध्यगा ॥

yugakartrī yugamayī yugadharmavivarjitā | yamunā yaminī yāmyā yamunājalamadhyagā ||

यातायातप्रशमनी यातनानान्निकृन्तनी । योगावासा योगिवन्द्या यत्तच्छब्दस्वरूपिणी ॥

yātāyātapraśamanī yātanānānnikṛntanī | yogāvāsā yogivandyā yattacchabdasvarūpiṇī ||

योगक्षेममयी यन्त्रा यावदक्षरमातृका । यावत्पदमयी यावच्छब्दरूपा यथेश्वरी ॥

yogakṣemamayī yantrā yāvadakṣaramātṛkā | yāvatpadamayī yāvacchabdarūpā yatheśvarī ||

यत्तदीया यक्षवन्द्या यद्विद्या यतिसंस्तुता । यावद्विद्यामयी यावद्विद्यावृन्दसुवन्दिता ॥

yattadīyā yakṣavandyā yadvidyā yatisaṃstutā | yāvadvidyāmayī yāvadvidyāvṛndasuvanditā ||

योगिहृत्पद्मनिलया योगिवर्यप्रियंकरी । योगिवन्द्या योगिमाता योगीशफलदायिनी ॥

yogihṛtpadmanilayā yogivaryapriyaṃkarī | yogivandyā yogimātā yogīśaphaladāyinī ||

यक्षवन्द्या यक्षपूज्या यक्षराजसुपूजिता । यज्ञरूपा यज्ञतुष्टा यायजूकस्वरूपिणी ॥

yakṣavandyā yakṣapūjyā yakṣarājasupūjitā | yajñarūpā yajñatuṣṭā yāyajūkasvarūpiṇī ||

यन्त्राराध्या यन्त्रमध्या यन्त्रकर्तृप्रियंकरी । यन्त्रारूढा यन्त्रपूज्या योगिध्यानपरायणा ॥

yantrārādhyā yantramadhyā yantrakartṛpriyaṃkarī | yantrārūḍhā yantrapūjyā yogidhyānaparāyaṇā ||

यजनीया यमस्तुत्या योगयुक्ता यशस्करी । योगबद्धा यतिस्तुत्या योगज्ञा योगनायकी ॥

yajanīyā yamastutyā yogayuktā yaśaskarī | yogabaddhā yatistutyā yogajñā yoganāyakī ||

योगिज्ञानप्रदा यक्षी यमबाधाविनाशिनी । योगिकाम्यप्रदात्री च योगिमोक्षप्रदायिनी ॥

yogijñānapradā yakṣī yamabādhāvināśinī | yogikāmyapradātrī ca yogimokṣapradāyinī ||

इति नाम्नां सरस्वत्याः सहस्रं समुदीरितम् । मन्त्रात्मकं महागोप्यं महासारस्वतप्रदम् ॥

iti nāmnāṃ sarasvatyāḥ sahasraṃ samudīritam | mantrātmakaṃ mahāgopyaṃ mahāsārasvatapradam ||

यः पठेच्छृणुयाद्भक्त्या त्रिकालं साधकः पुमान् । सर्वविद्यानिधिः साक्षात् स एव भवति ध्रुवम् ॥

yaḥ paṭhecchṛṇuyādbhaktyā trikālaṃ sādhakaḥ pumān | sarvavidyānidhiḥ sākṣāt sa eva bhavati dhruvam ||

लभते संपदः सर्वाः पुत्रपौत्रादिसंयुताः । मूकोऽपि सर्वविद्यासु चतुर्मुख इवापरः ॥

labhate saṃpadaḥ sarvāḥ putrapautrādisaṃyutāḥ | mūko'pi sarvavidyāsu caturmukha ivāparaḥ ||

भूत्वा प्राप्नोति सान्निध्यं अन्ते धातुर्मुनीश्वर । सर्वमन्त्रमयं सर्वविद्यामानफलप्रदम् ॥

bhūtvā prāpnoti sānnidhyaṃ ante dhāturmunīśvara | sarvamantramayaṃ sarvavidyāmānaphalapradam ||

महाकवित्वदं पुंसां महासिद्धिप्रदायकम् । कस्मैचिन्न प्रदातव्यं प्राणैः कण्ठगतैरपि ॥

mahākavitvadaṃ puṃsāṃ mahāsiddhipradāyakam | kasmaicinna pradātavyaṃ prāṇaiḥ kaṇṭhagatairapi ||

महारहस्यं सततं वाणीनामसहस्रकम् । सुसिद्धमस्मदादीनां स्तोत्रं ते समुदीरितम् ॥

mahārahasyaṃ satataṃ vāṇīnāmasahasrakam | susiddhamasmadādīnāṃ stotraṃ te samudīritam ||

॥ इति श्रीस्कान्दपुराणान्तर्गत सनत्कुमार संहितायां नारद सनत्कुमार संवादे सरस्वतीसहस्रनामस्तोत्रं सम्पूर्णम् ॥

|| iti śrīskāndapurāṇāntargata sanatkumāra saṃhitāyāṃ nārada sanatkumāra saṃvāde sarasvatīsahasranāmastotraṃ sampūrṇam ||