श्रीसीतासहस्रनामस्तोत्रम्

वाल्मीकिविरचिते अद्भुतरामायणे पञ्चविंशति सर्गान्तर्गतं श्रीरामकृतं सीतासहस्रनामस्तोत्रम् ।

vālmīkiviracite adbhutarāmāyaṇe pañcaviṃśati sargāntargataṃ śrīrāmakṛtaṃ sītāsahasranāmastotram |

ब्रह्मणो वचनं श्रुत्वा रामः कमललोचनः । प्रोन्मील्य शनकैरक्षी वेपमानो महाभुजः ॥

brahmaṇo vacanaṃ śrutvā rāmaḥ kamalalocanaḥ | pronmīlya śanakairakṣī vepamāno mahābhujaḥ ||

प्रणम्य शिरसा भूमौ तेजसा चापि विह्वलः । भीतः कृताञ्जलिपुटः प्रोवाच परमेश्वरीम् ॥

praṇamya śirasā bhūmau tejasā cāpi vihvalaḥ | bhītaḥ kṛtāñjalipuṭaḥ provāca parameśvarīm ||

का त्वं देवि विशालाक्षि शशाङ्कावयवाङ्किते । न जाने त्वां महादेवि यथावद्ब्रूहि पृच्छते ॥

kā tvaṃ devi viśālākṣi śaśāṅkāvayavāṅkite | na jāne tvāṃ mahādevi yathāvadbrūhi pṛcchate ||

रामस्य वचनं श्रुत्वा ततः सा परमेश्वरी । व्याजहार रघुव्याघ्रं योगिनामभयप्रदा ॥

rāmasya vacanaṃ śrutvā tataḥ sā parameśvarī | vyājahāra raghuvyāghraṃ yogināmabhayapradā ||

मां विद्धि परमां शक्तिं महेश्वरसमाश्रयाम् । अनन्यामव्ययामेकां यां पश्यन्ति मुमुक्षवः ॥

māṃ viddhi paramāṃ śaktiṃ maheśvarasamāśrayām | ananyāmavyayāmekāṃ yāṃ paśyanti mumukṣavaḥ ||

अहं वै सर्वभावानामात्मा सर्वान्तरा शिवा । शाश्वती सर्वविज्ञाना सर्वमूर्तिप्रवर्तिका ॥

ahaṃ vai sarvabhāvānāmātmā sarvāntarā śivā | śāśvatī sarvavijñānā sarvamūrtipravartikā ||

अनन्तानन्तमहिमा संसारार्णवतारिणी । दिव्यं ददामि ते चक्षुः पश्य मे पदमैश्वरम् ॥

anantānantamahimā saṃsārārṇavatāriṇī | divyaṃ dadāmi te cakṣuḥ paśya me padamaiśvaram ||

इत्युक्त्वा विररामैषा रामोऽपश्यच्च तत्पदम् । कोटिसूर्यप्रतीकाशं विश्वक्तेजोनिराकुलम् ॥

ityuktvā virarāmaiṣā rāmo'paśyacca tatpadam | koṭisūryapratīkāśaṃ viśvaktejonirākulam ||

ज्वालावलीसहस्राढ्यं कालानलशतोपमम् । दंष्ट्राकरालं दुर्धर्षं जटामण्डलमण्डितम् ॥

jvālāvalīsahasrāḍhyaṃ kālānalaśatopamam | daṃṣṭrākarālaṃ durdharṣaṃ jaṭāmaṇḍalamaṇḍitam ||

त्रिशूलवरहस्तं च घोररूपं भयावहम् । प्रशाम्यत्सौम्यवदनमनन्तैश्वर्यसंयुतम् ॥

triśūlavarahastaṃ ca ghorarūpaṃ bhayāvaham | praśāmyatsaumyavadanamanantaiśvaryasaṃyutam ||

चन्द्रावयवलक्ष्माढ्यं चन्द्रकोटिसमप्रभम् । किरीटिनं गदाहस्तं नूपुरैरुपशोभितम् ॥

candrāvayavalakṣmāḍhyaṃ candrakoṭisamaprabham | kirīṭinaṃ gadāhastaṃ nūpurairupaśobhitam ||

दिव्यमाल्याम्बरधरं दिव्यगन्धानुलेपनम् । शङ्खचक्रकरं काम्यं त्रिनेत्रं कृत्तिवाससम् ॥

divyamālyāmbaradharaṃ divyagandhānulepanam | śaṅkhacakrakaraṃ kāmyaṃ trinetraṃ kṛttivāsasam ||

अन्तःस्थं चाण्डबाह्यस्थं बाह्याभ्यन्तरतःपरम् । सर्वशक्तिमयं शान्तं सर्वाकारं सनातनम् ॥

antaḥsthaṃ cāṇḍabāhyasthaṃ bāhyābhyantarataḥparam | sarvaśaktimayaṃ śāntaṃ sarvākāraṃ sanātanam ||

ब्रह्मेन्द्रोपेन्द्रयोगीन्द्रैरीड्यमानपदाम्बुजम् । सर्वतः पाणिपादं तत्सर्वतोऽक्षिशिरोमुखम् ॥

brahmendropendrayogīndrairīḍyamānapadāmbujam | sarvataḥ pāṇipādaṃ tatsarvato'kṣiśiromukham ||

सर्वमावृत्य तिष्ठन्तं ददर्श पदमैश्वरम् । दृष्ट्वा च तादृशं रूपं दिव्यं माहेश्वरं पदम् ॥

sarvamāvṛtya tiṣṭhantaṃ dadarśa padamaiśvaram | dṛṣṭvā ca tādṛśaṃ rūpaṃ divyaṃ māheśvaraṃ padam ||

तथैव च समाविष्टः स रामो हृतमानसः । आत्मन्याधाय चात्मानमोङ्कारं समनुस्मरन् ॥

tathaiva ca samāviṣṭaḥ sa rāmo hṛtamānasaḥ | ātmanyādhāya cātmānamoṅkāraṃ samanusmaran ||

नाम्नामष्टसहस्रेण तुष्टाव परमेश्वरीम् ।

nāmnāmaṣṭasahasreṇa tuṣṭāva parameśvarīm |

ॐ सीतोमा परमा शक्तिरनन्ता निष्कलामला ॥

oṃ sītomā paramā śaktiranantā niṣkalāmalā ||

शान्ता माहेश्वरी चैव शाश्वती १० परमाक्षरा । अचिन्त्या केवलानन्ता शिवात्मा परमात्मिका ॥

śāntā māheśvarī caiva śāśvatī 10 paramākṣarā | acintyā kevalānantā śivātmā paramātmikā ||

अनादिरव्यया शुद्धा देवात्मा २० सर्वगोचरा । एकानेकविभागस्था मायातीता सुनिर्मला ॥

anādiravyayā śuddhā devātmā 20 sarvagocarā | ekānekavibhāgasthā māyātītā sunirmalā ||

महामाहेश्वरी शक्ता महादेवी निरञ्जना । काष्ठा ३० सर्वान्तरस्था च चिच्छक्तिरतिलालसा ॥

mahāmāheśvarī śaktā mahādevī nirañjanā | kāṣṭhā 30 sarvāntarasthā ca cicchaktiratilālasā ||

जानकी मिथिलानन्दा राक्षसान्तविधायिनी । रावणान्तरकरी रम्या रामवक्षःस्थलालया ॥

jānakī mithilānandā rākṣasāntavidhāyinī | rāvaṇāntarakarī ramyā rāmavakṣaḥsthalālayā ||

उमा सर्वात्मिका ४० विद्या ज्योतिरूपायुताक्षरा । शान्तिः प्रतिष्ठा सर्वेषां निवृत्तिरमृतप्रदा ॥

umā sarvātmikā 40 vidyā jyotirūpāyutākṣarā | śāntiḥ pratiṣṭhā sarveṣāṃ nivṛttiramṛtapradā ||

व्योममूर्तिर्व्योममयी व्योमधाराऽच्युता ५१ लता । अनादिनिधना योषा कारणात्मा कलाकुला ॥

vyomamūrtirvyomamayī vyomadhārā'cyutā 51 latā | anādinidhanā yoṣā kāraṇātmā kalākulā ||

नन्दप्रथमजा नाभिरमृतस्यान्तसंश्रया । प्राणेश्वरप्रिया ६० मातामही महिषवाहना ॥

nandaprathamajā nābhiramṛtasyāntasaṃśrayā | prāṇeśvarapriyā 60 mātāmahī mahiṣavāhanā ||

प्राणेश्वरी प्राणरूपा प्रधानपुरुषेश्वरी । सर्वशक्तिः कला काष्ठा ज्योत्स्नेन्दोर्महिमाऽऽस्पदा ॥

prāṇeśvarī prāṇarūpā pradhānapuruṣeśvarī | sarvaśaktiḥ kalā kāṣṭhā jyotsnendormahimā''spadā ||

सर्वकार्यनियन्त्री च सर्वभूतेश्वरेश्वरी । अनादिरव्यक्तगुणा महानन्दा सनातनी ॥

sarvakāryaniyantrī ca sarvabhūteśvareśvarī | anādiravyaktaguṇā mahānandā sanātanī ||

आकाशयोनिर्योगस्था सर्वयोगेश्वरेश्वरी ८० । शवासना चितान्तःस्था महेशी वृषवाहना ॥

ākāśayoniryogasthā sarvayogeśvareśvarī 80 | śavāsanā citāntaḥsthā maheśī vṛṣavāhanā ||

बालिका तरुणी वृद्धा वृद्धमाता जरातुरा । महामाया ९० सुदुष्पूरा मूलप्रकृतिरीश्वरी ॥

bālikā taruṇī vṛddhā vṛddhamātā jarāturā | mahāmāyā 90 suduṣpūrā mūlaprakṛtirīśvarī ||

संसारयोनिः सकला सर्वशक्तिसमुद्भवा । संसारसारा दुर्वारा दुर्निरीक्ष्या दुरासदा १०० ॥

saṃsārayoniḥ sakalā sarvaśaktisamudbhavā | saṃsārasārā durvārā durnirīkṣyā durāsadā 100 ||

प्राणशक्तिः प्राणविद्या योगिनी परमा कला । महाविभूतिर्दुर्धर्षा मूलप्रकृतिसम्भवा ॥

prāṇaśaktiḥ prāṇavidyā yoginī paramā kalā | mahāvibhūtirdurdharṣā mūlaprakṛtisambhavā ||

अनाद्यनन्तविभवा परात्मा पुरुषो बली ११० । सर्गस्थित्यन्तकरणी सुदुर्वाच्या दुरत्यया ॥

anādyanantavibhavā parātmā puruṣo balī 110 | sargasthityantakaraṇī sudurvācyā duratyayā ||

शब्दयोनिश्शब्दमयी नादाख्या नादविग्रहा । प्रधानपुरुषातीता प्रधानपुरुषात्मिका ॥

śabdayoniśśabdamayī nādākhyā nādavigrahā | pradhānapuruṣātītā pradhānapuruṣātmikā ||

पुराणी १२० चिन्मयी पुंसामादिः पुरुषरूपिणी । भूतान्तरात्मा कूटस्था महापुरुषसंज्ञिता ॥

purāṇī 120 cinmayī puṃsāmādiḥ puruṣarūpiṇī | bhūtāntarātmā kūṭasthā mahāpuruṣasaṃjñitā ||

जन्ममृत्युजरातीता सर्वशक्तिसमन्विता । व्यापिनी चानवच्छिन्ना १३० प्रधाना सुप्रवेशिनी ॥

janmamṛtyujarātītā sarvaśaktisamanvitā | vyāpinī cānavacchinnā 130 pradhānā supraveśinī ||

क्षेत्रज्ञा शक्तिरव्यक्तलक्षणा मलवर्जिता । अनादिमायासम्भिन्ना त्रितत्त्वा प्रकृतिर्गुणः १४० ॥

kṣetrajñā śaktiravyaktalakṣaṇā malavarjitā | anādimāyāsambhinnā tritattvā prakṛtirguṇaḥ 140 ||

महामाया समुत्पन्ना तामसी पौरुषं ध्रुवा । व्यक्ताव्यक्तात्मिका कृष्णा रक्तशुक्लाप्रसूतिका ॥

mahāmāyā samutpannā tāmasī pauruṣaṃ dhruvā | vyaktāvyaktātmikā kṛṣṇā raktaśuklāprasūtikā ||

स्वकार्या १५० कार्यजननी ब्रह्मास्या ब्रह्मसंश्रया । व्यक्ता प्रथमजा ब्राह्मी महती ज्ञानरूपिणी ॥

svakāryā 150 kāryajananī brahmāsyā brahmasaṃśrayā | vyaktā prathamajā brāhmī mahatī jñānarūpiṇī ||

वैराग्यैश्वर्यधर्मात्मा ब्रह्ममूर्तिर्हृदिस्थिता । १६१ जयदा जित्वरी जैत्री जयश्रीर्जयशालिनी ॥

vairāgyaiśvaryadharmātmā brahmamūrtirhṛdisthitā | 161 jayadā jitvarī jaitrī jayaśrīrjayaśālinī ||

सुखदा शुभदा सत्या शुभा १७० सङ्क्षोभकारिणी । अपां योनिः स्वयम्भूतिर्मानसी तत्त्वसम्भवा ॥

sukhadā śubhadā satyā śubhā 170 saṅkṣobhakāriṇī | apāṃ yoniḥ svayambhūtirmānasī tattvasambhavā ||

ईश्वराणी च सर्वाणी शङ्करार्द्धशरीरिणी । भवानी चैव रुद्राणी १८० महालक्ष्मीरथाम्बिका ॥

īśvarāṇī ca sarvāṇī śaṅkarārddhaśarīriṇī | bhavānī caiva rudrāṇī 180 mahālakṣmīrathāmbikā ||

माहेश्वरी समुत्पन्ना भुक्तिमुक्तिफलप्रदा । सर्वेश्वरी सर्ववर्णा नित्या मुदितमानसा ॥

māheśvarī samutpannā bhuktimuktiphalapradā | sarveśvarī sarvavarṇā nityā muditamānasā ||

ब्रह्मेन्द्रोपेन्द्रनमिता शङ्करेच्छानुवर्तिनी १९० । ईश्वरार्द्धासनगता रघूत्तमपतिव्रता ॥

brahmendropendranamitā śaṅkarecchānuvartinī 190 | īśvarārddhāsanagatā raghūttamapativratā ||

सकृद्विभाविता सर्वा समुद्रपरिशोषिणी । पार्वती हिमवत्पुत्री परमानन्ददायिनी ॥

sakṛdvibhāvitā sarvā samudrapariśoṣiṇī | pārvatī himavatputrī paramānandadāyinī ||

गुणाढ्या योगदा २०० योग्या ज्ञानमूर्तिर्विकासिनी । सावित्री कमला लक्ष्मी श्रीरनन्तोरसि स्थिता ॥

guṇāḍhyā yogadā 200 yogyā jñānamūrtirvikāsinī | sāvitrī kamalā lakṣmī śrīranantorasi sthitā ||

सरोजनिलया शुभ्रा योगनिद्रा २१० सुदर्शना । सरस्वती सर्वविद्या जगज्ज्येष्ठा सुमङ्गला ॥

sarojanilayā śubhrā yoganidrā 210 sudarśanā | sarasvatī sarvavidyā jagajjyeṣṭhā sumaṅgalā ||

वासवी वरदा वाच्या कीर्तिः सर्वार्थसाधिका २२० । वागीश्वरी सर्वविद्या महाविद्या सुशोभना ॥

vāsavī varadā vācyā kīrtiḥ sarvārthasādhikā 220 | vāgīśvarī sarvavidyā mahāvidyā suśobhanā ||

गुह्यविद्याऽऽत्मविद्या च सर्वविद्याऽऽत्मभाविता । स्वाहा विश्वम्भरी २३० सिद्धिः स्वधा मेधा धृतिः श्रुतिः ॥

guhyavidyā''tmavidyā ca sarvavidyā''tmabhāvitā | svāhā viśvambharī 230 siddhiḥ svadhā medhā dhṛtiḥ śrutiḥ ||

नाभिः सुनाभिः सुकृतिर्माधवी नरवाहिनी २४० । पूजा विभावरी सौम्या भगिनी भोगदायिनी ॥

nābhiḥ sunābhiḥ sukṛtirmādhavī naravāhinī 240 | pūjā vibhāvarī saumyā bhaginī bhogadāyinī ||

शोभा वंशकरी लीला मानिनी परमेष्ठिनी २५० । त्रैलोक्यसुन्दरी रम्या सुन्दरी कामचारिणी ॥

śobhā vaṃśakarī līlā māninī parameṣṭhinī 250 | trailokyasundarī ramyā sundarī kāmacāriṇī ||

महानुभावमध्यस्था महामहिषमर्दिनी । पद्ममाला पापहरा विचित्रमुकुटानना ॥

mahānubhāvamadhyasthā mahāmahiṣamardinī | padmamālā pāpaharā vicitramukuṭānanā ||

कान्ता २६० चित्राम्बरधरा दिव्याभरणभूषिता । हंसाख्या व्योमनिलया जगत्सृष्टिविवर्द्धिनी ॥

kāntā 260 citrāmbaradharā divyābharaṇabhūṣitā | haṃsākhyā vyomanilayā jagatsṛṣṭivivarddhinī ||

निर्यन्त्रा मन्त्रवाहस्था नन्दिनी भद्रकालिका । आदित्यवर्णा २७० कौमारी मयूरवरवाहिनी ॥

niryantrā mantravāhasthā nandinī bhadrakālikā | ādityavarṇā 270 kaumārī mayūravaravāhinī ||

वृषासनगता गौरी महाकाली सुरार्चिता । अदितिर्नियता रौद्री पद्मगर्भा २८० विवाहना ॥

vṛṣāsanagatā gaurī mahākālī surārcitā | aditirniyatā raudrī padmagarbhā 280 vivāhanā ||

विरूपाक्षी लेलिहाना महासुरविनाशिनी । महाफलानवद्याङ्गी कामपूरा विभावरी ॥

virūpākṣī lelihānā mahāsuravināśinī | mahāphalānavadyāṅgī kāmapūrā vibhāvarī ||

कौशिकी कर्षिणी रात्रिस्त्रिदशार्त्तिविनाशनी ॥

kauśikī karṣiṇī rātristridaśārttivināśanī ||

विरूपा च सरूपा च भीमा मोक्षप्रदायिनी । भक्तार्त्तिनाशिनी भव्या ३०० भवभावविनाशिनी ॥

virūpā ca sarūpā ca bhīmā mokṣapradāyinī | bhaktārttināśinī bhavyā 300 bhavabhāvavināśinī ||

निर्गुणा नित्यविभवा निःसारा निरपत्रपा । यशस्विनी सामगीतिर्भावाङ्गनिलयालया ॥

nirguṇā nityavibhavā niḥsārā nirapatrapā | yaśasvinī sāmagītirbhāvāṅganilayālayā ||

दीक्षा ३१० विद्याधरी दीप्ता महेन्द्रविनिपातिनी । सर्वातिशायिनी विद्या सर्वशक्तिप्रदायिनी ॥

dīkṣā 310 vidyādharī dīptā mahendravinipātinī | sarvātiśāyinī vidyā sarvaśaktipradāyinī ||

सर्वेश्वरप्रिया तार्क्षी समुद्रान्तरवासिनी । अकलङ्का निराधारा ३२० नित्यसिद्धा निरामया ॥

sarveśvarapriyā tārkṣī samudrāntaravāsinī | akalaṅkā nirādhārā 320 nityasiddhā nirāmayā ||

कामधेनुर्वेदगर्भा धीमती मोहनाशिनी । निःसङ्कल्पा निरातङ्का विनया विनयप्रदा ३२० ॥

kāmadhenurvedagarbhā dhīmatī mohanāśinī | niḥsaṅkalpā nirātaṅkā vinayā vinayapradā 320 ||

ज्वालामालासहस्राढ्या देवदेवी मनोन्मनी । उर्वी गुर्वी गुरुः श्रेष्ठा सगुणा षड्गुणात्मिका ॥

jvālāmālāsahasrāḍhyā devadevī manonmanī | urvī gurvī guruḥ śreṣṭhā saguṇā ṣaḍguṇātmikā ||

महाभगवती ३४० भव्या वसुदेवसमुद्भवा । महेन्द्रोपेन्द्रभगिनी भक्तिगम्यपरायणा ॥

mahābhagavatī 340 bhavyā vasudevasamudbhavā | mahendropendrabhaginī bhaktigamyaparāyaṇā ||

ज्ञानज्ञेया जरातीता वेदान्तविषया गतिः । दक्षिणा ३५० दहना बाह्या सर्वभूतनमस्कृता ॥

jñānajñeyā jarātītā vedāntaviṣayā gatiḥ | dakṣiṇā 350 dahanā bāhyā sarvabhūtanamaskṛtā ||

योगमाया विभावज्ञा महामोहा महीयसी । सत्या सर्वसमुद्भूतिर्ब्रह्मवृक्षाश्रया ३६० मतिः ॥

yogamāyā vibhāvajñā mahāmohā mahīyasī | satyā sarvasamudbhūtirbrahmavṛkṣāśrayā 360 matiḥ ||

बीजाङ्कुरसमुद्भूतिर्महाशक्तिर्महामतिः । ख्यातिः प्रतिज्ञा चित्संविन्महायोगेन्द्रशायिनी ॥

bījāṅkurasamudbhūtirmahāśaktirmahāmatiḥ | khyātiḥ pratijñā citsaṃvinmahāyogendraśāyinī ||

विकृतिः ३७० शङ्करी शास्त्री गन्धर्वा यक्षसेविता । वैश्वानरी महाशाला देवसेना गुहप्रिया ॥

vikṛtiḥ 370 śaṅkarī śāstrī gandharvā yakṣasevitā | vaiśvānarī mahāśālā devasenā guhapriyā ||

महारात्री शिवानन्दा शची ३८० दुःस्वप्ननाशिनी । पूज्यापूज्या जगद्धात्री दुर्विज्ञेयस्वरूपिणी ॥

mahārātrī śivānandā śacī 380 duḥsvapnanāśinī | pūjyāpūjyā jagaddhātrī durvijñeyasvarūpiṇī ||

गुहाम्बिका गुहोत्पत्तिर्महापीठा मरुत्सुता । हव्यवाहान्तरा ३९० गार्गी हव्यवाहसमुद्भवा ॥

guhāmbikā guhotpattirmahāpīṭhā marutsutā | havyavāhāntarā 390 gārgī havyavāhasamudbhavā ||

जगद्योनिर्जगन्माता जगन्मृत्युर्जरातिगा । बुद्धिर्माता बुद्धिमती पुरुषान्तरवासिनी ४०० ॥

jagadyonirjaganmātā jaganmṛtyurjarātigā | buddhirmātā buddhimatī puruṣāntaravāsinī 400 ||

तपस्विनी समाधिस्था त्रिनेत्रा दिविसंस्थिता । सर्वेन्द्रियमनोमाता सर्वभूतहृदिस्थिता ॥

tapasvinī samādhisthā trinetrā divisaṃsthitā | sarvendriyamanomātā sarvabhūtahṛdisthitā ||

ब्रह्माणी बृहती ४१० ब्राह्मी ब्रह्मभूता भयावनी ॥

brahmāṇī bṛhatī 410 brāhmī brahmabhūtā bhayāvanī ||

हिरण्यमयी महारात्रिः संसारपरिवर्तिका । सुमालिनी सुरूपा च तारिणी भाविनी ४२० प्रभा ॥

hiraṇyamayī mahārātriḥ saṃsāraparivartikā | sumālinī surūpā ca tāriṇī bhāvinī 420 prabhā ||

उन्मीलनी सर्वसहा सर्वप्रत्ययसाक्षिणी । तपिनी तापिनी विश्वा भोगदा धारिणी धरा ४३० ॥

unmīlanī sarvasahā sarvapratyayasākṣiṇī | tapinī tāpinī viśvā bhogadā dhāriṇī dharā 430 ||

सुसौम्या चन्द्रवदना ताण्डवासक्तमानसा । सत्त्वशुद्धिकरी शुद्धिर्मलत्रयविनाशिनी ॥

susaumyā candravadanā tāṇḍavāsaktamānasā | sattvaśuddhikarī śuddhirmalatrayavināśinī ||

जगत्प्रिया जगन्मूर्तिस्त्रिमूर्तिरमृताश्रया ४४० । निराश्रया निराहारा निरङ्कुशरणोद्भभवा ॥

jagatpriyā jaganmūrtistrimūrtiramṛtāśrayā 440 | nirāśrayā nirāhārā niraṅkuśaraṇodbhabhavā ||

चक्रहस्ता विचित्राङ्गी स्रग्विणी पद्मधारिणी । परापरविधानज्ञा महापुरुषपूर्वजा ॥

cakrahastā vicitrāṅgī sragviṇī padmadhāriṇī | parāparavidhānajñā mahāpuruṣapūrvajā ||

विद्येश्वरप्रियाऽविद्या विदुज्जिह्वा जितश्रमा । ४५३ विद्यामयी सहस्राक्षी सहस्रश्रवणात्मजा ॥

vidyeśvarapriyā'vidyā vidujjihvā jitaśramā | 453 vidyāmayī sahasrākṣī sahasraśravaṇātmajā ||

ज्वालिनी ४६० सद्मना व्याप्ता तैजसी पद्मरोधिका ॥

jvālinī 460 sadmanā vyāptā taijasī padmarodhikā ||

महादेवाश्रया मान्या महादेवमनोरमा । व्योमलक्ष्मीश्च सिंहस्था चेकितान्यमितप्रभा ४७० ॥

mahādevāśrayā mānyā mahādevamanoramā | vyomalakṣmīśca siṃhasthā cekitānyamitaprabhā 470 ||

विश्वेश्वरी विमानस्था विशोका शोकनाशिनी । अनाहता कुण्डलिनी नलिनी पद्मवासिनी ॥

viśveśvarī vimānasthā viśokā śokanāśinī | anāhatā kuṇḍalinī nalinī padmavāsinī ||

शतानन्दा सतां कीर्तिः ४८० सर्वभूताशयस्थिता । वाग्देवता ब्रह्मकला कलातीता कलावती ॥

śatānandā satāṃ kīrtiḥ 480 sarvabhūtāśayasthitā | vāgdevatā brahmakalā kalātītā kalāvatī ||

ब्रह्मर्षिर्ब्रह्महृदया ब्रहाविष्णुशिवप्रिया । व्योमशक्तिः क्रियाशक्तिर्जनशक्तिः परागतिः ॥

brahmarṣirbrahmahṛdayā brahāviṣṇuśivapriyā | vyomaśaktiḥ kriyāśaktirjanaśaktiḥ parāgatiḥ ||

क्षोभिका रौद्रिका भेद्या भेदाभेदविवर्जिता । अभिन्ना भिन्नसंस्थाना वंशिनी वंशहारिणी ५०० ॥

kṣobhikā raudrikā bhedyā bhedābhedavivarjitā | abhinnā bhinnasaṃsthānā vaṃśinī vaṃśahāriṇī 500 ||

गुह्यशक्तिर्गुणातीता सर्वदा सर्वतोमुखी । भगिनी भगवत्पत्नीं सकला कालकारिणी ॥

guhyaśaktirguṇātītā sarvadā sarvatomukhī | bhaginī bhagavatpatnīṃ sakalā kālakāriṇī ||

सर्ववित्सर्वतोभद्रा ५१० गुह्यातीता गुहाबलिः । प्रक्रिया योगमाता च गन्धा विश्वेश्वरेश्वरी ॥

sarvavitsarvatobhadrā 510 guhyātītā guhābaliḥ | prakriyā yogamātā ca gandhā viśveśvareśvarī ||

कपिला कपिलाकान्ता कनकाभा कलान्तरा ५२० । पुण्या पुष्करिणी भोक्त्री पुरन्दरपुरःसरा ॥

kapilā kapilākāntā kanakābhā kalāntarā 520 | puṇyā puṣkariṇī bhoktrī purandarapuraḥsarā ||

पोषणी परमैश्वर्यभूतिदा भूतिभूषणा । पञ्चब्रह्मसमुत्पत्तिः परमात्मात्ऽऽमविग्रहा ॥

poṣaṇī paramaiśvaryabhūtidā bhūtibhūṣaṇā | pañcabrahmasamutpattiḥ paramātmāt''mavigrahā ||

नर्मोदया ५३० भानुमती योगिज्ञेया मनोजवा । बीजरूपा रजोरूपा वशिनी योगरूपिणी ॥

narmodayā 530 bhānumatī yogijñeyā manojavā | bījarūpā rajorūpā vaśinī yogarūpiṇī ||

सुमन्त्रा मन्त्रिणी पूर्णा ५४० ह्लादिनी क्लेशनाशिनी । मनोहरिर्मनोरक्षी तापसी वेदरूपिणी ॥

sumantrā mantriṇī pūrṇā 540 hlādinī kleśanāśinī | manoharirmanorakṣī tāpasī vedarūpiṇī ||

वेदशक्तिर्वेदमाता वेदविद्याप्रकाशिनी । योगेश्वरेश्वरी ५५० माला महाशक्तिर्मनोमयी ॥

vedaśaktirvedamātā vedavidyāprakāśinī | yogeśvareśvarī 550 mālā mahāśaktirmanomayī ||

विश्वावस्था वीरमुक्तिर्विद्युन्माला विहायसी । पीवरी सुरभी वन्द्या ५६० नन्दिनी नन्दवल्लभा ॥

viśvāvasthā vīramuktirvidyunmālā vihāyasī | pīvarī surabhī vandyā 560 nandinī nandavallabhā ||

भारती परमानन्दा परापरविभेदिका । सर्वप्रहरणोपेता काम्या कामेश्वरेश्वरी ॥

bhāratī paramānandā parāparavibhedikā | sarvapraharaṇopetā kāmyā kāmeśvareśvarī ||

अचिन्त्याचिन्त्यमहिमा ५७० दुर्लेखा कनकप्रभा । कूष्माण्डी धनरत्नाढ्या सुगन्धा गन्धदायिनी ॥

acintyācintyamahimā 570 durlekhā kanakaprabhā | kūṣmāṇḍī dhanaratnāḍhyā sugandhā gandhadāyinī ||

त्रिविक्रमपदोद्भूता धनुष्पाणिः शिरोहया । सुदुर्लभा ५८० धनाध्यक्षा धन्या पिङ्गललोचना ॥

trivikramapadodbhūtā dhanuṣpāṇiḥ śirohayā | sudurlabhā 580 dhanādhyakṣā dhanyā piṅgalalocanā ||

भ्रान्तिः प्रभावती दीप्तिः पङ्कजायतलोचना । आद्या हृत्कमलोद्भूता परामाता ५९० रणप्रिया ॥

bhrāntiḥ prabhāvatī dīptiḥ paṅkajāyatalocanā | ādyā hṛtkamalodbhūtā parāmātā 590 raṇapriyā ||

सत्क्रिया गिरिजा नित्यशुद्धा पुष्पनिरन्तरा । दुर्गा कात्यायनी चण्डी चर्चिका शान्तविग्रहा ६०० ॥

satkriyā girijā nityaśuddhā puṣpanirantarā | durgā kātyāyanī caṇḍī carcikā śāntavigrahā 600 ||

हिरण्यवर्णा रजनी जगन्मन्त्रप्रवर्तिका । मन्दराद्रिनिवासा च शारदा स्वर्णमालिनी ॥

hiraṇyavarṇā rajanī jaganmantrapravartikā | mandarādrinivāsā ca śāradā svarṇamālinī ||

रत्नमाला रत्नगर्भा पृथ्वी विश्वप्रमाथिनी ६१० । पद्मासना पद्मनिभा नित्यतुष्टामृतोद्भवा ॥

ratnamālā ratnagarbhā pṛthvī viśvapramāthinī 610 | padmāsanā padmanibhā nityatuṣṭāmṛtodbhavā ||

धुन्वती दुष्प्रकम्पा च सूर्यमाता दृषद्वती । महेन्द्रभगिनी माया ६२० वरेण्या वरदर्पिता ॥

dhunvatī duṣprakampā ca sūryamātā dṛṣadvatī | mahendrabhaginī māyā 620 vareṇyā varadarpitā ||

कल्याणी कमला रामा पञ्चभूतवरप्रदा । वाच्या वरेश्वरी नन्द्या दुर्जया ६३० दुरतिक्रमा ॥

kalyāṇī kamalā rāmā pañcabhūtavarapradā | vācyā vareśvarī nandyā durjayā 630 duratikramā ||

कालरात्रिर्महावेगा वीरभद्रहितप्रिया । भद्रकाली जगन्माता भक्तानां भद्रदायिनी ॥

kālarātrirmahāvegā vīrabhadrahitapriyā | bhadrakālī jaganmātā bhaktānāṃ bhadradāyinī ||

कराला पिङ्गलाकारा नामवेदा ६४० महानदा । तपस्विनी यशोदा च यथाध्वपरिवर्तिनी ॥

karālā piṅgalākārā nāmavedā 640 mahānadā | tapasvinī yaśodā ca yathādhvaparivartinī ||

शङ्खिनी पद्मिनी साङ्ख्या साङ्ख्ययोगप्रवर्तिका । चैत्री संवत्सरा ६५० रुद्रा जगत्सम्पूरणीन्द्रजा ॥

śaṅkhinī padminī sāṅkhyā sāṅkhyayogapravartikā | caitrī saṃvatsarā 650 rudrā jagatsampūraṇīndrajā ||

शुम्भारिः खेचरी खस्था कम्बुग्रीवा कलिप्रिया । खरध्वजा खरारूढा ६६० परार्ध्या परमालिनी ॥

śumbhāriḥ khecarī khasthā kambugrīvā kalipriyā | kharadhvajā kharārūḍhā 660 parārdhyā paramālinī ||

ऐश्वर्यरत्ननिलया विरक्ता गरुडासना । जयन्ती हृद्गुहा रम्या सत्त्ववेगा गणाग्रणीः ॥

aiśvaryaratnanilayā viraktā garuḍāsanā | jayantī hṛdguhā ramyā sattvavegā gaṇāgraṇīḥ ||

सङ्कल्पसिद्धा ६७० साम्यस्था सर्वविज्ञानदायिनी । कलिकल्मषहन्त्री च गुह्योपनिषदुत्तमा ॥

saṅkalpasiddhā 670 sāmyasthā sarvavijñānadāyinī | kalikalmaṣahantrī ca guhyopaniṣaduttamā ||

नित्यदृष्टिः स्मृतिर्व्याप्तिः पुष्टिस्तुष्टिः ६८० क्रियावती । विश्वामरेश्वरेशाना भुक्तिर्मुक्तिः शिवामृता ॥

nityadṛṣṭiḥ smṛtirvyāptiḥ puṣṭistuṣṭiḥ 680 kriyāvatī | viśvāmareśvareśānā bhuktirmuktiḥ śivāmṛtā ||

लोहिता सर्वमाता च भीषणा वनमालिनी ६९० । अनन्तशयनानाद्या नरनारायणोद्भवा ॥

lohitā sarvamātā ca bhīṣaṇā vanamālinī 690 | anantaśayanānādyā naranārāyaṇodbhavā ||

नृसिंही दैत्यमथिनी शङ्खचक्रगदाधरा । सङ्कर्षणसमुत्पत्तिरम्बिकोपात्तसंश्रया ॥

nṛsiṃhī daityamathinī śaṅkhacakragadādharā | saṅkarṣaṇasamutpattirambikopāttasaṃśrayā ||

महाज्वाला महामूर्तिः ७०० सुमूर्तिः सर्वकामधुक् । सुप्रभा सुतरां गौरी धर्मकामार्थमोक्षदा ॥

mahājvālā mahāmūrtiḥ 700 sumūrtiḥ sarvakāmadhuk | suprabhā sutarāṃ gaurī dharmakāmārthamokṣadā ||

भ्रूमध्यनिलयाऽपूर्वा प्रधानपुरुषा बली । महाविभूतिदा ७१० मध्या सरोजनयनासना ॥

bhrūmadhyanilayā'pūrvā pradhānapuruṣā balī | mahāvibhūtidā 710 madhyā sarojanayanāsanā ||

अष्टादशभुजा नाट्या नीलोत्पलदलप्रभा । सर्वशक्ता समारूढा धर्माधर्मानुवर्जिता ॥

aṣṭādaśabhujā nāṭyā nīlotpaladalaprabhā | sarvaśaktā samārūḍhā dharmādharmānuvarjitā ||

वैराग्यज्ञाननिरता निरालोका ७२० निरिन्द्रिया । विचित्रगहना धीरा शाश्वतस्थानवासिनी ॥

vairāgyajñānaniratā nirālokā 720 nirindriyā | vicitragahanā dhīrā śāśvatasthānavāsinī ||

स्थानेश्वरी निरानन्दा त्रिशूलवरधारिणी । अशेषदेवतामूर्तिदेवता परदेवता ७३० ॥

sthāneśvarī nirānandā triśūlavaradhāriṇī | aśeṣadevatāmūrtidevatā paradevatā 730 ||

गणात्मिका गिरेः पुत्री निशुम्भविनिपातिनि । अवर्णा वर्णरहिता निर्वर्णा बीजसम्भवा ॥

gaṇātmikā gireḥ putrī niśumbhavinipātini | avarṇā varṇarahitā nirvarṇā bījasambhavā ||

अनन्तवर्णानन्यस्था शङ्करी ७४० शान्तमानसा । अगोत्रा गोमती गोप्त्री गुह्यरूपा गुणान्तरा ॥

anantavarṇānanyasthā śaṅkarī 740 śāntamānasā | agotrā gomatī goptrī guhyarūpā guṇāntarā ||

गोश्रीर्गव्यप्रिया गौरी गणेश्वरनमस्कृता । सत्यमात्रा ७५० सत्यसन्धा त्रिसन्ध्या सन्धिवर्जिता ॥

gośrīrgavyapriyā gaurī gaṇeśvaranamaskṛtā | satyamātrā 750 satyasandhā trisandhyā sandhivarjitā ||

सर्ववादाश्रया साङ्ख्या साङ्ख्ययोगसमुद्भवा । असङ्ख्येयाप्रमेयाख्या शून्या शुद्धकुलोद्भवा ७६० ॥

sarvavādāśrayā sāṅkhyā sāṅkhyayogasamudbhavā | asaṅkhyeyāprameyākhyā śūnyā śuddhakulodbhavā 760 ||

बिन्दुनादसमुत्पत्तिः शम्भुवामा शशिप्रभा । विसङ्गा भेदरहिता मनोज्ञा मधुसूदनी ॥

bindunādasamutpattiḥ śambhuvāmā śaśiprabhā | visaṅgā bhedarahitā manojñā madhusūdanī ||

महाश्रीः श्रीसमुत्पत्ति ७७० स्तमःपारे प्रतिष्ठिता । त्रितत्त्वमाता त्रिविधा सुसूक्ष्मपदसंश्रया ॥

mahāśrīḥ śrīsamutpatti 770 stamaḥpāre pratiṣṭhitā | tritattvamātā trividhā susūkṣmapadasaṃśrayā ||

शान्त्यातीता मलातीता निर्विकारा निराश्रया । शिवाख्या चित्रनिलया ७८० शिवज्ञानस्वरूपिणी ॥

śāntyātītā malātītā nirvikārā nirāśrayā | śivākhyā citranilayā 780 śivajñānasvarūpiṇī ||

दैत्यदानवनिर्मात्री काश्यपी कालकर्णिका । शास्त्रयोनिः क्रियामूर्तिश्चतुर्वर्गप्रदर्शिका ॥

daityadānavanirmātrī kāśyapī kālakarṇikā | śāstrayoniḥ kriyāmūrtiścaturvargapradarśikā ||

नारायणी नवोद्भूता कौमुदी ७९० लिङ्गधारिणी । कामुकी ललिता तारा परापरविभूतिदा ॥

nārāyaṇī navodbhūtā kaumudī 790 liṅgadhāriṇī | kāmukī lalitā tārā parāparavibhūtidā ||

परान्तजातमहिमा वाडवा वामलोचना । सुभद्रा देवकी ८०० सीता वेदवेदाङ्गपारगा ॥

parāntajātamahimā vāḍavā vāmalocanā | subhadrā devakī 800 sītā vedavedāṅgapāragā ||

मनस्विनी मन्युमाता महामन्युसमुद्भवा । अमृत्युरमृतास्वादा पुरुहूता पुरुप्लुता ॥

manasvinī manyumātā mahāmanyusamudbhavā | amṛtyuramṛtāsvādā puruhūtā puruplutā ||

अशोच्या ८१० भिन्नविषया हिरण्यरजतप्रिया । हिरण्या राजती हैमी हेमाभरणभूषिता ॥

aśocyā 810 bhinnaviṣayā hiraṇyarajatapriyā | hiraṇyā rājatī haimī hemābharaṇabhūṣitā ||

विभ्राजमाना दुर्ज्ञेया ज्योतिष्टोमफलप्रदा । महानिद्रा ८२० समुद्भूतिर्बलीन्द्रा सत्यदेवता ॥

vibhrājamānā durjñeyā jyotiṣṭomaphalapradā | mahānidrā 820 samudbhūtirbalīndrā satyadevatā ||

दीर्घा ककुद्मिनी विद्या शान्तिदा शान्तिवर्द्धिनी । लक्ष्म्यादिशक्तिजननी शक्तिचक्रप्रवर्तिका ॥

dīrghā kakudminī vidyā śāntidā śāntivarddhinī | lakṣmyādiśaktijananī śakticakrapravartikā ||

त्रिशक्तिजननी ८३० जन्या षडूर्मिपरिवर्जिता । स्वाहा च कर्मकरणी युगान्तदलनात्मिका ॥

triśaktijananī 830 janyā ṣaḍūrmiparivarjitā | svāhā ca karmakaraṇī yugāntadalanātmikā ||

सङ्कर्षणा जगद्धात्री कामयोनिः किरीटिनी । ऐन्द्री ८४० त्रैलोक्यनमिता वैष्णवी परमेश्वरी ॥

saṅkarṣaṇā jagaddhātrī kāmayoniḥ kirīṭinī | aindrī 840 trailokyanamitā vaiṣṇavī parameśvarī ||

प्रद्युम्नदयिता दान्ता युग्मदृष्टिस्त्रिलोचना । महोत्कटा हंसगतिः प्रचण्डा ८५० चण्डविक्रमा ॥

pradyumnadayitā dāntā yugmadṛṣṭistrilocanā | mahotkaṭā haṃsagatiḥ pracaṇḍā 850 caṇḍavikramā ||

वृषावेशा वियन्मात्रा विन्ध्यपर्वतवासिनी । हिमवन्मेरुनिलया कैलासगिरिवासिनी ॥

vṛṣāveśā viyanmātrā vindhyaparvatavāsinī | himavanmerunilayā kailāsagirivāsinī ||

चाणूरहन्त्री तनया नीतिज्ञा कामरूपिणी ८६० । वेदविद्या व्रतरता धर्मशीलानिलाशना ॥

cāṇūrahantrī tanayā nītijñā kāmarūpiṇī 860 | vedavidyā vrataratā dharmaśīlānilāśanā ||

अयोध्यानिलया वीरा महाकालसमुद्भवा । विद्याधरक्रिया सिद्धा विद्याधरनिराकृतिः ॥

ayodhyānilayā vīrā mahākālasamudbhavā | vidyādharakriyā siddhā vidyādharanirākṛtiḥ ||

आप्यायन्ती ८७० वहन्ती च पावनी पोषणी खिला । मातृका मन्मथोद्भूता वारिजा वाहनप्रिया ॥

āpyāyantī 870 vahantī ca pāvanī poṣaṇī khilā | mātṛkā manmathodbhūtā vārijā vāhanapriyā ||

करीषिणी स्वधा ८८० वाणी वीणावादनतत्परा । सेविता सेविका सेवा सिनीवाली गरुत्मती ॥

karīṣiṇī svadhā 880 vāṇī vīṇāvādanatatparā | sevitā sevikā sevā sinīvālī garutmatī ||

अरुन्धती हिरण्याक्षी मणिदा श्रीवसुप्रदा ८९० । वसुमती वसोर्धारा वसुन्धरासमुद्भवा ॥

arundhatī hiraṇyākṣī maṇidā śrīvasupradā 890 | vasumatī vasordhārā vasundharāsamudbhavā ||

वरारोहा वरार्हा च वपुःसङ्गसमुद्भवा । श्रीफली श्रीमती श्रीशा श्रीनिवासा ९०० हरिप्रिया ॥

varārohā varārhā ca vapuḥsaṅgasamudbhavā | śrīphalī śrīmatī śrīśā śrīnivāsā 900 haripriyā ||

श्रीधरी श्रीकरी कम्पा श्रीधरा ईशवीरणी । अनन्तदृष्टिरक्षुद्रा धात्रीशा धनदप्रिया ९१० ॥

śrīdharī śrīkarī kampā śrīdharā īśavīraṇī | anantadṛṣṭirakṣudrā dhātrīśā dhanadapriyā 910 ||

निहन्त्री दैत्यसिंहानां सिंहिका सिंहवाहिनी । सुसेना चन्द्रनिलया सुकीर्तिश्छिन्नसंशया ॥

nihantrī daityasiṃhānāṃ siṃhikā siṃhavāhinī | susenā candranilayā sukīrtiśchinnasaṃśayā ||

बलज्ञा बलदा वामा ९२० लेलिहानामृताश्रवा । नित्योदिता स्वयञ्ज्योतिरुत्सुकामृतजीविनी ॥

balajñā baladā vāmā 920 lelihānāmṛtāśravā | nityoditā svayañjyotirutsukāmṛtajīvinī ||

वज्रदंष्ट्रा वज्रजिह्वा वैदेही वज्रविग्रहा ९३० । मङ्गल्या मङ्गला माला मलिना मलहारिणी ॥

vajradaṃṣṭrā vajrajihvā vaidehī vajravigrahā 930 | maṅgalyā maṅgalā mālā malinā malahāriṇī ||

गान्धर्वी गारुडी चान्द्री कम्बलाश्वतरप्रिया । सौदामिनी ९४० जनानन्दा भ्रुकुटीकुटिलानना ॥

gāndharvī gāruḍī cāndrī kambalāśvatarapriyā | saudāminī 940 janānandā bhrukuṭīkuṭilānanā ||

कर्णिकारकरा कक्षा कंसप्राणापहारिणी । युगन्धरा युगावर्त्ता त्रिसन्ध्याहर्षवर्धिनी ॥

karṇikārakarā kakṣā kaṃsaprāṇāpahāriṇī | yugandharā yugāvarttā trisandhyāharṣavardhinī ||

प्रत्यक्षदेवता ९५० दिव्या दिव्यगन्धा दिवापरा । शक्रासनगता शाक्री साध्वी नारी शवासना ॥

pratyakṣadevatā 950 divyā divyagandhā divāparā | śakrāsanagatā śākrī sādhvī nārī śavāsanā ||

इष्टा विशिष्टा ९६० शिष्टेष्टा शिष्टाशिष्टप्रपूजिता । शतरूपा शतावर्त्ता विनीता सुरभिः सुरा ॥

iṣṭā viśiṣṭā 960 śiṣṭeṣṭā śiṣṭāśiṣṭaprapūjitā | śatarūpā śatāvarttā vinītā surabhiḥ surā ||

सुरेन्द्रमाता सुद्युम्ना ९७० सुषुम्ना सूर्यसंस्थिता । समीक्षा सत्प्रतिष्ठा च निर्वृत्तिर्ज्ञानपारगा ॥

surendramātā sudyumnā 970 suṣumnā sūryasaṃsthitā | samīkṣā satpratiṣṭhā ca nirvṛttirjñānapāragā ||

धर्मशास्त्रार्थकुशला धर्मज्ञा धर्मवाहना । धर्माधर्मविनिर्मात्री ९८० धार्मिकाणां शिवप्रदा ॥

dharmaśāstrārthakuśalā dharmajñā dharmavāhanā | dharmādharmavinirmātrī 980 dhārmikāṇāṃ śivapradā ||

धर्मशक्तिर्धर्ममयी विधर्मा विश्वधर्मिणी । धर्मान्तरा धर्ममध्या धर्मपूर्वी धनप्रिया ॥

dharmaśaktirdharmamayī vidharmā viśvadharmiṇī | dharmāntarā dharmamadhyā dharmapūrvī dhanapriyā ||

धर्मोपदेशा ९९० धर्मात्मा धर्मलभ्या धराधरा । कपाली शाकलामूर्तिः कलाकलितविग्रहा ॥

dharmopadeśā 990 dharmātmā dharmalabhyā dharādharā | kapālī śākalāmūrtiḥ kalākalitavigrahā ||

धर्मशक्तिविनिर्मुक्ता सर्वशक्त्याश्रया तथा । सर्वा सर्वेश्वरी १००० सूक्ष्मा सुसूक्ष्मज्ञानरूपिणी ॥

dharmaśaktivinirmuktā sarvaśaktyāśrayā tathā | sarvā sarveśvarī 1000 sūkṣmā susūkṣmajñānarūpiṇī ||

प्रधानपुरुषेशाना महापुरुषसाक्षिणी । सदाशिवा वियन्मूर्तिर्देवमूर्तिरमूर्तिका १००८ ॥

pradhānapuruṣeśānā mahāpuruṣasākṣiṇī | sadāśivā viyanmūrtirdevamūrtiramūrtikā 1008 ||

एवं नाम्नां सहस्रेण तुष्टाव रघुनन्दनः । कृताञ्जलिपुटो भूत्वा सीतां हृष्टतनूरुहाम् ॥

evaṃ nāmnāṃ sahasreṇa tuṣṭāva raghunandanaḥ | kṛtāñjalipuṭo bhūtvā sītāṃ hṛṣṭatanūruhām ||

भारद्वाज महाभाग यश्चैतस्तोत्रमद्भुतम् । श‍ृणुयाद्वा पठेद्वापि स याति परमं पदम् ॥

bhāradvāja mahābhāga yaścaitastotramadbhutam | śa‍ṛṇuyādvā paṭhedvāpi sa yāti paramaṃ padam ||

ब्रह्मक्षत्रियविड्योनिर्ब्रह्म प्राप्नोति शाश्वतम् । शूद्रः सद्गतिमाप्नोति धनधान्यविभूतयः ॥

brahmakṣatriyaviḍyonirbrahma prāpnoti śāśvatam | śūdraḥ sadgatimāpnoti dhanadhānyavibhūtayaḥ ||

भवन्ति स्तोत्रमहात्म्यादेतत्स्वस्त्ययनं महत् । मारीभये राजभये तथा चोराग्निजे भये ॥

bhavanti stotramahātmyādetatsvastyayanaṃ mahat | mārībhaye rājabhaye tathā corāgnije bhaye ||

व्याधीनां प्रभवे घोरे शत्रूत्थाने च सङ्कटे । अनावृष्टिभये विप्र सर्वशान्तिकरं परम् ॥

vyādhīnāṃ prabhave ghore śatrūtthāne ca saṅkaṭe | anāvṛṣṭibhaye vipra sarvaśāntikaraṃ param ||

यद्यदिष्टतमं यस्य तत्सर्वं स्तोत्रतो भवेत् । यत्रैतत्पठ्यते सम्यक् सीतानामसहस्रकम् ॥

yadyadiṣṭatamaṃ yasya tatsarvaṃ stotrato bhavet | yatraitatpaṭhyate samyak sītānāmasahasrakam ||

रामेण सहिता देवी तत्र तिष्ठत्यसंशयम् । महापापातिपापानि विलयं यान्ति सुव्रत ॥

rāmeṇa sahitā devī tatra tiṣṭhatyasaṃśayam | mahāpāpātipāpāni vilayaṃ yānti suvrata ||

इत्यार्षे श्रीमद्रामायणे वाल्मीकीये आदिकाव्ये अद्भुतोत्तरकाण्डे सीतासहस्रनामस्तोत्रकथनं नाम पञ्चविंशतितमः सर्गः ॥

ityārṣe śrīmadrāmāyaṇe vālmīkīye ādikāvye adbhutottarakāṇḍe sītāsahasranāmastotrakathanaṃ nāma pañcaviṃśatitamaḥ sargaḥ ||