श्रीसुब्रह्मण्यसहस्रनामस्तोत्रम्

स्वामिमलै सहस्रनामस्तोत्रम्

svāmimalai sahasranāmastotram

ॐ श्री गणेशाय नमः । अस्य श्री सुब्रह्मण्य सहस्रनामस्तोत्रमहामन्त्रस्य, मार्कण्डेय ऋषिः । अनुष्टुप्छन्दः । श्री सुब्रह्मण्यो देवता । शरजन्माऽक्षय इति बीजं, शक्तिधरोऽक्षय इति शक्तिः । कार्तिकेय इति कीलकम् । क्रौञ्चभेदीत्यर्गलम् । शिखिवाहन इति कवचम्, षण्मुख इति ध्यानम् । श्री सुब्रह्मण्य प्रसाद सिद्ध्यर्थे नाम पारायणे विनियोगः ।

oṃ śrī gaṇeśāya namaḥ | asya śrī subrahmaṇya sahasranāmastotramahāmantrasya, mārkaṇḍeya ṛṣiḥ | anuṣṭupchandaḥ | śrī subrahmaṇyo devatā | śarajanmā'kṣaya iti bījaṃ, śaktidharo'kṣaya iti śaktiḥ | kārtikeya iti kīlakam | krauñcabhedītyargalam | śikhivāhana iti kavacam, ṣaṇmukha iti dhyānam | śrī subrahmaṇya prasāda siddhyarthe nāma pārāyaṇe viniyogaḥ |

करन्यासः ॐ शं ओङ्कारस्वरूपाय ओजोधराय ओजस्विने सुहृद्याय

karanyāsaḥ oṃ śaṃ oṅkārasvarūpāya ojodharāya ojasvine suhṛdyāya

ॐ रं षट्कोण मध्यनिलयाय षट्किरीटधराय श्रीमते षडाधाराय षडाननाय ललाटषण्णेत्राय अभयवरदहस्ताय तर्जनीभ्यां नमः । ॐ वं षण्मुखाय शरजन्मने शुभलक्षणाय शिखिवाहनाय षडक्षराय स्वामिनाथाय मध्यमाभ्यां नमः । ॐ णं कृशानुसम्भवाय कवचिने कुक्कुटध्वजाय शूरमर्दनाय कुमाराय सुब्रह्मण्याय अनामिकाभ्यां नमः । ॐ भं कन्दर्पकोटिदिव्यविग्रहाय द्विषड्बाहवे द्वादशाक्षाय मूलप्रकृतिरहिताय कनिष्ठिकाभ्यां नमः । ॐ वं सच्चिदानन्दस्वरूपाय सर्वरूपात्मने खेटधराय खड्गिने शक्तिहस्ताय ब्रह्मैकरूपिणे करतलकरपृष्ठाभ्यां नमः ॥

oṃ raṃ ṣaṭkoṇa madhyanilayāya ṣaṭkirīṭadharāya śrīmate ṣaḍādhārāya ṣaḍānanāya lalāṭaṣaṇṇetrāya abhayavaradahastāya tarjanībhyāṃ namaḥ | oṃ vaṃ ṣaṇmukhāya śarajanmane śubhalakṣaṇāya śikhivāhanāya ṣaḍakṣarāya svāmināthāya madhyamābhyāṃ namaḥ | oṃ ṇaṃ kṛśānusambhavāya kavacine kukkuṭadhvajāya śūramardanāya kumārāya subrahmaṇyāya anāmikābhyāṃ namaḥ | oṃ bhaṃ kandarpakoṭidivyavigrahāya dviṣaḍbāhave dvādaśākṣāya mūlaprakṛtirahitāya kaniṣṭhikābhyāṃ namaḥ | oṃ vaṃ saccidānandasvarūpāya sarvarūpātmane kheṭadharāya khaḍgine śaktihastāya brahmaikarūpiṇe karatalakarapṛṣṭhābhyāṃ namaḥ ||

एवं हृदयादिन्यासः । ॐ भूर्भुवस्सुवरोमिति दिग्बन्धः ।

evaṃ hṛdayādinyāsaḥ | oṃ bhūrbhuvassuvaromiti digbandhaḥ |

ध्यानम् -

dhyānam -

बालार्कद्युति षट्किरीटविलसत्केयूर हारान्वितम् ।

bālārkadyuti ṣaṭkirīṭavilasatkeyūra hārānvitam |

काञ्ची कङ्कणकिङ्किणीरवयुतं श‍ृङ्गारसारोदयम् ॥ षड्वक्त्रं शिखिवाहनं त्रिनयनं चित्राम्बरालङ्कृतं वज्रं शक्तिमसिं त्रिशूलमभयं खेटं धनुश्चक्रकम् ।

kāñcī kaṅkaṇakiṅkiṇīravayutaṃ śa‍ṛṅgārasārodayam || ṣaḍvaktraṃ śikhivāhanaṃ trinayanaṃ citrāmbarālaṅkṛtaṃ vajraṃ śaktimasiṃ triśūlamabhayaṃ kheṭaṃ dhanuścakrakam |

ध्यायामीप्सित सिद्धिदं शिवसुतं स्कन्दं सुराराधितम् ॥ द्विषड्भुजं षण्मुखमम्बिकासुतं कुमारमादित्य सहस्रतेजसम् । वन्दे मयूरासनमग्निसम्भवं सेनान्यमध्याहमभीष्टसिद्धये ॥

dhyāyāmīpsita siddhidaṃ śivasutaṃ skandaṃ surārādhitam || dviṣaḍbhujaṃ ṣaṇmukhamambikāsutaṃ kumāramāditya sahasratejasam | vande mayūrāsanamagnisambhavaṃ senānyamadhyāhamabhīṣṭasiddhaye ||

अथ लमित्यादि पञ्चपूजा । लं पृथिव्यात्मने गन्धं कल्पयामि । हं आकाशात्मने पुष्पाणि कल्पयामि । यं वाय्वात्मने धूपं कल्पयामि । रं अग्न्यात्मने दीपं कल्पयामि । वं अमृतात्मने अमृतं महानैवेद्यं कल्पयामि । सं सर्वात्मने ताम्बूलादि सर्वोपचारपूजान् कल्पयामि ॥

atha lamityādi pañcapūjā | laṃ pṛthivyātmane gandhaṃ kalpayāmi | haṃ ākāśātmane puṣpāṇi kalpayāmi | yaṃ vāyvātmane dhūpaṃ kalpayāmi | raṃ agnyātmane dīpaṃ kalpayāmi | vaṃ amṛtātmane amṛtaṃ mahānaivedyaṃ kalpayāmi | saṃ sarvātmane tāmbūlādi sarvopacārapūjān kalpayāmi ||

अथ स्तोत्रम् । ॐ सुब्रह्मण्यः सुरेशानः सुरारिकुलनाशनः । ब्रह्मण्यो ब्रह्मविद् ब्रह्मा ब्रह्मविद्यागुरूर्गुरुः ॥

atha stotram | oṃ subrahmaṇyaḥ sureśānaḥ surārikulanāśanaḥ | brahmaṇyo brahmavid brahmā brahmavidyāgurūrguruḥ ||

ईशानगुरुरव्यक्तो व्यक्तरूपः सनातनः । प्रधानपुरुषः कर्ता कर्म कार्यं च कारणम् ॥

īśānagururavyakto vyaktarūpaḥ sanātanaḥ | pradhānapuruṣaḥ kartā karma kāryaṃ ca kāraṇam ||

अधिष्ठानं च विज्ञानं भोक्ता भोगश्च केवलः । अनादिनिधनः साक्षी नियन्ता नियमो यमः ॥

adhiṣṭhānaṃ ca vijñānaṃ bhoktā bhogaśca kevalaḥ | anādinidhanaḥ sākṣī niyantā niyamo yamaḥ ||

वाक्पतिर्वाक्प्रदो वाग्मी वाच्यो वाग्वाचकस्तथा । पितामहगुरुर्लोकगुरुस्तत्वार्थबोधकः ॥

vākpatirvākprado vāgmī vācyo vāgvācakastathā | pitāmahagururlokagurustatvārthabodhakaḥ ||

प्रणवार्थोपदेष्टा चाप्यजो ब्रह्म सनातनः । वेदान्तवेद्यो वेदात्मा वेदादिर्वेदबोधकः ॥

praṇavārthopadeṣṭā cāpyajo brahma sanātanaḥ | vedāntavedyo vedātmā vedādirvedabodhakaḥ ||

वेदान्तो वेदगुह्यश्च वेदशास्त्रार्थबोधकः । सर्वविद्यात्मकः शान्तश्चतुष्षष्टिकलागुरुः ॥

vedānto vedaguhyaśca vedaśāstrārthabodhakaḥ | sarvavidyātmakaḥ śāntaścatuṣṣaṣṭikalāguruḥ ||

मन्त्रार्थो मन्त्रमूर्तिश्च मन्त्रतन्त्रप्रवर्तकः । मन्त्री मन्त्रो मन्त्रबीजं महामन्त्रोपदेशकः ॥

mantrārtho mantramūrtiśca mantratantrapravartakaḥ | mantrī mantro mantrabījaṃ mahāmantropadeśakaḥ ||

महोत्साहो महाशक्तिर्महाशक्तिधरः प्रभुः । जगत्स्रष्टा जगद्भर्ता जगन्मूर्तिर्जगन्मयः ॥

mahotsāho mahāśaktirmahāśaktidharaḥ prabhuḥ | jagatsraṣṭā jagadbhartā jaganmūrtirjaganmayaḥ ||

जगदादिरनादिश्च जगद्बीजं जगद्गुरूः । ज्योतिर्मयः प्रशान्तात्मा सच्चिदानन्दविग्रहः ॥

jagadādiranādiśca jagadbījaṃ jagadgurūḥ | jyotirmayaḥ praśāntātmā saccidānandavigrahaḥ ||

सुखमूर्तिः सुखकरः सुखी सुखकराकृतिः । ज्ञाता ज्ञेयो ज्ञानरूपो ज्ञप्तिर्ज्ञानबलं बुधः ॥

sukhamūrtiḥ sukhakaraḥ sukhī sukhakarākṛtiḥ | jñātā jñeyo jñānarūpo jñaptirjñānabalaṃ budhaḥ ||

विष्णुर्जिष्णुर्ग्रसिष्णुश्च प्रभविष्णुः सहिष्णुकः । वर्धिष्णुर्भूष्णुरजरस्तितिक्ष्णुः क्षान्तिरार्जवम् ॥

viṣṇurjiṣṇurgrasiṣṇuśca prabhaviṣṇuḥ sahiṣṇukaḥ | vardhiṣṇurbhūṣṇurajarastitikṣṇuḥ kṣāntirārjavam ||

ऋजुः सुगम्यःसुलभो दुर्लभो लाभ ईप्सितः । विज्ञो विज्ञानभोक्ता च शिवज्ञानप्रदायकः ॥

ṛjuḥ sugamyaḥsulabho durlabho lābha īpsitaḥ | vijño vijñānabhoktā ca śivajñānapradāyakaḥ ||

महदादिरहङ्कारो भूतादिर्भूतभावनः । भूतभव्य भविष्यच्च भूत भव्यभवत्प्रभुः ॥

mahadādirahaṅkāro bhūtādirbhūtabhāvanaḥ | bhūtabhavya bhaviṣyacca bhūta bhavyabhavatprabhuḥ ||

देवसेनापतिर्नेता कुमारो देवनायकः । तारकारिर्महावीर्यः सिंहवक्त्रशिरोहरः ॥

devasenāpatirnetā kumāro devanāyakaḥ | tārakārirmahāvīryaḥ siṃhavaktraśiroharaḥ ||

अनेककोटिब्रह्माण्ड परिपूर्णासुरान्तकः । सुरानन्दकरः श्रीमानसुरादिभयङ्करः ॥

anekakoṭibrahmāṇḍa paripūrṇāsurāntakaḥ | surānandakaraḥ śrīmānasurādibhayaṅkaraḥ ||

असुरान्तः पुराक्रन्दकरभेरीनिनादनः । सुरवन्द्यो जनानन्दकरशिञ्जन्मणिध्वनिः ॥

asurāntaḥ purākrandakarabherīninādanaḥ | suravandyo janānandakaraśiñjanmaṇidhvaniḥ ||

स्फुटाट्टहाससङ्क्षुभ्यत्तारकासुरमानसः । महाक्रोधो महोत्साहो महाबलपराक्रमः ॥

sphuṭāṭṭahāsasaṅkṣubhyattārakāsuramānasaḥ | mahākrodho mahotsāho mahābalaparākramaḥ ||

महाबुद्धिर्महाबाहुर्महामायो महाधृतिः । रणभीमः शत्रुहरो धीरोदात्तगुणोत्तरः ॥

mahābuddhirmahābāhurmahāmāyo mahādhṛtiḥ | raṇabhīmaḥ śatruharo dhīrodāttaguṇottaraḥ ||

महाधनुर्महाबाणो महादेवप्रियात्मजः । महाखड्गो महाखेटो महासत्वो महाद्युतिः ॥

mahādhanurmahābāṇo mahādevapriyātmajaḥ | mahākhaḍgo mahākheṭo mahāsatvo mahādyutiḥ ||

महर्धिश्च महामायी मयूरवरवाहनः । मयूरबर्हातपत्रो मयूरनटनप्रियः ॥

mahardhiśca mahāmāyī mayūravaravāhanaḥ | mayūrabarhātapatro mayūranaṭanapriyaḥ ||

महानुभावोऽमेयात्माऽमेयश्रीश्च महाप्रभुः । सुगुणो दुर्गुणद्वेषी निर्गुणो निर्मलोऽमलः ॥

mahānubhāvo'meyātmā'meyaśrīśca mahāprabhuḥ | suguṇo durguṇadveṣī nirguṇo nirmalo'malaḥ ||

सुबलो विमलः कान्तः कमलासन पूजितः । कालः कमलपत्राक्षः कलिकल्मषनाशनः ॥

subalo vimalaḥ kāntaḥ kamalāsana pūjitaḥ | kālaḥ kamalapatrākṣaḥ kalikalmaṣanāśanaḥ ||

महारणो महायोद्धा महायुद्धप्रियोऽभयः । महारथो महाभागो भक्ताभीष्टफलप्रदः ॥

mahāraṇo mahāyoddhā mahāyuddhapriyo'bhayaḥ | mahāratho mahābhāgo bhaktābhīṣṭaphalapradaḥ ||

भक्तप्रियः प्रियः प्रेम प्रेयान् प्रीतिधरः सखा । गौरीकरसरोजाग्र लालनीय मुखाम्बुजः ॥

bhaktapriyaḥ priyaḥ prema preyān prītidharaḥ sakhā | gaurīkarasarojāgra lālanīya mukhāmbujaḥ ||

कृत्तिकास्तन्यपानैकव्यग्रषड्वदनाम्बुजः । चन्द्रचूडाङ्गभूभाग विहारणविशारदः ॥

kṛttikāstanyapānaikavyagraṣaḍvadanāmbujaḥ | candracūḍāṅgabhūbhāga vihāraṇaviśāradaḥ ||

ईशाननयनानन्दकन्दलावण्यनासिकः । चन्द्रचूडकराम्भोज परिमृष्टभुजावलिः ॥

īśānanayanānandakandalāvaṇyanāsikaḥ | candracūḍakarāmbhoja parimṛṣṭabhujāvaliḥ ||

लम्बोदर सहक्रीडा लम्पटः शरसम्भवः । अमरानननालीक चकोरीपूर्ण चन्द्रमाः ॥

lambodara sahakrīḍā lampaṭaḥ śarasambhavaḥ | amarānananālīka cakorīpūrṇa candramāḥ ||

सर्वाङ्ग सुन्दरः श्रीशः श्रीकरः श्रीप्रदः शिवः । वल्लीसखो वनचरो वक्ता वाचस्पतिर्वरः ॥

sarvāṅga sundaraḥ śrīśaḥ śrīkaraḥ śrīpradaḥ śivaḥ | vallīsakho vanacaro vaktā vācaspatirvaraḥ ||

चन्द्रचूडो बर्हिपिञ्छ शेखरो मकुटोज्ज्वलः । गुडाकेशः सुवृत्तोरुशिरा मन्दारशेखरः ॥

candracūḍo barhipiñcha śekharo makuṭojjvalaḥ | guḍākeśaḥ suvṛttoruśirā mandāraśekharaḥ ||

बिम्बाधरः कुन्ददन्तो जपाशोणाग्रलोचनः । षड्दर्शनीनटीरङ्गरसनो मधुरस्वनः ॥

bimbādharaḥ kundadanto japāśoṇāgralocanaḥ | ṣaḍdarśanīnaṭīraṅgarasano madhurasvanaḥ ||

मेघगम्भीरनिर्घोषः प्रियवाक् प्रस्फुटाक्षरः । स्मितवक्त्रश्चोत्पलाक्षश्चारुगम्भीरवीक्षणः ॥

meghagambhīranirghoṣaḥ priyavāk prasphuṭākṣaraḥ | smitavaktraścotpalākṣaścārugambhīravīkṣaṇaḥ ||

कर्णान्तदीर्घनयनः कर्णभूषण भूषितः । सुकुण्डलश्चारुगण्डः कम्बुग्रीवो महाहनुः ॥

karṇāntadīrghanayanaḥ karṇabhūṣaṇa bhūṣitaḥ | sukuṇḍalaścārugaṇḍaḥ kambugrīvo mahāhanuḥ ||

पीनांसो गूढजत्रुश्च पीनवृत्तभुजावलिः । रक्ताङ्गो रत्नकेयूरो रत्नकङ्कणभूषितः॥

pīnāṃso gūḍhajatruśca pīnavṛttabhujāvaliḥ | raktāṅgo ratnakeyūro ratnakaṅkaṇabhūṣitaḥ||

ज्याकिणाङ्क लसद्वामप्रकोष्ठवलयोज्ज्वलः । रेखाङ्कुशध्वजच्छत्रपाणिपद्मो महायुधः ॥

jyākiṇāṅka lasadvāmaprakoṣṭhavalayojjvalaḥ | rekhāṅkuśadhvajacchatrapāṇipadmo mahāyudhaḥ ||

सुरलोक भयध्वान्त बालारुणकरोदयः । अङ्गुलीयकरत्नांशु द्विगुणोद्यन्नखाङ्कुरः ॥

suraloka bhayadhvānta bālāruṇakarodayaḥ | aṅgulīyakaratnāṃśu dviguṇodyannakhāṅkuraḥ ||

पीनवक्षा महाहारो नवरत्नविभूषणः । हिरण्यगर्भो हेमाङ्गो हिरण्यकवचो हरः ॥

pīnavakṣā mahāhāro navaratnavibhūṣaṇaḥ | hiraṇyagarbho hemāṅgo hiraṇyakavaco haraḥ ||

हिरण्मय शिरस्त्राणो हिरण्याक्षो हिरण्यदः । हिरण्यनाभिस्त्रिवली ललितोदरसुन्दरः ॥

hiraṇmaya śirastrāṇo hiraṇyākṣo hiraṇyadaḥ | hiraṇyanābhistrivalī lalitodarasundaraḥ ||

सुवर्णसूत्रविलसद्विशङ्कटकटीतटः । पीताम्बरधरो रत्नमेखलावृत मध्यकः ॥

suvarṇasūtravilasadviśaṅkaṭakaṭītaṭaḥ | pītāmbaradharo ratnamekhalāvṛta madhyakaḥ ||

पीवरालोमवृत्तोद्यत्सुजानुर्गुप्तगुल्फकः । शङ्खचक्राब्जकुलिशध्वजरेखाङ्घ्रिपङ्कजः ॥

pīvarālomavṛttodyatsujānurguptagulphakaḥ | śaṅkhacakrābjakuliśadhvajarekhāṅghripaṅkajaḥ ||

नवरत्नोज्ज्वलत्पादकटकः परमायुधः । सुरेन्द्रमकुटप्रोद्यन्मणि रञ्जितपादुकः ॥

navaratnojjvalatpādakaṭakaḥ paramāyudhaḥ | surendramakuṭaprodyanmaṇi rañjitapādukaḥ ||

पूज्याङ्घ्रिश्चारुनखरो देवसेव्यस्वपादुकः । पार्वतीपाणि कमलपरिमृष्टपदाम्बुजः ॥

pūjyāṅghriścārunakharo devasevyasvapādukaḥ | pārvatīpāṇi kamalaparimṛṣṭapadāmbujaḥ ||

मत्तमातङ्ग गमनो मान्यो मान्यगुणाकरः । क्रौञ्च दारणदक्षौजाः क्षणः क्षणविभागकृत् ॥

mattamātaṅga gamano mānyo mānyaguṇākaraḥ | krauñca dāraṇadakṣaujāḥ kṣaṇaḥ kṣaṇavibhāgakṛt ||

सुगमो दुर्गमो दुर्गो दुरारोहोऽरिदुः सहः । सुभगः सुमुखः सूर्यः सूर्यमण्डलमध्यगः ॥

sugamo durgamo durgo durāroho'riduḥ sahaḥ | subhagaḥ sumukhaḥ sūryaḥ sūryamaṇḍalamadhyagaḥ ||

स्वकिङ्करोपसंसृष्टसृष्टिसंरक्षिताखिलः । जगत्स्रष्टा जगद्भर्ता जगत्संहारकारकः ॥

svakiṅkaropasaṃsṛṣṭasṛṣṭisaṃrakṣitākhilaḥ | jagatsraṣṭā jagadbhartā jagatsaṃhārakārakaḥ ||

स्थावरो जङ्गमो जेता विजयो विजयप्रदः । जयशीलो जितारातिर्जितमायो जितासुरः ॥

sthāvaro jaṅgamo jetā vijayo vijayapradaḥ | jayaśīlo jitārātirjitamāyo jitāsuraḥ ||

जितकामो जितक्रोधो जितमोहस्सुमोहनः । कामदः कामभृत्कामी कामरूपः कृतागमः ॥

jitakāmo jitakrodho jitamohassumohanaḥ | kāmadaḥ kāmabhṛtkāmī kāmarūpaḥ kṛtāgamaḥ ||

कान्तः कल्यः कलिध्वंसी कल्हारकुसुमप्रियः । रामो रमयिता रम्यो रमणीजनवल्लभः ॥

kāntaḥ kalyaḥ kalidhvaṃsī kalhārakusumapriyaḥ | rāmo ramayitā ramyo ramaṇījanavallabhaḥ ||

रसज्ञो रसमूर्तिश्च रसो नवरसात्मकः । रसात्मा रसिकात्मा च रासक्रीडापरो रतिः ॥

rasajño rasamūrtiśca raso navarasātmakaḥ | rasātmā rasikātmā ca rāsakrīḍāparo ratiḥ ||

सूर्यकोटिप्रतीकाशः सोमसूर्याग्निलोचनः । कलाभिज्ञः कलारूपी कलापी सकलप्रभुः ॥

sūryakoṭipratīkāśaḥ somasūryāgnilocanaḥ | kalābhijñaḥ kalārūpī kalāpī sakalaprabhuḥ ||

बिन्दुर्नादः कलामूर्तिः कलातीतोऽक्षरात्मकः । मात्राकारः स्वराकारः एकमात्रो द्विमात्रकः ॥

bindurnādaḥ kalāmūrtiḥ kalātīto'kṣarātmakaḥ | mātrākāraḥ svarākāraḥ ekamātro dvimātrakaḥ ||

त्रिमात्रकश्चतुर्मात्रो व्यक्तः सन्ध्यक्षरात्मकः । व्यञ्जनात्मा वियुक्तात्मा संयुक्तात्मा स्वरात्मकः ॥

trimātrakaścaturmātro vyaktaḥ sandhyakṣarātmakaḥ | vyañjanātmā viyuktātmā saṃyuktātmā svarātmakaḥ ||

विसर्जनीयोऽनुस्वारः सर्ववर्णतनुर्महान् । अकारात्माऽप्युकारात्मा मकारात्मा त्रिवर्णकः ॥

visarjanīyo'nusvāraḥ sarvavarṇatanurmahān | akārātmā'pyukārātmā makārātmā trivarṇakaḥ ||

ओङ्कारोऽथ वषट्कारः स्वाहाकारः स्वधाकृतिः । आहुतिर्हवनं हव्यं होताऽध्वर्युर्महाहविः ॥

oṅkāro'tha vaṣaṭkāraḥ svāhākāraḥ svadhākṛtiḥ | āhutirhavanaṃ havyaṃ hotā'dhvaryurmahāhaviḥ ||

ब्रह्मोद्गाता सदस्यश्च बर्हिरिध्मं समिच्चरुः । कव्यं पशुः पुरोडाशः आमिक्षा वाजवाजिनम् ॥

brahmodgātā sadasyaśca barhiridhmaṃ samiccaruḥ | kavyaṃ paśuḥ puroḍāśaḥ āmikṣā vājavājinam ||

पवनः पावनः पूतः पवमानः पराकृतिः । पवित्रं परिधिः पूर्णपात्रमुद्भूतिरिन्धनम् ॥

pavanaḥ pāvanaḥ pūtaḥ pavamānaḥ parākṛtiḥ | pavitraṃ paridhiḥ pūrṇapātramudbhūtirindhanam ||

विशोधनं पशुपतिः पशुपाशविमोचकः । पाकयज्ञो महायज्ञो यज्ञो यज्ञपतिर्यजुः ॥

viśodhanaṃ paśupatiḥ paśupāśavimocakaḥ | pākayajño mahāyajño yajño yajñapatiryajuḥ ||

यज्ञाङ्गो यज्ञगम्यश्च यज्वा यज्ञफलप्रदः । यज्ञाङ्गभूर्यज्ञपतिर्यज्ञश्रीर्यज्ञवाहनः ॥

yajñāṅgo yajñagamyaśca yajvā yajñaphalapradaḥ | yajñāṅgabhūryajñapatiryajñaśrīryajñavāhanaḥ ||

यज्ञराड् यज्ञविध्वंसी यज्ञेशो यज्ञरक्षकः । सहस्रबाहुः सर्वात्मा सहस्राक्षः सहस्रपात् ॥

yajñarāḍ yajñavidhvaṃsī yajñeśo yajñarakṣakaḥ | sahasrabāhuḥ sarvātmā sahasrākṣaḥ sahasrapāt ||

सहस्रवदनो नित्यः सहस्रात्मा विराट् स्वराट् । सहस्रशीर्षो विश्वश्च तैजसः प्राज्ञ आत्मवान् ॥

sahasravadano nityaḥ sahasrātmā virāṭ svarāṭ | sahasraśīrṣo viśvaśca taijasaḥ prājña ātmavān ||

अणुर्बृहत्कृशः स्थूलो दीर्घो ह्रस्वश्च वामनः । सूक्ष्मः सूक्ष्मतरोऽनन्तो विश्वरूपो निरञ्जनः ॥

aṇurbṛhatkṛśaḥ sthūlo dīrgho hrasvaśca vāmanaḥ | sūkṣmaḥ sūkṣmataro'nanto viśvarūpo nirañjanaḥ ||

अमृतेशोऽमृताहारोऽमृतदाताऽमृताङ्गवान् । अहोरूपस्त्रियामा च सन्ध्यारूपो दिनात्मकः ॥

amṛteśo'mṛtāhāro'mṛtadātā'mṛtāṅgavān | ahorūpastriyāmā ca sandhyārūpo dinātmakaḥ ||

अनिमेषो निमेषात्मा कला काष्ठा क्षणात्मकः । मुहूर्तो घटिकारूपो यामो यामात्मकस्तथा ॥

animeṣo nimeṣātmā kalā kāṣṭhā kṣaṇātmakaḥ | muhūrto ghaṭikārūpo yāmo yāmātmakastathā ||

पूर्वाह्णरूपो मध्याह्नरूपः सायाह्नरूपकः । अपराह्णोऽतिनिपुणः सवनात्मा प्रजागरः ॥

pūrvāhṇarūpo madhyāhnarūpaḥ sāyāhnarūpakaḥ | aparāhṇo'tinipuṇaḥ savanātmā prajāgaraḥ ||

वेद्यो वेदयिता वेदो वेददृष्टो विदां वरः । विनयो नयनेता च विद्वज्जनबहुप्रियः ॥

vedyo vedayitā vedo vedadṛṣṭo vidāṃ varaḥ | vinayo nayanetā ca vidvajjanabahupriyaḥ ||

विश्वगोप्ता विश्वभोक्ता विश्वकृद्विश्वभेषजम् । विश्वम्भरो विश्वपतिर्विश्वराड्विश्वमोहनः ॥

viśvagoptā viśvabhoktā viśvakṛdviśvabheṣajam | viśvambharo viśvapatirviśvarāḍviśvamohanaḥ ||

विश्वसाक्षी विश्वहन्ता वीरो विश्वम्भराधिपः । वीरबाहुर्वीरहन्ता वीराग्र्यो वीरसैनिकः ॥

viśvasākṣī viśvahantā vīro viśvambharādhipaḥ | vīrabāhurvīrahantā vīrāgryo vīrasainikaḥ ||

वीरवादप्रियः शूर एकवीरः सुराधिपः । शूरपद्मासुरद्वेषी तारकासुरभञ्जनः ॥

vīravādapriyaḥ śūra ekavīraḥ surādhipaḥ | śūrapadmāsuradveṣī tārakāsurabhañjanaḥ ||

ताराधिपस्तारहारः शूरहन्ताऽश्ववाहनः । शरभः शरसम्भूतः शक्तः शरवणेशयः ॥

tārādhipastārahāraḥ śūrahantā'śvavāhanaḥ | śarabhaḥ śarasambhūtaḥ śaktaḥ śaravaṇeśayaḥ ||

शाङ्करिः शाम्भवः शम्भुः साधुः साधुजनप्रियः । साराङ्गः सारकः सर्वः शार्वः शार्वजनप्रियः ॥

śāṅkariḥ śāmbhavaḥ śambhuḥ sādhuḥ sādhujanapriyaḥ | sārāṅgaḥ sārakaḥ sarvaḥ śārvaḥ śārvajanapriyaḥ ||

गङ्गासुतोऽतिगम्भीरो गम्भीरहृदयोऽनघः । अमोघविक्रमश्चक्रश्चक्रभूः शक्रपूजितः ॥

gaṅgāsuto'tigambhīro gambhīrahṛdayo'naghaḥ | amoghavikramaścakraścakrabhūḥ śakrapūjitaḥ ||

चक्रपाणिश्चक्रपतिश्चक्रवालान्तभूपतिः । सार्वभौमस्सुरपतिः सर्वलोकाधिरक्षकः ॥

cakrapāṇiścakrapatiścakravālāntabhūpatiḥ | sārvabhaumassurapatiḥ sarvalokādhirakṣakaḥ ||

साधुपः सत्यसङ्कल्पः सत्यस्सत्यवतां वरः । सत्यप्रियः सत्यगतिः सत्यलोकजनप्रियः ॥

sādhupaḥ satyasaṅkalpaḥ satyassatyavatāṃ varaḥ | satyapriyaḥ satyagatiḥ satyalokajanapriyaḥ ||

भूतभव्य भवद्रूपो भूतभव्यभवत्प्रभुः । भूतादिर्भूतमध्यस्थो भूतविध्वंसकारकः ॥

bhūtabhavya bhavadrūpo bhūtabhavyabhavatprabhuḥ | bhūtādirbhūtamadhyastho bhūtavidhvaṃsakārakaḥ ||

भूतप्रतिष्ठासङ्कर्ता भूताधिष्ठानमव्ययः । ओजोनिधिर्गुणनिधिस्तेजोराशिरकल्मषः ॥

bhūtapratiṣṭhāsaṅkartā bhūtādhiṣṭhānamavyayaḥ | ojonidhirguṇanidhistejorāśirakalmaṣaḥ ||

कल्मषघ्नः कलिध्वंसी कलौ वरदविग्रहः । कल्याणमूर्तिः कामात्मा कामक्रोधविवर्जितः ॥

kalmaṣaghnaḥ kalidhvaṃsī kalau varadavigrahaḥ | kalyāṇamūrtiḥ kāmātmā kāmakrodhavivarjitaḥ ||

गोप्ता गोपायिता गुप्तिर्गुणातीतो गुणाश्रयः । सत्वमूर्ती रजोमूर्तिस्तमोमूर्तिश्चिदात्मकः ॥

goptā gopāyitā guptirguṇātīto guṇāśrayaḥ | satvamūrtī rajomūrtistamomūrtiścidātmakaḥ ||

देवसेनापतिर्भूमा महिमा महिमाकरः । प्रकाशरूपः पापघ्नः पवनः पावनोऽनलः ॥

devasenāpatirbhūmā mahimā mahimākaraḥ | prakāśarūpaḥ pāpaghnaḥ pavanaḥ pāvano'nalaḥ ||

कैलासनिलयः कान्तः कनकाचल कार्मुकः । निर्धूतो देवभूतिश्च व्याकृतिः क्रतुरक्षकः ॥

kailāsanilayaḥ kāntaḥ kanakācala kārmukaḥ | nirdhūto devabhūtiśca vyākṛtiḥ kraturakṣakaḥ ||

उपेन्द्र इन्द्रवन्द्याङ्घ्रिरुरुजङ्घ उरुक्रमः । विक्रान्तो विजयक्रान्तो विवेकविनयप्रदः ॥

upendra indravandyāṅghrirurujaṅgha urukramaḥ | vikrānto vijayakrānto vivekavinayapradaḥ ||

अविनीतजनध्वंसी सर्वावगुणवर्जितः । कुलशैलैकनिलयो वल्लीवाञ्छितविभ्रमः ॥

avinītajanadhvaṃsī sarvāvaguṇavarjitaḥ | kulaśailaikanilayo vallīvāñchitavibhramaḥ ||

शाम्भवः शम्भुतनयः शङ्कराङ्गविभूषणः । स्वयम्भूः स्ववशः स्वस्थः पुष्कराक्षः पुरूद्भवः ॥

śāmbhavaḥ śambhutanayaḥ śaṅkarāṅgavibhūṣaṇaḥ | svayambhūḥ svavaśaḥ svasthaḥ puṣkarākṣaḥ purūdbhavaḥ ||

मनुर्मानवगोप्ता च स्थविष्ठः स्थविरो युवा । बालः शिशुर्नित्ययुवा नित्यकौमारवान् महान् ॥

manurmānavagoptā ca sthaviṣṭhaḥ sthaviro yuvā | bālaḥ śiśurnityayuvā nityakaumāravān mahān ||

अग्राह्यरूपो ग्राह्यश्च सुग्रहः सुन्दराकृतिः । प्रमर्दनः प्रभूतश्रीर्लोहिताक्षोऽरिमर्दनः ॥

agrāhyarūpo grāhyaśca sugrahaḥ sundarākṛtiḥ | pramardanaḥ prabhūtaśrīrlohitākṣo'rimardanaḥ ||

त्रिधामा त्रिककुत्त्रिश्रीः त्रिलोकनिलयोऽलयः । शर्मदः शर्मवान् शर्म शरण्यः शरणालयः ॥

tridhāmā trikakuttriśrīḥ trilokanilayo'layaḥ | śarmadaḥ śarmavān śarma śaraṇyaḥ śaraṇālayaḥ ||

स्थाणुः स्थिरतरः स्थेयान् स्थिरश्रीः स्थिरविक्रमः । स्थिरप्रतिज्ञः स्थिरधीर्विश्वरेताः प्रजाभवः ॥

sthāṇuḥ sthirataraḥ stheyān sthiraśrīḥ sthiravikramaḥ | sthirapratijñaḥ sthiradhīrviśvaretāḥ prajābhavaḥ ||

अत्ययः प्रत्ययः श्रेष्ठः सर्वयोगविनिःसृतः । सर्वयोगेश्वरः सिद्धः सर्वज्ञः सर्वदर्शनः ॥

atyayaḥ pratyayaḥ śreṣṭhaḥ sarvayogaviniḥsṛtaḥ | sarvayogeśvaraḥ siddhaḥ sarvajñaḥ sarvadarśanaḥ ||

वसुर्वसुमना देवो वसुरेता वसुप्रदः । समात्मा समदर्शी च समदः सर्वदर्शनः ॥

vasurvasumanā devo vasuretā vasupradaḥ | samātmā samadarśī ca samadaḥ sarvadarśanaḥ ||

वृषाकृतिर्वृषारूढो वृषकर्मा वृषप्रियः । शुचिः शुचिमनाः शुद्धः शुद्धकीर्तिः शुचिश्रवाः ॥

vṛṣākṛtirvṛṣārūḍho vṛṣakarmā vṛṣapriyaḥ | śuciḥ śucimanāḥ śuddhaḥ śuddhakīrtiḥ śuciśravāḥ ||

रौद्रकर्मा महारौद्रो रुद्रात्मा रुद्रसम्भवः । अनेकमूर्तिर्विश्वात्माऽनेकबाहुररिन्दमः ॥

raudrakarmā mahāraudro rudrātmā rudrasambhavaḥ | anekamūrtirviśvātmā'nekabāhurarindamaḥ ||

सर्वगः सर्ववित्सर्वः सर्ववेदान्तगोचरः ॥

sarvagaḥ sarvavitsarvaḥ sarvavedāntagocaraḥ ||

कविः पुराणोऽनुशास्ता स्थूलस्थूल अणोरणुः । भ्राजिष्णुर्विष्णु विनुतः कृष्णकेशः किशोरकः ॥

kaviḥ purāṇo'nuśāstā sthūlasthūla aṇoraṇuḥ | bhrājiṣṇurviṣṇu vinutaḥ kṛṣṇakeśaḥ kiśorakaḥ ||

भोजनं भाजनं भोक्ता विश्वभोक्ता विशां पतिः । विश्वयोनिर्विशालाक्षो विरागो वीरसेवितः ॥

bhojanaṃ bhājanaṃ bhoktā viśvabhoktā viśāṃ patiḥ | viśvayonirviśālākṣo virāgo vīrasevitaḥ ||

पुण्यः पुरुयशाः पूज्यः पूतकीर्तिः पुनर्वसुः । सुरेन्द्रः सर्वलोकेन्द्रो महेन्द्रोपेन्द्रवन्दितः ॥

puṇyaḥ puruyaśāḥ pūjyaḥ pūtakīrtiḥ punarvasuḥ | surendraḥ sarvalokendro mahendropendravanditaḥ ||

विश्ववेद्यो विश्वपतिर्विश्वभृद्विश्वभेषजम् । मधुर्मधुरसङ्गीतो माधवः शुचिरूष्मलः ॥

viśvavedyo viśvapatirviśvabhṛdviśvabheṣajam | madhurmadhurasaṅgīto mādhavaḥ śucirūṣmalaḥ ||

शुक्रः शुभ्रगुणः शुक्लः शोकहन्ता शुचिस्मितः । महेष्वासो विष्णुपतिः महीहन्ता महीपतिः ॥

śukraḥ śubhraguṇaḥ śuklaḥ śokahantā śucismitaḥ | maheṣvāso viṣṇupatiḥ mahīhantā mahīpatiḥ ||

मरीचिर्मदनो मानी मातङ्गगतिरद्भुतः । हंसः सुपूर्णः सुमनाः भुजङ्गेशभुजावलिः ॥

marīcirmadano mānī mātaṅgagatiradbhutaḥ | haṃsaḥ supūrṇaḥ sumanāḥ bhujaṅgeśabhujāvaliḥ ||

पद्मनाभः पशुपतिः पारज्ञो वेदपारगः । पण्डितः परघाती च सन्धाता सन्धिमान् समः ॥

padmanābhaḥ paśupatiḥ pārajño vedapāragaḥ | paṇḍitaḥ paraghātī ca sandhātā sandhimān samaḥ ||

दुर्मर्षणो दुष्टशास्ता दुर्धर्षो युद्धधर्षणः । विख्यातात्मा विधेयात्मा विश्वप्रख्यातविक्रमः ॥

durmarṣaṇo duṣṭaśāstā durdharṣo yuddhadharṣaṇaḥ | vikhyātātmā vidheyātmā viśvaprakhyātavikramaḥ ||

सन्मार्गदेशिको मार्गरक्षको मार्गदायकः । अनिरुद्धोऽनिरुद्धश्रीरादित्यो दैत्यमर्दनः ॥

sanmārgadeśiko mārgarakṣako mārgadāyakaḥ | aniruddho'niruddhaśrīrādityo daityamardanaḥ ||

अनिमेषोऽनिमेषार्च्यस्त्रिजगद्ग्रामणीर्गुणी । सम्पृक्तः सम्प्रवृत्तात्मा निवृत्तात्माऽऽत्मवित्तमः ॥

animeṣo'nimeṣārcyastrijagadgrāmaṇīrguṇī | sampṛktaḥ sampravṛttātmā nivṛttātmā''tmavittamaḥ ||

अर्चिष्मानर्चनप्रीतः पाशभृत्पावको मरुत् । सोमः सौम्यः सोमसुतः सोमसुत्सोमभूषणः ॥

arciṣmānarcanaprītaḥ pāśabhṛtpāvako marut | somaḥ saumyaḥ somasutaḥ somasutsomabhūṣaṇaḥ ||

सर्वसामप्रियः सर्वसमः सर्वंसहो वसुः । उमासूनुरुमाभक्त उत्फुल्लमुखपङ्कजः ॥

sarvasāmapriyaḥ sarvasamaḥ sarvaṃsaho vasuḥ | umāsūnurumābhakta utphullamukhapaṅkajaḥ ||

अमृत्युरमरारातिमृत्युर्मृत्युञ्जयोऽजितः । मन्दारकुसुमापीडो मदनान्तकवल्लभः ॥

amṛtyuramarārātimṛtyurmṛtyuñjayo'jitaḥ | mandārakusumāpīḍo madanāntakavallabhaḥ ||

माल्यवन्मदनाकारो मालतीकुसुमप्रियः । सुप्रसादः सुराराध्यः सुमुखः सुमहायशाः ॥

mālyavanmadanākāro mālatīkusumapriyaḥ | suprasādaḥ surārādhyaḥ sumukhaḥ sumahāyaśāḥ ||

वृषपर्वा विरूपाक्षो विष्वक्सेनो वृषोदरः । मुक्तो मुक्तगतिर्मोक्षो मुकुन्दो मुद्गली मुनिः ॥

vṛṣaparvā virūpākṣo viṣvakseno vṛṣodaraḥ | mukto muktagatirmokṣo mukundo mudgalī muniḥ ||

श्रुतवान् सुश्रुतः श्रोता श्रुतिगम्यः श्रुतिस्तुतः । वर्धमानो वनरतिर्वानप्रस्थनिषेवितः ॥

śrutavān suśrutaḥ śrotā śrutigamyaḥ śrutistutaḥ | vardhamāno vanaratirvānaprasthaniṣevitaḥ ||

वाग्मी वरो वावदूको वसुदेववरप्रदः । महेश्वरो मयूरस्थः शक्तिहस्तस्त्रिशूलधृत् ॥

vāgmī varo vāvadūko vasudevavarapradaḥ | maheśvaro mayūrasthaḥ śaktihastastriśūladhṛt ||

ओजस्तेजश्च तेजस्वी प्रतापः सुप्रतापवान् । ऋद्धिः समृद्धिः संसिद्धिः सुसिद्धिः सिद्धसेवितः ॥

ojastejaśca tejasvī pratāpaḥ supratāpavān | ṛddhiḥ samṛddhiḥ saṃsiddhiḥ susiddhiḥ siddhasevitaḥ ||

अमृताशोऽमृतवपुरमृतोऽमृतदायकः । चन्द्रमाश्चन्द्रवदनश्चन्द्रदृक् चन्द्रशीतलः ॥

amṛtāśo'mṛtavapuramṛto'mṛtadāyakaḥ | candramāścandravadanaścandradṛk candraśītalaḥ ||

मतिमान्नीतिमान्नीतिः कीर्तिमान्कीर्तिवर्धनः । औषधं चौषधीनाथः प्रदीपो भवमोचनः ॥

matimānnītimānnītiḥ kīrtimānkīrtivardhanaḥ | auṣadhaṃ cauṣadhīnāthaḥ pradīpo bhavamocanaḥ ||

भास्करो भास्करतनुर्भानुर्भयविनाशनः । चतुर्युगव्यवस्थाता युगधर्मप्रवर्तकः ॥

bhāskaro bhāskaratanurbhānurbhayavināśanaḥ | caturyugavyavasthātā yugadharmapravartakaḥ ||

अयुजो मिथुनं योगो योगज्ञो योगपारगः । महाशनो महाभूतो महापुरुषविक्रमः ॥

ayujo mithunaṃ yogo yogajño yogapāragaḥ | mahāśano mahābhūto mahāpuruṣavikramaḥ ||

युगान्तकृद्युगावर्तो दृश्यादृश्यस्वरूपकः । सहस्रजिन्महामूर्तिः सहस्रायुधपण्डितः ॥

yugāntakṛdyugāvarto dṛśyādṛśyasvarūpakaḥ | sahasrajinmahāmūrtiḥ sahasrāyudhapaṇḍitaḥ ||

अनन्तासुरसंहर्ता सुप्रतिष्ठः सुखाकरः । अक्रोधनः क्रोधहन्ता शत्रुक्रोधविमर्दनः ॥

anantāsurasaṃhartā supratiṣṭhaḥ sukhākaraḥ | akrodhanaḥ krodhahantā śatrukrodhavimardanaḥ ||

विश्वमुर्तिर्विश्वबाहुर्विश्वदृग्विश्वतो मुखः । विश्वेशो विश्वसंसेव्यो द्यावाभूमिविवर्धनः ॥

viśvamurtirviśvabāhurviśvadṛgviśvato mukhaḥ | viśveśo viśvasaṃsevyo dyāvābhūmivivardhanaḥ ||

अपान्निधिरकर्ताऽन्नमन्नदाताऽन्नदारुणः । अम्भोजमौलिरुज्जीवः प्राणः प्राणप्रदायकः ॥

apānnidhirakartā'nnamannadātā'nnadāruṇaḥ | ambhojamaulirujjīvaḥ prāṇaḥ prāṇapradāyakaḥ ||

स्कन्दः स्कन्दधरो धुर्यो धार्यो धृतिरनातुरः । आतुरौषधिरव्यग्रो वैद्यनाथोऽगदङ्करः ॥

skandaḥ skandadharo dhuryo dhāryo dhṛtiranāturaḥ | āturauṣadhiravyagro vaidyanātho'gadaṅkaraḥ ||

देवदेवो बृहद्भानुः स्वर्भानुः पद्मवल्लभः । अकुलः कुलनेता च कुलस्रष्टा कुलेश्वरः ।११८॥ निधिर्निधिप्रियः शङ्खपद्मादिनिधिसेवितः । शतानन्दः शतावर्तः शतमूर्तिः शतायुधः ॥

devadevo bṛhadbhānuḥ svarbhānuḥ padmavallabhaḥ | akulaḥ kulanetā ca kulasraṣṭā kuleśvaraḥ |118|| nidhirnidhipriyaḥ śaṅkhapadmādinidhisevitaḥ | śatānandaḥ śatāvartaḥ śatamūrtiḥ śatāyudhaḥ ||

पद्मासनः पद्मनेत्रः पद्माङ्घ्रिः पद्मपाणिकः । ईशः कारणकार्यात्मा सूक्ष्मात्मा स्थूलमूर्तिमान् ॥

padmāsanaḥ padmanetraḥ padmāṅghriḥ padmapāṇikaḥ | īśaḥ kāraṇakāryātmā sūkṣmātmā sthūlamūrtimān ||

अशरीरी त्रिशरीरी शरीरत्रयनायकः । जाग्रत्प्रपञ्चाधिपतिः स्वप्नलोकाभिमानवान् ॥

aśarīrī triśarīrī śarīratrayanāyakaḥ | jāgratprapañcādhipatiḥ svapnalokābhimānavān ||

सुषुप्त्यवस्थाभिमानी सर्वसाक्षी तुरीयगः । स्वापनः स्ववशो व्यापी विश्वमूर्तिर्विरोचनः ॥

suṣuptyavasthābhimānī sarvasākṣī turīyagaḥ | svāpanaḥ svavaśo vyāpī viśvamūrtirvirocanaḥ ||

वीरसेनो वीरवेषो वीरायुधसमावृतः । सर्वलक्षणलक्षण्यो लक्ष्मीवान् शुभलक्षणः ॥

vīraseno vīraveṣo vīrāyudhasamāvṛtaḥ | sarvalakṣaṇalakṣaṇyo lakṣmīvān śubhalakṣaṇaḥ ||

समयज्ञः सुसमय समाधिजनवल्लभः । अतुलोऽतुल्यमहिमा शरभोपमविक्रमः ॥

samayajñaḥ susamaya samādhijanavallabhaḥ | atulo'tulyamahimā śarabhopamavikramaḥ ||

अहेतुर्हेतुमान्हेतुः हेतुहेतुमदाश्रयः । विक्षरो रोहितो रक्तो विरक्तो विजनप्रियः ॥

aheturhetumānhetuḥ hetuhetumadāśrayaḥ | vikṣaro rohito rakto virakto vijanapriyaḥ ||

महीधरो मातरिश्वा माङ्गल्यमकरालयः । मध्यमान्तादिरक्षोभ्यो रक्षोविक्षोभकारकः ॥

mahīdharo mātariśvā māṅgalyamakarālayaḥ | madhyamāntādirakṣobhyo rakṣovikṣobhakārakaḥ ||

गुहो गुहाशयो गोप्ता गुह्यो गुणमहार्णवः । निरुद्योगो महोद्योगी निर्निरोधो निरङ्कुशः॥

guho guhāśayo goptā guhyo guṇamahārṇavaḥ | nirudyogo mahodyogī nirnirodho niraṅkuśaḥ||

महावेगो महाप्राणो महेश्वरमनोहरः । अमृताशोऽमिताहारो मितभाष्यमितार्थवाक् ॥

mahāvego mahāprāṇo maheśvaramanoharaḥ | amṛtāśo'mitāhāro mitabhāṣyamitārthavāk ||

अक्षोभ्यः क्षोभकृत्क्षेमः क्षेमवान् क्षेमवर्धनः । ऋद्ध ऋद्धिप्रदो मत्तो मत्तकेकिनिषूदनः ॥

akṣobhyaḥ kṣobhakṛtkṣemaḥ kṣemavān kṣemavardhanaḥ | ṛddha ṛddhiprado matto mattakekiniṣūdanaḥ ||

धर्मो धर्मविदां श्रेष्ठो वैकुण्ठो वासवप्रियः । परधीरोऽपराक्रान्त परितुष्टः परासुहृत् ॥

dharmo dharmavidāṃ śreṣṭho vaikuṇṭho vāsavapriyaḥ | paradhīro'parākrānta parituṣṭaḥ parāsuhṛt ||

रामो रामनुतो रम्यो रमापतिनुतो हितः । विरामो विनतो विद्वान् वीरभद्रो विधिप्रियः ॥

rāmo rāmanuto ramyo ramāpatinuto hitaḥ | virāmo vinato vidvān vīrabhadro vidhipriyaḥ ||

विनयो विनयप्रीतो विमतोरुमदापहः । सर्वशक्तिमतां श्रेष्ठः सर्वदैत्यभयङ्करः ॥

vinayo vinayaprīto vimatorumadāpahaḥ | sarvaśaktimatāṃ śreṣṭhaḥ sarvadaityabhayaṅkaraḥ ||

शत्रुघ्नःशत्रुविनतः शत्रुसङ्घप्रधर्षकः । सुदर्शन ऋतुपतिर्वसन्तो माधवो मधुः ॥

śatrughnaḥśatruvinataḥ śatrusaṅghapradharṣakaḥ | sudarśana ṛtupatirvasanto mādhavo madhuḥ ||

वसन्तकेलिनिरतो वनकेलिविशारदः । पुष्पधूलीपरिवृतो नवपल्लवशेखरः ॥

vasantakelinirato vanakeliviśāradaḥ | puṣpadhūlīparivṛto navapallavaśekharaḥ ||

जलकेलिपरो जन्यो जह्नुकन्योपलालितः । गाङ्गेयो गीतकुशलो गङ्गापूरविहारवान् ॥

jalakeliparo janyo jahnukanyopalālitaḥ | gāṅgeyo gītakuśalo gaṅgāpūravihāravān ||

गङ्गाधरो गणपतिर्गणनाथसमावृतः । विश्रामो विश्रमयुतो विश्वभुग्विश्वदक्षिणः ॥

gaṅgādharo gaṇapatirgaṇanāthasamāvṛtaḥ | viśrāmo viśramayuto viśvabhugviśvadakṣiṇaḥ ||

विस्तारो विग्रहो व्यासो विश्वरक्षण तत्परः । विनतानन्द कारी च पार्वतीप्राणनन्दनः ॥ विशाखः षण्मुखः कार्तिकेयः कामप्रदायकः ॥

vistāro vigraho vyāso viśvarakṣaṇa tatparaḥ | vinatānanda kārī ca pārvatīprāṇanandanaḥ || viśākhaḥ ṣaṇmukhaḥ kārtikeyaḥ kāmapradāyakaḥ ||

इति श्रीसुब्रह्मण्यसहस्रनामस्तोत्रं सम्पूर्णम् ।

iti śrīsubrahmaṇyasahasranāmastotraṃ sampūrṇam |

। ॐ शरवणभव ॐ ।

| oṃ śaravaṇabhava oṃ |